‘ભુલભુલૈયા 3’નું ટાઇટલ સોંગ રિલીઝ: પિટબુલનું રૅપિંગ, દિલજીતનો અવાજ; નવા ફ્લેવર સાથે સાંભળવા મળ્યું ‘હરે રામ-હરે કૃષ્ણ…’

‘ભુલભુલૈયા 3’નું ટાઈટલ સોંગ રિલીઝ થઈ ગયું છે. આ વખતે ગીતમાં ઘણી બધી નવી વસ્તુઓ જોવા મળી છે. આ ગીત દિલજીત દોસાંજ અને નીરજ શ્રીધરે ગાયું છે. જ્યારે ઇન્ટરનેશનલ સ્ટાર પિટબુલનું રેપ પણ સાંભળવા મળ્યું છે. કાર્તિક આર્યન ગીતમાં ત્રણેયના અવાજ પર જબરદસ્ત ડાન્સ કરતો પણ જોવા મળ્યો હતો. પિટબુલે ગુરુ રંધાવાના ગીત ‘Slowly Slowly’માં પણ રેપ કર્યું છે.

આ સિવાય મેકર્સે ટાઈટલ ટ્રેકમાં સોશિયલ મીડિયા પર વાઇરલ થયેલા ‘હે હરિ રામ, કૃષ્ણ જગન્નાથમ’ ગીતનો પણ ઉપયોગ કર્યો છે.

ફિલ્મની ટક્કર ‘સિંઘમ અગેઇન’ સાથે થશે

આ ફિલ્મ દિવાળીના અવસર પર 1 નવેમ્બરે સિનેમાઘરોમાં રિલીઝ થશે. એની ટક્કર અજય દેવગન સ્ટારર ‘સિંઘમ અગેન’ સાથે થશે.

‘ભુલભુલૈયા ૩’નો ક્લાઈમેક્સ લીક થયો!

કાર્તિક આર્યન આગામી ફિલ્મ ‘ભુલભુલૈયા 3’નું જોરશોરથી પ્રમોશન કરી રહ્યો છે. મીડિયા સાથે વાત કરતા સમયે તેણે ફિલ્મના બે ક્લાઈમેક્સ વિશે જણાવ્યું હતું. તેણે કહ્યું હતું કે આ વાત માત્ર ચાર લોકોને જ ખબર છે અને લોકો આ જોઈને સરપ્રાઈઝ થઈ જશે. હવે એક ઈન્ટરવ્યૂમાં વાતચીત દરમિયાન એનાથી ફિલ્મનો ક્લાઈમેક્સ લીક થયો હોવાની ચર્ચા થઈ રહી છે.

ફિલ્મમાં બે ક્લાઇમેક્સ કાર્તિક આર્યને પિંકવિલા સાથે બે ક્લાઈમેક્સ પર વાત કરી હતી. તેણે કહ્યું, મને લાગે છે કે રિયલ ક્લાઈમેક્સ વિશે એક કે બે લોકો વધુ જાણતા હશે, પણ હા, બે ક્લાઈમેક્સ શૂટ થયા છે. જ્યારે સ્ક્રિપ્ટ અમારી પાસે આવી ત્યારે માત્ર 5 લોકોને 15 પેજ આપવામાં આવ્યા હતા. વાંચો સંપૂર્ણ સમાચાર……