9 કલાક પેહલા
- કૉપી લિંક
દિગ્ગજ એક્ટ્રેસ હેમા માલિનીએ ફિલ્મોની સાથે-સાથે રાજકારણમાં પણ સફળ ઇનિંગ રમી છે, પરંતુ શું તમે જાણો છો કે ધર્મેન્દ્ર ઇચ્છતા ન હતા કે હેમા રાજકારણમાં આવે. હેમાએ પોતે એક ઇન્ટરવ્યૂમાં આ વાતનો ખુલાસો કર્યો છે.
ન્યૂઝ 18ને આપેલા ઇન્ટરવ્યૂમાં હેમાએ કહ્યું, ‘ધરમજીને આ બિલકુલ પસંદ નહોતું. તેમણે મને કહ્યું કે ચૂંટણી ન લડું કારણ કે તે ખૂબ જ મુશ્કેલ કામ છે. જ્યારે તેમણે આ કહ્યું ત્યારે મેં તેને પડકાર તરીકે લીધી.’
હેમાએ 1980માં ધર્મેન્દ્ર સાથે લગ્ન કર્યા હતા
હેમાએ કહ્યું, ‘ધરમજીને રાજનીતિમાં એટલા માટે સમસ્યાઓનો સામનો કરવો પડ્યો કારણ કે તેમને ઘણી મુસાફરી કરવી પડી અને તેની સાથે તેમને ફિલ્મોમાં પણ કામ કરવું પડ્યું.’
હેમાએ વધુમાં કહ્યું, ‘જ્યારે તમે ફિલ્મ સ્ટાર બનીને રાજકારણમાં પ્રવેશ કરો છો, ત્યારે લોકોનો તમારા પ્રત્યેનો ક્રેઝ વધી જાય છે. ધરમજીને લઈને ફેન્સનો ક્રેઝ દરેક જણ જાણે છે, તેથી તેને મેનેજ કરવામાં ઘણી મુશ્કેલી પડી. મને પણ ઘણી સમસ્યાઓનો સામનો કરવો પડે છે જે ધરમજીને બિલકુલ પસંદ નથી પણ હું એક સ્ત્રી છું તેથી હું બધું બરાબર મેનેજ કરું છું. ,
હેમા માલિની, અટલ બિહારી વાજપેયી અને વિનોદ ખન્ના
વિનોદ ખન્નાએ મદદ કરી હતી
હેમાએ ઇન્ટરવ્યૂમાં એ પણ જણાવ્યું કે, ‘વિનોદ ખન્નાએ તેમની રાજકીય સફરમાં મહત્ત્વની ભૂમિકા નિભાવી છે. હેમાએ કહ્યું, હું વિનોદ ખન્નાથી પ્રભાવિત હતી કારણ કે તેઓ મને તેમની ચૂંટણી સભાઓમાં સાથે લઈ જતા હતા. તેમણે મને ઘણું શીખવ્યું જેમ કે ભાષણ કેવી રીતે આપવું, જનતાનો સામનો કેવી રીતે કરવો વગેરે. પાંચ-છ હજાર લોકોની સામે ભાષણ આપવું એ કોઈ મજાક નથી. તમે પહેલાં તો ડરી જશો.’
હેમા ત્રીજી વખત મથુરાથી ચૂંટણી લડી રહી છે
2014માં ભાજપે પહેલીવાર હેમા માલિનીને મથુરા લોકસભા સીટ પરથી મેદાનમાં ઉતાર્યા હતા. આ પછી તેમણે 2019 માં બીજી વખત મથુરાથી લોકસભાની ચૂંટણી લડી અને જીત્યા.
હવે તે ત્રીજી વખત મથુરાથી ચૂંટણી લડી રહી છે. ધર્મેન્દ્ર 2004થી 2009 સુધી બિકાનેરથી સાંસદ હતા પરંતુ બાદમાં તેમણે રાજકારણ છોડી દીધું હતું.
