ઈશા દેઓલે 2005નો કિસ્સો શેર કર્યો: ‘ભીડનો ફાયદો ઉઠાવીને એક વ્યક્તિએ મને અયોગ્ય રીતે સ્પર્શ કર્યો અને મે થપ્પડ મારી દીધી’

અભિનેત્રી ઈશા દેઓલે તાજેતરમાં જણાવ્યું હતું કે, જ્યારે એક ઈવેન્ટમાં કોઈ વ્યક્તિએ તેને અયોગ્ય રીતે સ્પર્શ કર્યો તો તેણે તેને થપ્પડ મારી દીધી. એક ઈન્ટરવ્યૂમાં ઈશાએ જણાવ્યું કે આ ઘટના 2005માં ફિલ્મ ‘દસ’ના પ્રીમિયર વખતે બની હતી. આ દરમિયાન તેના સહ કલાકારો સંજય દત્ત, સુનીલ શેટ્ટી, ઝાયેદ ખાન અને અભિષેક બચ્ચન પણ હાજર હતા.

ઈશાએ તેને ચીડવનાર વ્યક્તિને થપ્પડ મારી હતી તે ઘટનાને યાદ કરતાં ઈશાએ કહ્યું કે, જ્યારે હું ઇવેન્ટ સ્થળે પ્રવેશી રહી હતી ત્યારે ઘણા બાઉન્સર્સે મને ઘેરી લીધી હતી પરંતુ તે પછી પણ ભીડમાંથી એક વ્યક્તિએ મને અયોગ્ય રીતે સ્પર્શ કર્યો હતો. તે દરમિયાન, મને ખબર નથી કે શું થયું કે મેં તરત જ પ્રતિક્રિયા આપી, તે વ્યક્તિનો હાથ પકડ્યો, તેને ભીડમાંથી ખેંચી લીધો અને તેને થપ્પડ મારી દીધી.

ફિલ્મ ‘દસ’માં ઈશા.

ઈશાએ આગળ કહ્યું, મને એમ સરળતાથી ગુસ્સો નથી આવતો પરંતુ જો કેટલીક બાબતો અસહ્ય થઈ જાય તો હું ચૂપ નથી રહેતી. આવી સ્થિતિમાં મહિલાઓએ પોતાનો અવાજ ઉઠાવવો જ પડશે. પુરુષો શારીરિક રીતે મજબૂત હોય છે પરંતુ તેનો અર્થ એ નથી કે તેઓ તેનો ફાયદો ઉઠાવશે. મને લાગે છે કે મહિલાઓ ભાવનાત્મક રીતે મજબૂત હોય છે અને આપણે આ પ્રકારનું વર્તન બિલકુલ સહન ન કરવું જોઈએ.

2002માં ડેબ્યૂ કર્યું હતું ઈશાએ 2002માં ફિલ્મ ‘કોઈ મેરે દિલ સે’ પૂછે દ્વારા બોલિવૂડમાં એન્ટ્રી કરી હતી. બોલિવૂડમાં ઈશાની છેલ્લી ફિલ્મ 2011ની ‘ટેલ મી ઓ ખુદા’ હતી. તેણે 2012 માં લગ્ન પછી કામમાંથી બ્રેક લીધો હતો, જોકે તેણે પછીથી 2022 માં વેબસિરીઝ ‘રુદ્ર: ધ એજ ઓફ ડાર્કનેસ’ સાથે પુનરાગમન કર્યું હતું.