1 કલાક પેહલા
- કૉપી લિંક
બોલીવુડ એક્ટ્રેસ સારા અલી ખાનના ભાઈ અને સૈફ અલી ખાનના પુત્ર ઈબ્રાહીમ અલી ખાને તાજેતરમાં ઈન્સ્ટા પર ડેબ્યુ કર્યું છે.
એકટરની પ્રથમ Instagram પોસ્ટ બ્રાન્ડ સહયોગી ફોટોશૂટ સાથે સંબંધિત છે. એક્ટરને 24 કલાકમાં 6 લાખ 71 હજાર લોકો ફોલો કરી ચૂક્યા છે.
ઈબ્રાહિમે બે પોસ્ટ દ્વારા 6 ફોટા શેર કર્યા છે જે એક બ્રાન્ડ ફોટોશૂટ સાથે સંબંધિત છે
એક્ટર પલક તિવારી સહિત 45 લોકોને ફોલો કરી રહ્યો છે
ખાસ વાત એ છે કે ઈબ્રાહિમે ઈન્સ્ટા ડેબ્યુ કરતાની સાથે જ તેની કથિત ગર્લફ્રેન્ડ પલક તિવારીને પણ ફોલો કરવાનું શરૂ કરી દીધું હતું.
તે લગભગ 45 લોકોને ફોલો કરી રહ્યો છે જેમાં એક્ટ્રેસ પલક તિવારી અને સુહાના ખાન, ખુશી કપૂર અને અનન્યા પાંડે સહિત ઘણા સેલેબ્સનો સમાવેશ થાય છે.
આ સેલેબ્સે સોશિયલ મીડિયા પર ઈબ્રાહિમનું સ્વાગત કર્યું હતું
કરન જોહરે પણ એક્ટરનું વેલકમ કર્યું
આ અવસર પર સારાએ પણ ભાઈ ઈબ્રાહિમનું સોશિયલ મીડિયા પર ઈન્સ્ટા સ્ટોરી શેર કરીને સ્વાગત કર્યું છે. આ સિવાય ઈબ્રાહિમની સાવકી મા કરીના કપૂર ખાન, કરન જાહર અને સેલિબ્રિટી હેરસ્ટાઈલિસ્ટ આલીમ હકીમે પણ ઈબ્રાહિમનું સ્વાગત કર્યું હતું.
સારાએ તેના ભાઈને આવકારતા આ પોસ્ટ શેર કરી છે
કરીનાએ પણ એક બ્રાન્ડ ફોટોશૂટથી ઈન્સ્ટા પર ડેબ્યુ કર્યું હતું.
સાવકા પુત્ર ઈબ્રાહિમનું સ્વાગત કરતી વખતે કરીનાએ તેની પ્રથમ પોસ્ટ પર કમેન્ટ પણ કરી છે. એક્ટ્રેસે લખ્યું- ‘આ વિરાસતમાં આપનું સ્વાગત છે. ચાલો જલ્દી સાથે શૂટ કરીએ.
અત્રે ઉલ્લેખનીય છે કે, કરીનાએ પણ આ બ્રાન્ડ માટે ફોટોશૂટ કરીને ઈન્સ્ટા પર ડેબ્યુ કર્યું હતું.
‘સરઝમીન’થી ડેબ્યૂ કરશે ઈબ્રાહિમ
વર્ક ફ્રન્ટની વાત કરીએ તો ઈબ્રાહિમ ટૂંક સમયમાં જ ફિલ્મ ‘સરઝમીન’થી ડેબ્યૂ કરશે. તેના સિવાય કાજોલ અને પૃથ્વીરાજ સુકુમારન જેવા કલાકારો તેમાં જોવા મળશે. આ ફિલ્મને કરન જોહર પ્રોડ્યુસ કરશે.
