કાલ પેન ‘ગોકુલધામ સોસાયટી’ની સફરે: જેઠાલાલ સહિતની કાસ્ટ સાથે લીધી સેલ્ફી, હોલીવૂડ એક્ટરે ટીવી શોના કર્યા વખાણ

ફેમસ ટીવી શો ‘તારક મહેતા કા ઉલ્ટા ચશ્મા’ દરેકનો ફેવરિટ શો છે. મેકર્સ અસિત મોદીના શોને લગભગ 15 વર્ષથી વધુ સમય થઈ ગયો છે. હાલમાં જ અમેરિકન એક્ટર કાલ પેન આ શોના સેટ પર પહોંચ્યો હતો. કાલ પેને સેટ પર દરેક સાથે તસવીરો લીધી, જે સોશિયલ મીડિયા પર વાઈરલ થઈ રહી છે.

હોલીવૂડ એક્ટર કાલ ‘તારક મહેતા કા ઉલ્ટા ચશ્મા’ના સેટ પર અમેરિકન એક્ટર કાલ પેને તેના સોશિયલ મીડિયા પર જેઠાલાલ, અસિત મોદી, બબીતા ​​જી, અંજલિ ભાભી સહિતની બાકીની સ્ટાર કાસ્ટ સાથે તસવીરો પોસ્ટ કરી છે. આ તમામ તસવીરો સોશિયલ મીડિયા પર વાઈરલ થઈ રહી છે અને ફેન્સ તેના પર કોમેન્ટ કરી પ્રતિક્રિયા આપી રહ્યા છે.

સોશિયલ મીડિયા પર કાલ પેનની પોસ્ટ અમેરિકન એક્ટર કાલ પેન ‘તારક મહેતા કા ઉલ્ટા ચશ્મા’ના સેટ પર પહોંચ્યા હતા. તમામ કલાકારો અને ક્રૂ મેમ્બરોએ તેમનું સ્વાગત કર્યું હતું. આ દરમિયાન શોના તમામ સ્ટાર્સે પણ તેની સાથે તસવીરો ક્લિક કરાવી હતી. કાલ પેને સોશિયલ મીડિયા પર તસવીરો શેર કરતાં કેપ્શનમાં લખ્યું, કેટલાક નવા મિત્રો સાથે ગોકુલધામ સોસાયટીમાં. અસિત કુમાર મોદી અને તારક મહેતાના પરિવારનો આભાર. ખૂબ જ સરસ કલાકાર અને ક્રૂ, મને સેટ બતાવવા માટે આભાર.

‘તારક મહેતાનો શો’ના કર્યા વખાણ અમેરિકન એક્ટરે એમ પણ લખ્યું છે કે, રસપ્રદ વાત એ છે કે તારક મહેતાનો શો વિશ્વના સૌથી વધુ જોવાયેલા શોમાંથી એક છે. આ સિવાય, તે ભારતનો સૌથી લાંબો ચાલતો શો છે, જેના 4,300 એપિસોડ છે.

કાલ પેનની ફિલ્મો કાલ પેને ‘વન્સ અપોન એ ટાઇમ ઇન વેનિસ’, ‘ધ અંડરડોગ્સ’, ‘ડાન્સિંગ ઇન ટ્વાઇલાઇટ’ જેવી ઘણી બ્લોકબસ્ટર ફિલ્મોમાં કામ કર્યું છે. તેણે ફિલ્મ ‘ધ નેમસેક’માં પણ કામ કર્યું છે, પરંતુ ફેન્સને તેની ફિલ્મ ‘હાઉ આઈ મેટ યોર મધર’ ખૂબ જ પસંદ છે.