45 મિનિટ પેહલા
- કૉપી લિંક
આમિર ખાનનો ભાણેજ અને બોલિવૂડ એક્ટર ઈમરાન ખાને હાલમાં જ પોતાના છૂટાછેડા વિશે ખુલ્લીને વાત કરી છે. એક્ટરે જણાવ્યું કે 5 વર્ષ પહેલાં તેમના જીવનમાં આવેલા આ ફેરફારની તેમના મગજ પર ઊંડી અસર પડી હતી.
હ્યુમન્સ ઓફ બોમ્બેને આપેલા એક ઇન્ટરવ્યૂમાં ઈમરાને કહ્યું કે 2019માં જ્યારે તેણે છૂટાછેડા લીધા ત્યારે તે ઇમોશનલી અને ફિઝીકલી રીતે ખૂબ જ નબળાઈ અનુભવી રહ્યો હતો. પથારીમાંથી ઉઠવું, બ્રશ કરવું અને સ્નાન કરવું પણ તેને મોટું કામ લાગ્યું. તે જાણતો ન હતો કે તે તે કરી શકશે કે નહીં.
પૂર્વ પત્ની અવંતિકા સાથે ઈમરાન
મેં ડોરબેલ બંધ કરી અનેહું રૂમમાં જ રહેતો હતો
ઈમરાને વધુમાં કહ્યું, ‘હું મારા પલંગ પરથી ઊભો પણ નહોતો થયો. આખો દિવસ પડ્યો રહેતો હતો. મેં ડોરબેલ બંધ કરી દીધી હતી, મારી જાતને રૂમમાં બંધ કરી દીધી હતી અને મારું જીવન ઉદાસીમાં જીવ્યું હતું.
મારી દીકરી મારી સાથે હોય ત્યારે જ હું બધું જ કરતો
ઈમરાને ઇન્ટરવ્યૂમાં વધુમાં કહ્યું કે, ‘મારી દીકરીની જવાબદારી મારા પર હતી. અમે બંનેએ અમારી દીકરીની કસ્ટડી રાખી હતી. તે ગુરુવારથી રવિવાર સુધી મારી સાથે રહેતી હતી. જ્યારે તે મારી સાથે હતી, ત્યારે મારા જીવનમાં શું ચાલી રહ્યું હતું અને હું કેટલો કમજોર અનુભવી રહ્યો હતો તેનાથી મને કોઈ ફરક પડતો ન હતો. ત્યારે જ મને લાગતું હતું કે બધું મારે કરવું પડશે.
દીકરી ઈમારા સાથે ઈમરાન
ઈમરાનની દીકરી 10 વર્ષની છે
ઇમરાને તેની પૂર્વ પત્ની અવંતિકા મલિકથી 2019માં છૂટાછેડા લીધા હતા. બંનેએ 2011માં લગ્ન કર્યા હતા. જૂન 2014માં અવંતિકાએ દીકરી ઈમારાને જન્મ આપ્યો. સપ્ટેમ્બર 2019માં આ કપલ અલગ થઈ ગયું હતું. ઈમરાનની દીકરી હવે 10 વર્ષની થઈ ગઈ છે.
લેખા વોશિંગ્ટન સાથે ઈમરાન
લોકડાઉનમાં ઈમરાનને સાઉથ એક્ટ્રેસ સાથે પ્રેમ થયો
અંગત મોરચે ઇમરાન આ દિવસોમાં સાઉથ એક્ટ્રેસ લેખા વોશિંગ્ટનને ડેટ કરી રહ્યો છે. માર્ચમાં આપેલા એકઇન્ટરવ્યૂમાં ઈમરાને પોતાના સંબંધોની વાત કબૂલી હતી. લોકડાઉન દરમિયાન બંને એકબીજાની નજીક આવ્યા હતા.
વર્કફ્રન્ટની વાત કરીએ તો ઈમરાન ટૂંક સમયમાં કેટલીક ફિલ્મોમાં જોવા મળશે. જોકે, તેમણે હજુ સુધી કોઈ ફિલ્મની સત્તાવાર જાહેરાત કરી નથી.
