14 કલાક પેહલાલેખક: કિરણ જૈન
- કૉપી લિંક
‘દિયા ઔર બાતી હમ’ ફેમ દીપિકા સિંહ તેમના ડાન્સ મૂવ્સ માટે ઘણી ટ્રોલ થતી રહે છે. ઉલ્લેખનીય છે કે, એક્ટ્રેસ સોશિયલ મીડિયા પર ઘણી એક્ટિવ રહે છે. તે ડાન્સ વીડિયો બનાવે છે અને પોસ્ટ પણ કરે છે. આ કારણે તે ઘણીવાર લોકોની ટીકાનો શિકાર બને છે.
દીપિકાની મિત્ર અને તેની ભૂતપૂર્વ કો-સ્ટાર એક્ટ્રેસ નીલુ વાઘેલાના કહેવા પ્રમાણે, દીપિકા ખૂબ જ લાગણીશીલ વ્યક્તિ છે. લોકોએ તેમની ટીકા ન કરવી જોઈએ.
‘આ તેમની 8-10 વર્ષની તપસ્યાનું ફળ છે’
દિવ્ય ભાસ્કર સાથે વાત કરતી વખતે નીલુ વાઘેલા કહે છે, ‘દીપિકા ખૂબ જ લાગણીશીલ અને સ્ટ્રેટ ફોરવર્ડ વ્યક્તિ છે. લોકોએ તેમની ટીકા ન કરવી જોઈએ. હકીકતમાં તેમને ડાન્સનો શોખ છે. લોકોએ એ ન ભૂલવું જોઈએ કે તેઓ ડાન્સ શીખ્યા છે. આ તેમની 8-10 વર્ષની તપસ્યા છે. ઘણા વર્ષો સુધી ડેઈલી સોપ કર્યા પછી તેમણે ઘણી જાહેરાતો અને શો કર્યા છે. આ બધું કર્યા પછી પણ તે ડાન્સ પ્રત્યેનો પોતાનો જુસ્સો જાળવી રહી છે, તે મોટી વાત છે.’
‘ખામીઓ કોનામાં નથી હોતી?’
એક્ટ્રેસે વધુમાં કહ્યું ‘કોનામાં ખામીઓ નથી હોતી? તે આપણા બધામાં છે. હું લોકોને વિનંતી કરીશ કે કૃપા કરીને આવી ટિપ્પણીઓ ન કરો જેનાથી કોઈને દુઃખ થાય. કોઈને દુઃખ પહોંચાડવા કરતાં કોઈના ચહેરા પર ખુશી લાવવી વધું સારું છે. આ મારી લોકોને અપીલ છે.’
એક્ટ્રેસ હોવા છતાં તે ઓડિસી ડાન્સર પણ છે
એક્ટર હોવા ઉપરાંત દીપિકા ઓડિસી ડાન્સર પણ છે. તે આ પ્રતિભા ઇન્સ્ટાગ્રામ પર બતાવે છે. જોકે તે ઘણીવાર ટ્રોલ થાય છે લોકોને દીપિકાની એક્ટિંગ ગમે છે પરંતુ લોકોને ડાન્સ બિલકુલ પસંદ નથી. દીપિકાએ આ વિશે ઘણી વખત ખુલ્લીને વાત કરી છે.
ઇન્સ્ટાગ્રામ પર તેના 5 મિલિયનથી વધુ ફોલોઅર્સ
દીપિકા સિંહને ઈન્સ્ટાગ્રામ પર 50 લાખથી વધુ લોકો ફોલો કરે છે. તેની મોટાભાગની રીલ્સને લાખો વ્યુઝ મળે છે. એક્ટ્રેસનું કહેવું છે કે તે ટ્રોલિંગથી પરેશાન નથી. તે કહે છે, ‘મને મારા ડાન્સની ખૂબ મજા આવે છે. મને વીડિયો પોસ્ટ કરવાનું પણ ગમે છે. હા, ઘણા લોકો નેગેટિવ કમેન્ટ કરે છે. જો કે, હું આ કમેન્ટ પર વધુ ધ્યાન આપતી નથી.’
‘થોડા મહિના પહેલાં દીપિકા સિંહે સિરીયલ ‘મંગલ લક્ષ્મી’થી ટેલિવિઝન પર કમબેક કર્યું હતું. દીપિકા આ શોમાં એક મજબૂત પરંતુ રિઝર્વ્ડ હોમમેકરની ભૂમિકામાં જોવા મળે છે. 5 વર્ષ પછી ટીવી પર પાછા ફરવાના પ્રશ્ન પર એક્ટ્રેસે કહ્યું કે આ સમય દરમિયાન તે તેના ડાન્સના જુસ્સાને નવો ઊઘાડ આપી રહી હતી.
ફિલ્મ ‘ ટીટુ અંબાણી’ની નિષ્ફળતા બાદ તે નાના પડદા પર પાછી ફરી હતી
દીપિકા ટીવી શો ‘દિયા ઔર બાતી હમ’માં IPS ઓફિસર સંધ્યાના રોલથી ફેમસ થઈ હતી. વર્ષ 2019માં તે સિરિયલ ‘કવચ’માં જોવા મળી હતી. થોડા વર્ષ પહેલાં તેણે નાના પડદાથી પોતાની જાતને દૂર કરી લીધી હતી કારણ કે તે ફિલ્મોમાં કરિયર બનાવવા માગતી હતી. જોકે, ફિલ્મ ‘ટીટુ અંબાણી’ની નિષ્ફળતા બાદ તે નાના પડદા પર પાછી ફરી હતી.
નીલુ વાઘેલાની વાત કરીએ તો તે ટૂંક સમયમાં નવા શો ‘સાંઝા સિંદૂર’માં જોવા મળશે.
