Related posts
7 કલાક પેહલા
- કૉપી લિંક
રોહિત શેટ્ટીનો રિયાલિટી ટીવી શો ‘ખતરો કે ખિલાડી 14’ શરૂ થતાં જ ચર્ચામાં આવી ગયો છે. શોમાં સ્પર્ધક અસીમ રિયાઝે તેના સહ-સ્પર્ધક અભિષેક કુમાર અને શોના હોસ્ટ રોહિત શેટ્ટી સાથે પણ બાથ ભરી હતી. પરિણામ એ આવ્યું કે 27 જુલાઈથી શરૂ થયેલા શોના બીજા એપિસોડમાં મેકર્સે અસીમને શોમાંથી બહાર કરી દીધો. આસિમને શોમાંથી બહાર કરી દેવામાં આવ્યા બાદ તેના ફેન્સ સોશિયલ મીડિયા પર અભિનેતાને સપોર્ટ કરી રહ્યા છે. તે જ સમયે, કેટલાક યુઝર્સ કહી રહ્યા છે કે રોહિતનો નિર્ણય યોગ્ય છે.
સહ-સ્પર્ધક અભિષેક સાથે ઝઘડતી વખતે આસિમે તેનું જૂતું કાઢી નાખ્યું અને તેને મારવાનો પ્રયાસ કર્યો.
આસિમ પોતાના સ્ટંટ પૂરા કરી શક્યો ન હતો
ખરેખર, શોની શરૂઆતથી જ અભિષેક કુમાર અને શાલીન ભનોટ સહિત ઘણા સ્પર્ધકો આસિમની મજાક ઉડાવી રહ્યા હતા. વધુ પડતા આત્મવિશ્વાસના કારણે આસિમે પહેલા દિવસે કરેલો સ્ટંટ પૂરો નહોતો કરી શક્યો અને તેને ફિઅર ફંદો મળ્યો. આ પછી, તે પોતાનો બીજો સ્ટંટ પણ પૂરો ન કરી શક્યો જેના માટે અન્ય સ્પર્ધકો તેને ચીડવતા હતા.
સ્ટંટ ન કરી શકવાનો દોષ મેકર્સ પર નાખવામાં આવ્યો તો બીજી તરફ સ્ટંટ ન કરી શકનાર આસિમે મેકર્સ પર જ આરોપ લગાવ્યો. આસિમે કહ્યું કે જો કોઈ અન્ય વ્યક્તિ આ સ્ટંટ કરે તો તે એક રૂપિયો પણ નહીં લે. આવી સ્થિતિમાં રોહિતે બધાને એક વીડિયો બતાવ્યો અને કહ્યું કે સ્પર્ધકોને કોઈપણ સ્ટંટ આપતા પહેલા શોની ટીમ તેનો પ્રયાસ કરે છે.
રોહિત સાથે દલીલ કરતી વખતે અસીમ તેની નજીક આવ્યો.
આસિમની રોહિત અને શોની ટીમ સાથે પણ ટક્કર થઈ હતી
આ પછી આસિમે પણ રોહિત સાથે દલીલ કરવાનું શરૂ કરી દીધું હતું. જ્યારે તે તેનો ખુલાસો આપી રહ્યો હતો ત્યારે રોહિતે તેને અટકાવ્યો અને કહ્યું- મારી વાત સાંભળ, નહીં તો હું તને ઉપાડીને અહીં ફેંકી દઈશ. આ સાંભળીને અસીમ સીધો રોહિત પાસે ગયો અને તેની સામે ઉભો રહીને તેની સાથે દલીલ કરવા લાગ્યો.
આસિમે કહ્યું- શોમાં પૈસા માટે નહીં, ફેન્સ માટે આવ્યો છું
આ દરમિયાન આસિમે શોની ટીમ સાથે દલીલ પણ કરી હતી. તેણે ટીમને કહ્યું કે લોકો તેને જે ચૂકવે છે તેનાથી ત્રણ ગણી કમાણી કરે છે. તે 6 મહિનામાં 4 વખત ગાડીઓ બદલે છે. તેને પૈસાની જરૂર નથી, તે તેના ચાહકોના કારણે જ શોમાં આવ્યો છે. આ દરમિયાન તેણે શોના અન્ય પાર્ટિસિપન્ટનેપણ લૂઝર ગણાવ્યા.
રોહિતે આસિમને ઘણી વાર શાંત થવા કહ્યું.
કહ્યું- શો વિશે ચર્ચા માત્ર મારા કારણે છે
આસિમે મેકર્સને એમ પણ કહ્યું કે આ શોની ચર્ચા ઈન્ટરનેટ પર તેના કારણે જ થઈ રહી છે કારણ કે તે 4 વર્ષ પછી શો કરી રહ્યો છે. જો તે 10 વર્ષ પછી આવ્યા હોત તો પણ આ જ ચર્ચા થાત. નહીંતર આ શો આવે છે અને જાય છે પણ ખબર નથી પડતી. લાંબા ડ્રામા પછી મેકર્સે આસિમને શોમાંથી હટાવી દીધો. આ પછી રોહિત શેટ્ટી પણ નિરાશ થઈ ગયો. તેણે કહ્યું કે આટલા વર્ષોમાં આ શોમાં ક્યારેય કોઈ વિવાદ થયો નથી. આવું પહેલીવાર થઈ રહ્યું છે.
શોની આ 14મી સીઝનનું શૂટિંગ રોમાનિયામાં કરવામાં આવ્યું છે. કૃષ્ણા શ્રોફ (ડાબેથી ત્રીજા) સહિત શોના અન્ય સ્પર્ધકો.
એડવેન્ચર રિયાલિટી શો ‘ખતરો કે ખિલાડી’ની આ 14મી સિઝનમાં ટાઈગર શ્રોફની બહેન ક્રિષ્ના શ્રોફ, શિલ્પા શિંદે, શાલીન ભનોટ, નિમ્રિત કૌર આહલુવાલિયા અને સુમોના ચક્રવર્તી સહિત 12 સેલેબ્સે ભાગ લીધો છે.
