7 મિનિટ પેહલા
- કૉપી લિંક
હાલમાં જ બોલિવૂડના પ્રખ્યાત ગાયક ઉદિત નારાયણના પુત્ર આદિત્ય નારાયણનો એક વીડિયો વાઇરલ થયો હતો. વીડિયોમાં તે છત્તીસગઢની એક કોલેજમાં આયોજિત કોન્સર્ટ દરમિયાન એક ફેન્સ સાથે ગેરવર્તન કરતો જોવા મળ્યો હતો.
હવે આ ઈવેન્ટના આયોજકોએ આદિત્યના વર્તન પર નિવેદન આપ્યું છે. તેમણે કહ્યું કે જ્યારે આદિત્ય પરફોર્મ કરી રહ્યો હતો ત્યારે ભીડમાં ઘણા લોકો તેમનો પગ વારંવાર ખેંચી રહ્યા હતા. જ્યારે આવું ઘણી વખત બન્યું ત્યારે જ ગાયકે ગુસ્સામાં આ વર્તન કર્યું હતું.
સોમવારે આદિત્યના કોન્સર્ટમાંથી આ વાઇરલ થયો હતો
તે વ્યક્તિ કોલેજનો વિદ્યાર્થી ન હતોઃ ઇવેન્ટ મેનેજર
ઝૂમ પર બોલતા ઇવેન્ટ મેનેજરે કહ્યું, ‘તે વ્યક્તિ આદિત્યને સતત પરેશાન કરી રહ્યો હતો, જેના કારણે આદિત્ય ચિડાઈ ગયો. તેમણે પોતાના ફોનથી આદિત્યના પગ ઉપર પણ ઘણી વાર માર માર્યો, જેના પછી આદિત્ય ગુસ્સામાં આવી ગયો અને આગુસ્સામાં આવીને આદિત્યએ ફોન ફેંકી દીધો.
આયોજકોએ એમ પણ જણાવ્યું કે જે કોલેજમાં ઈવેન્ટ થઈ રહ્યો હતો ત્યાંથી કોઈ વિદ્યાર્થીઓ ન હતા.
આદિત્યએ વિદ્યાર્થીઓ સાથે ઘણી સેલ્ફી લીધી હતી
ઈવેન્ટ મેનેજરે વધુમાં કહ્યું કે, ‘આ ઘટના સિવાય આદિત્ય બાકીની ઈવેન્ટમાં સારા મૂડમાં જોવા મળ્યો હતો. વિદ્યાર્થીઓ સાથે લગભગ 200 સેલ્ફી લીધી હશે. આ ઘટના પછી પણ કોન્સર્ટ બે કલાક સુધી ખૂબ જ સારી રીતે ચાલ્યો.
આદિત્યને આ વર્તન માટે સોશિયલ મીડિયા પર ટ્રોલનો સામનો કરવો પડ્યો હતો
આદિત્યને સોશિયલ મીડિયા પર ટ્રોલ કરવામાં આવ્યો
સોમવારે વાઇરલ થયેલા આ વીડિયોમાં પર્ફોર્મન્સ દરમિયાન આદિત્ય પહેલા ફેન્સના હાથને માઈકથી મારતો અને પછી તેનો ફોન છીનવીને ભીડમાં ફેંકતો જોવા મળ્યો હતો.
આ વીડિયો વાઇરલ થયા બાદ 36 વર્ષીય આદિત્યને ઘણો ટ્રોલ કરવામાં આવ્યો હતો. ઘણા યુઝર્સે પૂછ્યું હતું કે આદિત્યને શું તકલીફ છે? શા માટે તેઓ વારંવાર ગુસ્સે થાય છે?
આ પહેલા આદિત્યનો એરપોર્ટ સ્ટાફ સાથે ગેરવર્તન કરતો વીડિયો વાયરલ થયો હતો.
આદિત્ય એરપોર્ટ વીડિયો દ્વારા ચર્ચામાં આવ્યો હતો
જો કે આ પહેલીવાર નથી જ્યારે આદિત્ય નારાયણ કોઈ પ્રકારના વિવાદનો શિકાર બન્યા હોય. અગાઉ 2017માં પણ તેનો એરપોર્ટ સ્ટાફ સાથે વિવાદ થયો હતો, ત્યારે પણ તેનો એક વીડિયો વાઇરલ થયો હતો જેમાં તે એરપોર્ટ સ્ટાફને ધમકાવતો જોવા મળ્યો હતો. આ સિવાય આદિત્ય પોતાના ગુસ્સાને કારણે ઘણી વખત ચર્ચામાં રહે છે.
