8 મિનિટ પેહલા
- કૉપી લિંક
કંગના રનૌત હાલમાં જ ફિલ્મ ‘રઝાકર’ના ટ્રેલર લોન્ચ ઈવેન્ટમાં જોવા મળી હતી. અહીં તેમને પૂછવામાં આવ્યું કે, ‘શું કંગનાની દેશના વડાપ્રધાન બનવાની કોઈ યોજના છે?’ આ સવાલ પર કંગનાએ ફની અંદાજમાં કહ્યું- ‘મેં હમણાં જ ‘ઈમર્જન્સી’ નામની ફિલ્મ કરી છે. તે ફિલ્મ જોયા પછી કોઈ મને વડાપ્રધાન તરીકે જોવા નહિ ઈચ્છે.’
કંગના ફિલ્મ ‘ઈમર્જન્સી’માં પૂર્વ વડાપ્રધાન ઈન્દિરા ગાંધીના રોલમાં જોવા મળશે
કંગના રનૌતે લોકોના અભિપ્રાયને મહત્ત્વ આપ્યું
ફેબ્રુઆરી 2023માં, કંગના રનૌતે કહ્યું હતું કે, તે રાજકારણી નથી પરંતુ રાજકીય વિચારધારા ધરાવતી વ્યક્તિ છે. સોશિયલ મીડિયા એકાઉન્ટ X પર, તેણે કહ્યું હતું – ‘હું એક સંવેદનશીલ અને બુદ્ધિશાળી વ્યક્તિ છું, રાજકીય વ્યક્તિ નથી.’
આ વર્ષના અંતમાં કંગનાએ કહ્યું હતું કે, લોકોએ નક્કી કરવું જોઈએ કે તેણે રાજકારણમાં પ્રવેશ કરવો કે નહીં. આ વાત પર જોર આપતા કંગનાએ કહ્યું- ‘જો તમે કહો કે હું રાજનેતા બનવા માગુ છું તો તે યોગ્ય નથી. તમારે તે જાતે કહેવાની જરૂર નથી; આ જનતાએ કહેવું જોઈએ.’
કંગનાએ રાજકારણમાં આવવાનો ઈશારો કર્યો
જોકે, ઓક્ટોબર 2022માં કંગનાએ રાજકારણમાં જોડાવાનો સંકેત આપ્યો હતો. પંચાયત આજતકમાં એક સત્ર દરમિયાન, તેમણે કહ્યું હતું – ‘પરિસ્થિતિ ગમે તે હોય, સરકાર મારી ભાગીદારી ઈચ્છશે. જો હિમાચલ પ્રદેશના લોકો મને સેવા કરવાનો મોકો આપે તો તે સારું રહેશે. તે ચોક્કસપણે મારા માટે એક સૌભાગ્યની વાત હશે.’
ગુરુજી શ્રી કૈલાશાનંદજી સાથે કંગના રનૌત
કંગનાએ ચૂંટણી લડવાની ઈચ્છા વ્યક્ત કરી હતી
ગયા વર્ષે નવેમ્બરમાં કંગનાએ આગામી લોકસભા ચૂંટણી લડવાની ઈચ્છા વ્યક્ત કરી હતી. જ્યારે પત્રકારે તેને પૂછ્યું કે શું તે આગામી લોકસભાની ચૂંટણી લડશે? તો કંગનાએ કહ્યું હતું – ‘શ્રી કૃષ્ણ રાજી થશે તો હું ચૂંટણી લડીશ.’
રામલલાના અભિષેક સમારોહ દરમિયાન કંગના
કંગના હાલમાં ફિલ્મ ‘ઈમર્જન્સી’ની રિલીઝની તૈયારી કરી રહી છે
ફિલ્મ ‘ઈમર્જન્સી’ અગાઉ 24 નવેમ્બર, 2023ના રોજ રિલીઝ થવાની હતી. પરંતુ હવે તે 14 જૂન, 2024 ના રોજ વિશ્વભરના સિનેમાઘરોમાં રિલીઝ થવા માટે તૈયાર છે. આ ફિલ્મની નિર્દેશક કંગના રનૌત છે. આ ફિલ્મમાં અનુપમ ખેર, શ્રેયસ તલપડે, અશોક છાબરા, મહિમા ચૌધરી અને મિલિંદ સોમન પણ છે. આમાં કંગના પૂર્વ વડાપ્રધાન ઈન્દિરા ગાંધીના રોલમાં જોવા મળશે.
શનિવારે ફિલ્મ ‘રઝાકર’નું ટ્રેલર લોન્ચ ઈવેન્ટનું આયોજન કરવામાં આવ્યું હતું. ભારતીય જનતા પાર્ટીના સભ્ય ગુદુર નારાયણ રેડ્ડીએ પણ આ કાર્યક્રમ માટે કંગના રનૌતને આમંત્રણ આપ્યું હતું. આ આમંત્રણ માટે તે મુંબઈમાં કંગનાને મળ્યા હતા. ટ્રેલર લોન્ચ ઈવેન્ટ દરમિયાન કંગના રનૌત ‘જય શ્રી રામ’ના નારા લગાવતી જોવા મળી હતી. તેમણે ભારતના મહાન સ્વાતંત્ર્ય સેનાની અને નાયબ વડાપ્રધાન સરદાર વલ્લભભાઈ પટેલની તુલના ભગવાન શિવ સાથે કરી હતી. કંગનાએ ‘ટુકડે ગેંગ’ વિશે પણ વાત કરી હતી.
