એક સમએ કપિલને ખાવાના ફાંફા પડી ગયા હતા: ​​​​​​​ફિલ્મ પ્રોડક્શનના ચક્કરમાં કપિલનું બેંક બેલેન્સ ઝીરો થઇ ગયું અને ડિપ્રેશનમાં જતો રહ્યો

કપિલ શર્માએ તાજેતરના એક ઈન્ટરવ્યુમાં ખુલાસો કર્યો હતો કે જ્યારે તેણે ફિલ્મ પ્રોડક્શનમાં પ્રવેશ કર્યો ત્યારે તે નાદાર થઈ ગયો હતો. જેના કારણે તે ડિપ્રેશનનો શિકાર પણ બન્યો હતો. ‘ફીલ ઈટ ઈન યોર સોલ’ પોડકાસ્ટમાં કપિલે જણાવ્યું કે તેણે કેવી રીતે ફિલ્મો બનાવવાનું નક્કી કર્યું? જ્યારે તેણે બે ફિલ્મો કરી ત્યારે તેનું બેંક બેલેન્સ એકદમ ઝીરો થઈ ગયું હતું.

તેણે કહ્યું, ‘હું પાગલ હતો. મેં બે ફિલ્મો કરી હતી. ખરેખર, શું થયું કે મારી પાસે ઘણા પૈસા હતા. મેં વિચાર્યું કે પૈસા વ્યક્તિને નિર્માતા બનાવે છે. પરંતુ માત્ર પૈસા જ કોઈને નિર્માતા નથી બનાવી શકતા.

કપિલનું બેંક બેલેન્સ ઝીરો થઈ ગયું હતું. કપિલે આગળ કહ્યું, ‘નિર્માતાઓની વિચારસરણી અલગ હોય છે. નિર્માતા બનવા માટે અલગ તાલીમ છે. મેં ઘણા પૈસા વેડફ્યા અને મારું બેંક બેલેન્સ શૂન્ય થઈ ગયું.

જ્યારે તે ડિપ્રેશનમાં હતો ત્યારે તેની પત્નીએ તેને મદદ કરી હતી. કપિલે કહ્યું કે તે ડિપ્રેશનમાં ગયો હતો. ત્યારબાદ તેની પત્ની ગિન્નીએ આ ખરાબ સમયમાંથી બહાર કાઢ્યો.

કપિલે 2017 અને 2018માં બે ફિલ્મો ‘ફિરંગી’ અને ‘સન ઓફ મનજીત સિંહ’ બનાવી હતી. બંને ફિલ્મોને દર્શકો અને વિવેચકો તરફથી મિશ્ર પ્રતિસાદ મળ્યો હતો. આ બે ફિલ્મો કર્યા પછી કપિલ નાદાર થઈ ગયો.

કપિલ 1200 રૂપિયા લઈને મુંબઈ પહોંચ્યો હતો કપિલે એ પણ જણાવ્યું કે તે માત્ર 1200 રૂપિયા લઈને મુંબઈ આવ્યો હતો. એક દિવસ તેની પાસે ખાવા માટે કંઈ નહોતું. આ દિવસ મુશ્કેલીઓથી ભરેલો હતો.

કપિલના વર્ક ફ્રન્ટની વાત કરીએ તો આ દિવસોમાં તે ‘ધ ગ્રેટ ઈન્ડિયન કપિલ શર્મા’ શોની બીજી સીઝન હોસ્ટ કરી રહ્યો છે. આ શો નેટફ્લિક્સ પર સ્ટ્રીમ થાય છે.