13 કલાક પેહલા
- કૉપી લિંક
જ્હોન અબ્રાહમ તેમની આગામી ફિલ્મ ‘વેદ’ના ટ્રેલર લોન્ચ વખતે જોવા મળ્યો હતો. આ દરમિયાન તેમણે પોઝ આપતા પહેલાં ફોટોગ્રાફર સાથે મજાક કરી અને તેમને સૂચનાઓ પણ આપી હતી.
જ્હોને કહ્યું, ‘હું ઘણા સમય પછી તમારી સામે આવ્યો છું. મને થોડો શ્વાસ લેવા દો અને બધું રેકોર્ડ ન કરો, મેં બધાના ચહેરા જોયા છે, હું પણ બધાને જોઉં છું. મારી સાથે કોઈ વિવાદ નથી.
‘વેદ’ના ટ્રેલર લોન્ચ વખતે જ્હોન અબ્રાહમ
આ ફિલ્મ 15 ઓગસ્ટે રિલીઝ થઈ રહી
‘વેદ’ એક એક્શન થ્રિલર ફિલ્મ છે જેમાં જ્હોન અને શર્વરી વાઘ લીડ રોલમાં છે. આ સિવાય ફિલ્મમાં અભિષેક બેનર્જી અને આશિષ વિદ્યાર્થી જેવા કલાકારો પણ જોવા મળશે. નિખિલ અડવાણી દ્વારા દિગ્દર્શિત આ ફિલ્મ 15 ઓગસ્ટના રોજ સિનેમાઘરોમાં રિલીઝ થવાની છે પરંતુ હજુ સુધી તેને સેન્સર બોર્ડ તરફથી મંજૂરી મળી નથી.
નિર્દેશક નિખિલ અડવાણીએ પોતાના ઈન્સ્ટાગ્રામ હેન્ડલ પર સેન્સર બોર્ડના સુસ્ત વલણ પર નારાજગી વ્યક્ત કરી હતી. તેમણે કહ્યું કે સેન્સર બોર્ડના અધિકારીઓ બિનજરૂરી રીતે ફિલ્મની રિલીઝમાં અડચણો ઉભી કરી રહ્યા છે અને ક્લિયરન્સ આપી રહ્યા નથી.
ફિલ્મમાં જ્હોનનો એક્શન અવતાર જોવા મળશે
જ્હોન-નિખિલ બીજી વખત સાથે કામ કરશે
આ ફિલ્મ દ્વારા જ્હોન અને નિખિલ બીજી વખત સાથે કામ કરતા જોવા મળશે. આ પહેલાં બંનેએ 2019માં રિલીઝ થયેલી ‘બાટલા હાઉસ’માં સાથે કામ કર્યું હતું.
જ્હોનની છેલ્લી રિલીઝ જાન્યુઆરી 2023 માં રિલીઝ થયેલી ‘પઠાન’ હતી. જ્યારે શર્વરી છેલ્લે 2024માં આવેલી ફિલ્મ ‘મુંજ્યા’માં જોવા મળી હતી.
