47 મિનિટ પેહલા
- કૉપી લિંક
અમર ઉપાધ્યાય ટૂંક સમયમાં હંસલ મહેતાની વેબ સિરીઝ ‘ગાંધી’માં જોવા મળશે. તાજેતરમાં, દિવ્ય ભાસ્કર સાથેની વાતચીતમાં, તેમણે આ સંબંધિત ઘણી રસપ્રદ વાતો જણાવી.
ફક્ત સાત એપિસોડ, પણ 110 દિવસનું શૂટિંગ અમરે કહ્યું, આ વખતે બજેટ ખૂબ મોટું છે અને તેને શાનદાર રીતે શૂટ કરવામાં આવ્યું છે. તેમાં ફક્ત સાત એપિસોડ છે, પરંતુ તેને શૂટ કરવામાં 110 દિવસ લાગ્યાં. આ એક બહુ મોટો પ્રોજેક્ટ હતો, જેમાં દરેક સીન વિગતવાર ફિલ્માવવામાં આવી હતી. આ મારા કરિયરનો અત્યાર સુધીનો સૌથી મોટો પ્રોજેક્ટ છે.
આ સીરિઝ શૂટિંગ ઘણા દેશોમાં થયું હતું, ખાસ કરીને યુકેના બ્રેડફોર્ડ, બર્મિંગહામ અને સ્કોટલેન્ડમાં. મહત્વપૂર્ણ સિક્વન્સનું શૂટિંગ દક્ષિણ આફ્રિકામાં પણ થયું હતું. ગાંધીજીએ મુલાકાત લીધેલા સ્થળોએ અમે શૂટિંગ કર્યું જેથી વાર્તા વાસ્તવિક લાગે. ભારતમાં પુણે, મુંબઈ, દ્વારકા અને ભૂજ જેવા સ્થળોએ પણ શૂટિંગ થયું. તે મલ્ટી-લોકેશન શૂટ હતું, જેણે સીરિઝને વધુ ભવ્ય બનાવી.
હંસલ સરને લાગ્યું કે હું ‘પ્રાણજીવન મહેતા’ માટે પરફેક્ટ છું અમરે પોતાના પાત્રની તૈયારી વિશે જણાવ્યું, ‘મેં ગાંધીજીના જીવન પર ઘણું રિસર્ચ કર્યું. હંસલ સરે મને રોલ માટે ટેસ્ટ આપવા કહ્યું. હું મુકેશ છાબડાની ઓફિસમાં ગયો અને ત્યાં મેં એક અલગ પાત્ર માટે ઓડિશન આપ્યું. પણ પછી મને ‘પ્રણજીવ મહેતા’ ની ભૂમિકા મળી, જે મારા માટે વધુ સારી હતી. મને લાગે છે કે હંસલ સરને લાગ્યું કે હું આ ભૂમિકા માટે સૌથી યોગ્ય છું.
તેમણે વધુમાં કહ્યું, પ્રણજીવ મહેતા એક એવું પાત્ર છે જે ગાંધીજીના જીવન સાથે ઊંડે સુધી જોડાયેલું હતું. આ પાત્ર આધુનિક પણ છે અને તેને અંગ્રેજી, ગુજરાતી અને હિન્દી બોલવાની ફરજ પડે છે. મને લાગ્યું કે આ ભૂમિકા મારા માટે શ્રેષ્ઠ હતી.
પ્રાણજીવન મહેતાનું પાત્ર મહત્ત્વપૂર્ણ છે અમરે કહ્યું, પ્રાણજીવન મહેતા ગાંધીજીના જીવનમાં એક મહત્વપૂર્ણ પાત્ર હતા. આ ભૂમિકા ગાંધીજીની યાત્રાને એક અલગ દ્રષ્ટિકોણથી દર્શાવે છે. મને આ પાત્ર ભજવવાની તક મળી તેનો મને આનંદ છે. આ મારી કારકિર્દીની સૌથી મોટી ભૂમિકા છે અને તેના પર કામ કરવું મારા માટે ખૂબ જ ખાસ અનુભવ હતો.
તેણે વધુમાં ઉમેર્યું, પોસ્ટ-પ્રોડક્શન લગભગ પૂર્ણ થઈ ગયું છે.તે આ વર્ષના મધ્યમાં રિલીઝ થઈ શકે છે. આપણે બધા આની આતુરતાથી રાહ જોઈ રહ્યા છીએ. મને ખાતરી છે કે આ સીરિઝ દર્શકોને એક ઐતિહાસિક યાત્રા પર લઈ જશે અને ગાંધીજીના જીવનના અન ટચ પાસાઓ દર્શાવશે.
આ સીરિઝમાં પ્રતીક ગાંધી મહાત્મા ગાંધીની ભૂમિકા ભજવી રહ્યા છે, જ્યારે અમર તેમના નજીકના મિત્ર પ્રાણજીવન મહેતાની ભૂમિકામાં જોવા મળશે.
