બિગબોસ સક્સેસ પાર્ટી: ભૂતપૂર્વ સ્પર્ધક તહેલકાએ પાપારાઝીને ઘડિયાળ ભેટમાં આપી, અંકિતા લોખંડે હાઈ સ્લિટ ડ્રેસ પહેરેલી જોવા મળી હતી, મુનાવર ફારુકી સહિત ઘણા સેલેબ્સ જોવા મળ્યા.

બિગ બોસ 17 તેની સમાપ્તિ પછી પણ સમાચારમાં છે. ગઈકાલે એટલે કે 9મી ફેબ્રુઆરીની રાત્રે મેકર્સે શોની સક્સેસ પાર્ટીનું આયોજન કર્યું હતું. પાર્ટીમાં શોના તમામ સ્પર્ધકો જોવા મળ્યા હતા. સક્સેસ પાર્ટીમાં મુનાવર ફારુકી પઠાણી સૂટ પહેરીને જોવા મળ્યો હતો. ‘બિગ બોસ 17’ રનર અપ અભિષેક કુમાર પણ પાર્ટીમાં પહોંચ્યો હતો. તેણે મીડિયા સામે ઘણા પોઝ આપ્યા. જ્યારે મન્નરા ચોપરા સફેદ ડ્રેસમાં મેચિંગ બેગ અને હાઈ હીલ્સ સાથે જોવા મળી હતી.

ફેમસ કપલ અંકિતા લોખંડે અને વિકી જૈન પણ પાર્ટીમાં સામેલ થયા હતા. અંકિતા બ્લૂ કલરના હાઈ સ્લિટ ડ્રેસમાં જોવા મળી હતી, જ્યારે વિકી પણ અંકિતા સાથે બ્લુ આઉટફિટમાં ટ્યુનિંગ કરતો જોવા મળ્યો હતો.

સમર્થ જુરેલ પણ બ્રાઉન સૂટ પહેરીને પાર્ટીમાં પહોંચ્યો હતો. અરબાઝ ખાન તેની પત્ની શુરા ખાન સાથે પાર્ટીમાં સામેલ થયો હતો.

તહેલકા અને અરુણ માશેટ્ટી સાથે જોવા મળ્યા હતા. તમને જણાવી દઈએ કે, શો દરમિયાન બન્ને ખૂબ જ સારા મિત્રો બની ગયા હતા.આ દરમિયાન તહેલકાએ ત્યાં હાજર પાપારાઝીને ઘડિયાળ ભેટમાં આપી હતી. પાર્ટીમાં રિંકુ ધવન પણ અલગ અંદાજમાં જોવા મળી હતી. ઈશા માલવીયા બ્લેક ટ્યુબ ડ્રેસમાં જોવા મળી હતી. નીલ ભટ્ટ અને ઐશ્વર્યા શર્મા પણ ખૂબ જ સ્ટાઇલિશ લાગતા હતા. બિગબોસ સ્પર્ધક ઓરાએ ત્યાં હાજર પાપારાઝીઓને ચોકલેટ વહેંચી. સના ખાન અને નાવેદ પણ સાથે જોવા મળ્યા હતા.