પુણેનો કોન્સર્ટ બન્યો ‘દિલ’જીત!: સ્ટેજ પર છોકરાએ ગર્લફ્રેન્ડને કર્યું પ્રપોઝ, દિલજીત દોસાંઝ પણ જોતો રહી ગયો

દિલજીત દોસાંઝ તેના કોન્સર્ટ દ્વારા દેશભરમાં ધૂમ મચાવી રહ્યો છે. હાલ પુણે શોનો એક વીડિયો ખૂબ જ વાઈરલ થઈ રહ્યો છે. જેમાં એક છોકરો સ્ટેજ પર આવે છે અને તેની ગર્લફ્રેન્ડને પ્રપોઝ કરે છે. આ પછી દિલજીતે બંનેને અભિનંદન પાઠવ્યા.

કોન્સર્ટ વચ્ચે સ્ટેજ પર છોકરાએ કર્યું પ્રપોઝ રવિવારે દિલજીત દોસાંઝે પુણે કોન્સર્ટ કરી ફેન્સને પાગલ કર્યા હતા. શોમાં ભારે ભીડ જોવા મળી હતી. દિલજીત દર્શકોનું મનોરંજન કરી રહ્યો હતો. આ દરમિયાન એક કપલ સ્ટેજ પર આવ્યું અને એકબીજાને પ્રપોઝ કર્યું. દિલજીતે આ ક્લિપ તેની ઈન્સ્ટા સ્ટોરી પર પણ પોસ્ટ કરી છે. આમાં છોકરો ઘૂંટણિયે બેસીને છોકરીને પ્રપોઝ કરે છે. આ પછી તે તેના હાથમાં કિસ કરે છે અને છોકરીને હગ કરે છે. આ દરમિયાન દિલજીત રોમેન્ટિક ગીત ગાવાનું શરૂ કરે છે.

આ ઝગડો કરે તો મને ફોન કરજે- દિલજીત છોકરો દિલજીતને કહે છે કે તે 13 વર્ષથી આ દિવસની રાહ જોઈ રહ્યો હતો. દિલજીત ચોંકી જાય છે અને છોકરીને પૂછે છે, તે સાચું બોલે છે કે ખોટું? દિલજીત કહે છે, તમે હંમેશા ખુશ રહો. પછી તે છોકરીને કહે છે કે, જો આ ઝગડો કરે તો મને ફોન કરજે. છોકરાને ઈશારાથી ચેતવે છે અને પછી હાથ મિલાવે છે. દિલજીતનો આ વીડિયો સોશિયલ મીડિયા પર ખૂબ જ વાઈરલ થઈ રહ્યો છે.

,

આ સમાચાર સાથે જોડાયેલા આ સમાચાર પણ વાંચો-

અમદાવાદ કોન્સર્ટમાં દિલજીત ઊંધે માથે પડ્યો!:’પટિયાલા પેગ’ ગાતા ગાતા પગ લપસ્યો, કહ્યું- ભાઈ! આ ફાયર ન કરો, તેલ ઢોળાય છે

પંજાબી સિંગર દિલજીત દોસાંજ તેની ‘દિલ-લુમિનાટી’ ટૂર પર છે. અમદાવાદમાં રવિવારે આયોજિત કોન્સર્ટ દરમિયાન મોટી દુર્ઘટનાથી સિંગર બચ્યો હતો. દિલજીતનો એક વીડિયો સોશિયલ મીડિયા પર વાઈરલ થતાં તેના ફેન્સ ચિંતિત થઈ ગયા હતા. સંપૂર્ણ સમાચાર વાંચો…