7 મિનિટ પેહલાલેખક: કિરણ જૈન
- કૉપી લિંક
ટીવી એક્ટ્રેસ સંગીતા ઘોષ ‘સાંઝા સિંદૂર’ શોથી ટેલિવિઝન પર કમબેક કરી રહી છે. વર્ષ 2022માં તે ‘સ્વર્ણ ઘર’ શોમાં લીડ એક્ટ્રેસ તરીકે જોવા મળી હતી. આ સમય દરમિયાન તે 45 વર્ષની વયે માતા બની હતી. એક્ટ્રેસના કહેવા પ્રમાણે, 45 વર્ષની ઉંમરમાં માતા બનવાનો નિર્ણય લેવો સરળ ન હતો. સંગીતાએ દિવ્ય ભાસ્કર સાથે કરિયર, ગર્ભાવસ્થા અને જીવન વિશે વાત કરી. જાણો શું કહ્યું…
માતા બનવાનો નિર્ણય લેવામાં ઘણું મોડું થયું હતું
સંગીતા કહે છે, ‘હું તે સમયે ખૂબ જ નર્વસ હતી. મેં આ નિર્ણય ઘણો મોડો લીધો. મને ખાતરી નહોતી કે હું ક્યારેય માતા બનીશ કે નહીં. કોરોના દરમિયાન પતિએ મારી સાથે આ અંગે વાત કરી હતી. તે સમયે મને પણ સમજાયું કે આપણે બંનેએ આ યાત્રાનો અનુભવ કરવો જોઈએ. હું મારા જીવન સાથીની હંમેશા આભારી રહીશ. તેમણે જ મને માતા બનવા માટે સમજાવી હતી. આજે અમે બંને આ નિર્ણયથી ખૂબ ખુશ છીએ.
દીકરી માટે હવે પોતાની જાતને વધુ ફિટ બનાવવી પડશે
એક્ટ્રેસે વધુમાં કહ્યું કે, ‘મારે મારી પુત્રી માટે હજી નાની બનવું છે. તેની સાથે ફૂટબોલ અને ક્રિકેટ રમવાથી લઈને તેને અભ્યાસ કરાવવા સુધી, હું તેની સાથે દરેક ક્ષણને માણવા ઈચ્છું છું. જેના માટે મારે હવે મારી જાતને વધુ ફિટ બનાવવી પડશે. ભવિષ્યમાં મારી દીકરી મને નવું શીખવશે એ વિચારીને હું ખૂબ જ ઉત્સાહિત થઈ જાઉં છું. લોકો કહેતા હતા કે જ્યારે તમે માતા બનશો ત્યારે તમને ખ્યાલ આવશે કે સાચો પ્રેમ શું છે. હું આ અનુભવું છું કે મારી દીકરી દેવીના એક સ્માઈલથી દિવસભરનો થાક દૂર થઈ જાય છે.
નેગેટિવ લોકોનું મારા જીવનમાં કોઈ સ્થાન નથી
શું તમે ક્યારેય માતૃત્વને લઈને સમાજના દબાણનો સામનો કર્યો છે? ‘દેશ મેં નિકલા હોગા ચાંદ’ એક્ટ્રેસ કહે છે, ‘ક્યારેય નહીં’. વાસ્તવમાં, હું એક એવી મહિલા છું જેને ક્યારેય પોતાના નિર્ણય પર પસ્તાવો થતો નથી. લોકો મારા વિશે શું કહે છે તે અંગે મને ક્યારેય તણાવ થયો નથી. હું મારા જીવનમાં ખુશ છું. મારા જીવનમાં ફક્ત એવા લોકો માટે જ સ્થાન છે જે મને પ્રોત્સાહિત કરે છે અને મને ખુશી આપે છે. મારા જીવનમાં નકારાત્મક લોકોનું કોઈ સ્થાન નથી.
પરિવારને છોડીને કામ કરવું કઈ ખોટું નથી
સંગીતાની દીકરી દેવીનો જન્મ 25 ડિસેમ્બર 2021ના રોજ થયો હતો. પરંતુ, તેમની પુત્રીના જન્મના 25 દિવસ પછી જ તેમને કામ પર પાછા ફરવું પડ્યું. શું તેમને આ વાતનો અફસોસ છે? આના પર તેણે કહ્યું, ‘બિલકુલ નહીં. હવે દેવી અઢી વર્ષની છે પરંતુ મેં તેના જન્મના 25 દિવસ પછી જ કામ કરવાનું શરૂ કર્યું. જો તમે તમારા પરિવારને છોડીને બહાર કામ કરી રહ્યા હો તો તેમાં કંઈ ખોટું નથી. હું ઈચ્છું છું કે મારી દીકરી પણ આ સમજે અને શીખે. હા, કામ દરમિયાન હું દેવીને ખૂબ મિસ કરું છું. તેને છોડીને દુખ થાય છે પણ મને મારું કામ પણ ગમે છે.
સંગીતાએ મિસ કેરેજનું દુઃખ પણ સહન કર્યું
સંગીતા ઘોષના લગ્ન રાજસ્થાનના જાણીતા પોલો પ્લેયર રાજવી શૈલેન્દ્ર સિંહ રાઠોડ સાથે થયા છે. સંગીતા જયપુરમાં ઘોડેસવારી શીખી રહી હતી ત્યારે બંનેની મુલાકાત થઈ હતી. વર્ષ 2011માં બંનેએ એક ખાનગી સમારંભમાં લગ્ન કર્યા હતા. સંગીતાએ પુત્રીના જન્મના 7 મહિના બાદ માતા બનવાનો ખુલાસો કર્યો હતો. ખરેખર પ્રી-મેચ્યોર ડિલિવરી થઇ હતી. તેમને 15 દિવસ સુધી NICU (નિયોનેટલ ઇન્ટેન્સિવ કેર યુનિટ)માં રાખવામાં આવ્યા હતા. આ પહેલાં સંગીતાને એક વખત કસુવાવડ થઈ હતી. તેથી જ તેને આ વાત કહેવાની કોઈ ઉતાવળ નથી.
‘સાઝા સિંદૂર’માં નેગેટિવ રોલમાં જોવા મળશે સંગીતા સિરિયલ ‘સાંઝા સિંદૂર’માં નેગેટિવ રોલમાં જોવા મળશે. શો વિશે તેમણે કહ્યું, ‘શોમાં મારું પાત્ર ઘણું જટિલ છે. સરોજનું પાત્ર ખૂબ જ મધુર છે, તે સાચું છે, દરેકને લાગે છે કે તે ખૂબ જ સરસ છે. જો કે, સરોજને લાગે છે કે તેની સાથે કંઈક ખોટું થયું છે જેને તે સુધારવા માંગે છે. મેં આ પહેલા પણ કેટલાક નેગેટિવ પાત્રો કર્યા છે, હું તેને ખૂબ એન્જોય કરું છું.
