44 મિનિટ પેહલા
- કૉપી લિંક
બોલિવૂડ એક્ટર ધર્મેન્દ્રએ 88 વર્ષની ઉંમરે પોતાનું નામ બદલી નાખ્યું છે. આ વાતનો ખુલાસો ત્યારે થયો જ્યારે શાહિદ કપૂર અને કૃતિ સેનન સ્ટારર ફિલ્મ ‘તેરી બાતોં મેં ઐસા ઉલ્ઝા જિયા’ 9 ફેબ્રુઆરીએ સિનેમાઘરોમાં રિલીઝ થઈ હતી. ફિલ્મની શરૂઆતની ક્રેડિટ્સ પરથી જાણવા મળ્યું કે ધર્મેન્દ્રએ તેમના નામમાં તેમના જન્મ સમયે આપેલું મધ્યમ નામ અને અટક ઉમેર્યાં છે. ફિલ્મની ક્રેડિટમાં તેનું નામ ધર્મેન્દ્ર સિંહ દેઓલ લખવામાં આવ્યું છે. તમને જણાવી દઈએ કે, ઇન્ડસ્ટ્રીમાં આવ્યાના લગભગ 64 વર્ષ બાદ તેણે પોતાનું નામ બદલી નાખ્યું છે.
આ પહેલા ધર્મેન્દ્રએ પોતાના નામમાં કંઈ ઉમેર્યું ન હતું. ધર્મેન્દ્રનું બાળપણનું નામ ધર્મેન્દ્ર કેવલ કિશન દેઓલ છે. જો કે ધર્મેન્દ્રએ હજુ સુધી આની જાહેરાત કરી નથી. અત્યારે દરેક જગ્યાએ તેમનું નામ ધર્મેન્દ્ર લખાય છે.
ધર્મેન્દ્રનો જન્મ
ધર્મેન્દ્રનો જન્મ 8 ડિસેમ્બર 1935ના રોજ થયો હતો. તેમના પિતાનું નામ કેવલ કિશન સિંહ દેઓલ અને માતાનું નામ સતવંત કૌર હતું. તેમના પિતા પંજાબના સાહનેવાલ ગામના મુખ્ય શિક્ષક હતા.
ધર્મેન્દ્ર આર્થિક તંગીનો સામનો કરી રહ્યા હતા
ધર્મેન્દ્રને તેમની પહેલી ફિલ્મ ‘દિલ ભી તેરા હમ ભી તેરે’ માટે માત્ર 51 રૂપિયા મળ્યા હતા. એક સમય એવો હતો જ્યારે ધર્મેન્દ્ર પેટ ભરીને ભોજન પણ કરી શકતા ન હતા. એકવાર અભિનેતા શશિ કપૂર તેમને તેમના ઘરે લઈ ગયા અને તેમને ભોજન કરાવ્યું. તે સમયે તેની ફી ઘણી ઓછી હતી. રહેવા માટે કોઈ કાયમી જગ્યા ન હોવાથી તે અર્જુન હિંગોરાણીના ગેરેજમાં રહેવા લાગ્યા. આ પછી તેમણે ઘણાં વર્ષો સુધી સંઘર્ષ કર્યો અને પછી બોલિવૂડના સુપરસ્ટાર બન્યા. આજે દિલ્હીમાં ધર્મેન્દ્રના નામ પર એક રેસ્ટોરન્ટ છે, જ્યાંનો તમામ શણગાર તેમની ફિલ્મોથી પ્રેરિત છે.
ધર્મેન્દ્રના પહેલા લગ્ન સમયે હેમાની ઉંમર માત્ર 6 વર્ષની હતી.
ધર્મેન્દ્રએ 1954માં પ્રકાશ કૌર સાથે લગ્ન કર્યા ત્યારે હેમાની ઉંમર માત્ર 6 વર્ષની હતી. બાદમાં તેણે 1980માં હેમા સાથે લગ્ન કર્યા. આ તેમના બીજા લગ્ન હતા, તેમને હેમાથી બે દીકરીઓ ઈશા અને આહાના છે. તેમને પ્રકાશ કૌરથી ચાર બાળકો છે, પુત્રો અજય સિંહ (સની દેઓલ), વિજય સિંહ (બોબી દેઓલ), પુત્રીઓ વિજેતા અને અજેતા દેઓલ.
ધર્મેન્દ્ર રણવીર સિંહ અને આલિયા ભટ્ટ સ્ટારર ફિલ્મ ‘રોકી ઔર રાની’ કી પ્રેમ કહાનીમાં જોવા મળ્યા હતા. આ સિવાય તે અગસ્ત્ય નંદા સાથે ફિલ્મ ઈક્કીસમાં જોવા મળશે. આ ફિલ્મનું નિર્દેશન શ્રીરામ રાઘવન કરશે. આ સિવાય તે ફિલ્મ અપને 2માં પણ કામ કરશે.
