‘કંગનાનું રાજકારણ પોતાના પર જ ધ્યાન કેન્દ્રીત કરાવવાનું’: એક્ટ્રેસ સ્વરા ભાસ્કરે કહ્યું- તેની સાથે કામ કરવાના હાલ કોઈ સંયોગ નથી, બન્ને સાથે કામ કરી ચૂકી છે

સ્વરા ભાસ્કરનું કહેવું છે કે, કંગના રનૌતની રાજનીતિમાં તેના અંગત વિચારોનો સમાવેશ થાય છે. સાથે જ તેમનું માનવું છે કે રાજકારણ એ સામાજિક અને સામૂહિક પરિવર્તન લાવવાનું પ્લેટફોર્મ છે.

સ્વરાએ એ પણ જણાવ્યું કે તે ક્યારેય કોઈ વાતને ના કહેતી નથી. પરંતુ હાલમાં તેના જીવનમાં આવી તક આવવાની નથી જ્યાં તેણે કંગના સાથે કામ કરવું પડશે.

‘કંગનાએ હંમેશા અંગત મુદ્દાઓને રાજકારણમાં સામેલ કર્યા છે’

બીબીસી હિન્દીને આપેલા ઈન્ટરવ્યૂમાં સ્વરાએ કહ્યું, ‘જ્યારે પણ કંગના સાથે મારી સરખામણી કરવામાં આવે છે, ત્યારે હું કહું છું કે તે બંને અવાજ ઊઠાવી શકે છે. બંને લોકો રાજકારણ વિશે અવાજ ઉઠાવી શકે છે. પરંતુ કંગનાના રાજકારણમાં તેના અંગત નિવેદનોનો સમાવેશ થાય છે.’

‘તેમણે હંમેશા પોતાના અંગત મુદ્દાઓનો સમાવેશ કર્યો છે. બોલિવૂડના લોકો સાથે તેના અંગત વિવાદો હોય, સ્વર્ગસ્થ સુશાંત સિંહ રાજપૂતના મૃત્યુમાં તેની ભૂમિકા હોય. આ પછી પણ તે હવે જે પ્રકારની વાતો કરે છે. ખેડૂતોના આંદોલન અંગે તેમના વિચારો. મતલબ કે તેમનું આખું રાજકારણ અંગત રીતે પોતાના પર ધ્યાન કેન્દ્રિત કરવાનું છે.’

સ્વરાએ કહ્યું- મને નથી લાગતું કે બોલિવૂડના લોકો ખરાબ છે

સ્વરાએ વધુમાં કહ્યું, ‘મને લાગે છે કે મારા માટે રાજકારણ સામાજિક, સામૂહિક પરિવર્તન લાવવાનું પ્લેટફોર્મ છે. મને નથી લાગતું કે મેં આજ સુધી એવું રાજકારણ કર્યું હોય કે જ્યાં મેં મારી જાતને કેન્દ્રિત કરી હોય. મારી રાજનીતિ એવી નથી કે મને કામ ન મળે. મેં આ વાત સ્વીકારી છે. હું ફિલ્મોમાં કામ મેળવવા માટે કોઈ મોરચો શરૂ કરી રહી નથી. મને નથી લાગતું કે બોલિવૂડના લોકો બહુ ખરાબ હોય છે.’

સ્વરાએ કહ્યું કે તેને લાગે છે કે કંગના કે અન્ય અભિનેત્રીઓ બહાદુર છે. જ્યારે પુરુષ કલાકારો ખૂબ સુરક્ષિત ભજવે છે.

કંગના સાથે કામ કરવા પર સ્વરાએ કહ્યું

વાતચીત દરમિયાન સ્વરાને પૂછવામાં આવ્યું કે શું તે કંગના સાથે ફરી કામ કરશે? આના પર તેણેએ કહ્યું- હું ક્યારેય ના કહેતી નથી. જોકે, અત્યારે સાથે કામ કરવાની કોઈ શક્યતા નથી.

નોંધનીય છે કે, કંગના અને સ્વરાએ ‘તનુ વેડ્સ મનુ’ અને ‘તનુ વેડ્સ મનુ રિટર્ન્સ’ જેવી ફિલ્મોમાં સાથે કામ કર્યું છે. આ ફિલ્મોમાં સ્વરાએ કંગનાની બેસ્ટ ફ્રેન્ડની ભૂમિકા ભજવી હતી.