51 મિનિટ પેહલા
- કૉપી લિંક
આ વર્ષે રિલીઝ થનારી બે સાઉથની ફિલ્મો જેની દર્શકો આતુરતાથી રાહ જુએ છે. જેમાં અલ્લુ અર્જુન સ્ટારર ‘પુષ્પા-2’ અને જુનિયર NTR સ્ટારર ‘દેવરા’ માટે થોડી દર્શકોએ વધુ રાહ જોવી પડશે. જ્યારે ‘પુષ્પા-2’ના નિર્માતાઓએ તેની રિલીઝ ડેટ 15મી ઓગસ્ટ 2024 નક્કી કરી હતી, ત્યારે ‘દેવરા’ના નિર્માતાઓ 5મી એપ્રિલે રિલીઝ કરવાની તૈયારી કરી રહ્યા હતા. જો કે, હવે એવું સાંભળવા મળ્યું છે કે આ બંને ફિલ્મો તેમના નિર્ધારિત સમય પર રિલીઝ થશે નહીં. આ પાછળ અમુક કારણો જવાબદાર છે.
‘પુષ્પા-2’ના નિર્માતાઓએ ગત વર્ષે ફિલ્મનું ટીઝર રિલીઝ કર્યું હતું. જેમાં બધા પુષ્પાને શોધતા જોવા મળ્યા હતા.
અલ્લુ અર્જુને હેલ્થને કારણે બ્રેક લીધો
સુપરસ્ટાર અલ્લુ અર્જુન છેલ્લાં ઘણા સમયથી ‘પુષ્પા-2’ના શૂટિંગમાં સતત વ્યસ્ત હતો. જોકે, હવે કેટલીક સ્વાસ્થ્ય સમસ્યાઓના કારણે તેમણે શૂટિંગમાંથી બ્રેક લીધો છે. અલ્લુ ફરી ક્યારે શૂટિંગ શરૂ કરશે તે જાણી શકાયું નથી, પરંતુ એટલું ચોક્કસ છે કે તેનો બ્રેક ફિલ્મના પોસ્ટ-પ્રોડક્શનને અસર કરશે.
આ સિવાય ફિલ્મના નિર્માતાઓએ ગયા વર્ષે એક પોસ્ટર શેર કરીને તેના બીજા પાર્ટની રિલીઝ ડેટની જાહેરાત કરી હતી.
‘દેવરા’ના VFX અને સંગીત પર કામ બાકી છે
બીજી તરફ, ‘દેવરા’માં ભૈરાનું પાત્ર ભજવનાર બોલિવૂડ એક્ટર સૈફ અલી ખાને તાજેતરમાં ટ્રાઈસેપ્સ સર્જરી કરાવી છે. સૈફને હોસ્પિટલમાંથી રજા આપવામાં આવી છે અને તે આ દિવસોમાં બ્રેક પર છે. એવું સાંભળવામાં આવ્યું હતું કે તેના બ્રેકને કારણે ફિલ્મના શૂટિંગ પર અસર થશે પરંતુ સૂત્રોનું માનીએ તો સૈફે આ ફિલ્મનું શૂટિંગ પૂર્ણ કરી લીધું છે.
‘દેવરા’ના નિર્માતાઓએ બે અઠવાડિયા પહેલાં તેનું ટીઝર શેર કર્યું હતું.
ફિલ્મના VFX વર્ક અને મ્યુઝિકના કારણે તેની રિલીઝમાં વિલંબ થઈ રહ્યો છે. એકંદરે, આ બંને ફિલ્મોના શૂટિંગમાં વિલંબને કારણે તેમની રિલીઝની તારીખો પર પણ અસર થશે.
‘દેવરા’ની ટક્કર ‘સિંઘમ અગેન’ સાથે થઈ શકે છે.
જો કેટલાક અહેવાલોનું માનીએ તો, ‘દેવરા’ હવે અજય દેવગન સ્ટારર ‘સિંઘમ અગેન’ સાથે ટકરાશે. સાંભળવામાં આવે છે કે ‘પુષ્પા-2’ના વિલંબ બાદ હવે ‘દેવરા’ 15 ઓગસ્ટે રિલીઝ થઈ શકે છે. જો આમ થશે તો ‘દેવરા’ની ટક્કર રોહિત શેટ્ટીની ફિલ્મ ‘સિંઘમ અગેઇન’ સાથે થશે.
‘સિંઘમ અગેઇન’ના નિર્માતાઓએ ગયા વર્ષે ફિલ્મનું અજયનું ફર્સ્ટ લૂક પોસ્ટર શેર કર્યું હતું.
જુનિયર એનટીઆર ઉપરાંત સૈફ અલી ખાન અને જાહન્વી કપૂર દેવરામાં જોવા મળશે. ‘સિંઘમ અગેઇન’માં અજય ઉપરાંત કરીના કપૂર, અક્ષય કુમાર, રણવીર સિંહ, દીપિકા પાદુકોણ, ટાઈગર શ્રોફ, અર્જુન કપૂર, જેકી શ્રોફ અને શ્વેતા તિવારી જેવા કલાકારો જોવા મળશે.
