4 મિનિટ પેહલા
- કૉપી લિંક
મિસ્ટર પરફેક્શનિસ્ટ તરીકે જાણીતા આમિર ખાનની પુત્રી આયરાના લગ્ન 3 જાન્યુઆરીએ નૂપુર શિખરે સાથે થયા હતા. હવે ઉદયપુરમાં ડેસ્ટિનેશન વેડિંગના ફંક્શનની શરૂઆત આજથી એટલે કે 6 જાન્યુઆરીથી શરૂ થશે 8 જાન્યુઆરી સુધી ચાલશે. બંને 2021થી એકબીજાને ડેટ કરી રહ્યા હતા. નવેમ્બર 2022માં તેમની સગાઈ થઈ હતી. આયરા બોલિવૂડની જાણીતી સ્ટારકીડ છે. તેમણે પોતાની લવ લાઈફને ક્યારેય સિક્રેટ નથી રાખી અને સોશિયલ મીડિયા પર નુપુર સાથેના ફોટો અને વીડિયો પણ શેર કર્યા છે.
આયરા સિવાય અન્ય સ્ટાર કિડ્સની લવ લાઈફ કેવી છે અને તેઓ કોને ડેટ કરી રહ્યા છે? ચાલો એક નજર કરીએ…
જાહન્વી અને શિખર પહારિયા
જાહન્વી કપૂરઃ દિવંગત એક્ટ્રેસ શ્રીદેવીની લાડલી જાહન્વી આ દિવસોમાં શિખર પહાડિયાને ડેટ કરવાને કારણે ખુબ જ ચર્ચામાં છે. બંને ઘણીવાર સાથે સ્પોટ થતા રહે છે. ડિનર ડેટથી લઈને વેકેશન સુધી જાહન્વી અને શિખર એકબીજાની સાથે રહે છે. શિખર પહાડિયા મહારાષ્ટ્રના પૂર્વ સીએમ સુશીલ કુમાર શિંદેના સંબંધી છે.
છેલ્લા ઘણાં સમયથી જાહન્વી અને શિખર એકબીજાને ઓળખે છે. હાલમાં જ ‘કોફી વિથ કરન’માં ગેસ્ટ તરીકે જોવા મળેલી જાહન્વીએ જણાવ્યું હતું કે શિખરનો નંબર તેમના ફોનના સ્પીડ ડાયલ પર છે.
ખુશી કપૂર અને વેદાંગ રૈના
ખુશી કપૂરઃ જાહન્વીની નાની બહેન ખુશીએ ગત વર્ષે ફિલ્મ ‘ધ આર્ચીઝ’થી બોલિવૂડમાં ડેબ્યૂ કર્યું હતું. આ સાથે જ ખુશીનું નામ આ ફિલ્મના એક્ટર વેદાંગ રૈના સાથે જોડવામાં આવી રહ્યું છે. હાલમાં જ આ સમાચારો પર પોતાનું રિએક્શન આપતા વેદાંગે કહ્યું હતું કે તે અને ખુશી ખૂબ સારા મિત્રો છે. ઘણા વર્ષોથી એકબીજાને ઓળખે છે પરંતુ ડેટિંગ નથી કરતા.
આદિત્ય રોય કપૂર અને અનન્યા પાંડે
અનન્યા પાંડેઃ અનન્યા આ દિવસોમાં આદિત્ય રોય કપૂરને ડેટ કરી રહી છે. બંને ઘણીવાર સાથે ક્વોલિટી ટાઈમ વિતાવતા જોવા મળે છે. આદિત્ય અને અનન્યાના સંબંધોની ચર્ચા ત્યારે શરૂ થઈ જ્યારે ગયા વર્ષે ક્રિતી સેનનની દિવાળી પાર્ટીમાં બંને સાથે જોવા મળ્યા હતા.
જો કે બંનેએ હજી સુધી તેમના રિલેશનને ઓફિશિયલ કર્યા નથી, પરંતુ તેઓ ઘણા પ્રસંગોએ સાથે જોવા મળ્યા હતા. ક્યારેક વિદેશમાં રજાઓ ગાળતી વખતે તો ક્યારેક કોઈ પ્રસંગમાં. અનન્યા પાંડેએ પણ ગત વર્ષે પોતાનો જન્મદિવસ આદિત્ય રોય કપૂર સાથે માલદીવમાં ઉજવ્યો હતો.
સારા અલી ખાન અને કાર્તિક આર્યન
સારા અલી ખાનઃ કાર્તિક અને સારાએ ફિલ્મ ‘લવ આજ કલ’ના શૂટિંગ દરમિયાન એકબીજાને ડેટ કરવાનું શરૂ કર્યું હતું. મીડિયા રિપોર્ટ્સ અનુસાર, 2020માં થોડા સમય પછી બંનેનું બ્રેકઅપ થઈ ગયું. એક પોડકાસ્ટમાં વાતચીત દરમિયાન સારાએ કહ્યું- ‘2020 મારા માટે ખૂબ જ ખરાબ હતું. તેમની શરૂઆત બ્રેકઅપથી થઈ અને ધીરે-ધીરે આખુંવર્ષ ખરાબ રહ્યું હતું.’
કાર્તિક સાથેના બ્રેકઅપ બાદ સારાનું નામ ક્રિકેટર શુભમન ગિલ સાથે પણ જોડાયું હતું, પરંતુ ‘કોફી વિથ કરન’માં તેણે સ્પષ્ટ કર્યું હતું કે લોકો સારાનું નામ શુભમન સાથે ખોટી રીતે જોડી રહ્યા છે. તો એ વાત પણ નકારી શકાય નહીં કે શુભમનનું નામ સારા તેંડુલકર સાથે પણ જોડવામાં આવી રહ્યું છે.
પલક તિવારી અને ઈબ્રાહિમ અલી ખાન
ઈબ્રાહિમ અલી ખાનઃ સારાની જેમ તેમના ભાઈ ઈબ્રાહિમની લવ લાઈફ પણ ચર્ચામાં રહે છે. ઈબ્રાહિમ ઘણીવાર પલક તિવારી સાથે જોવા મળે છે. પલક ટીવી અભિનેત્રી શ્વેતા તિવારીની પુત્રી છે. ઇબ્રાહિમ અને પલક લગભગ દોઢ વર્ષથી સાથે જોવા મળે છે, જોકે તેઓએ એકબીજાને ડેટ કર્યાનું સ્વીકાર્યું નથી. હાલમાં જ તેઓ સાથે ન્યૂ યર સેલિબ્રેટ કરતા પણ જોવા મળ્યા હતાં.
સિદ્ધાંત ચતુર્વેદી અને નવ્યા નવેલી નંદા
નવ્યા નવેલી નંદાઃ જયા-અમિતાભ બચ્ચનની દોહિત્રી અને શ્વેતા બચ્ચન નંદાની દીકરી નવ્યા અને ‘ગલી બોય ‘એક્ટર સિદ્ધાંત ચતુર્વેદી પણ રિલેશનશિપ હોય તેવી ચર્ચાએ જોર પકડ્યું છે. તેમના અફેરના સમાચાર ત્યારે શરૂ થયા જ્યારે તેઓ ડિસેમ્બર 2022માં ફિલ્મ નિર્માતા અમૃતપાલ સિંહ બિન્દ્રાના જન્મદિવસની પાર્ટીમાં જોવા મળ્યા હતા.
બંને કારમાં જતા જોવા મળ્યા હતા. આ પછી બંને કરન જોહરના 50માં જન્મદિવસની પાર્ટીમાં પણ હેંગઆઉટ કરતા જોવા મળ્યા હતા. હવે તેઓ ઘણીવાર સાથે જોવા મળે છે પરંતુ તેઓએ ક્યારેય તેમના સંબંધો વિશે ખુલીને વાત કરી નથી.
