44 મિનિટ પેહલા
- કૉપી લિંક
2006માં રિલીઝ થયેલી ફિલ્મ ‘ખોસલા કા ઘોસલા’ના એક્ટર પ્રવીણ દબાસ શનિવારે સવારે એક માર્ગ અકસ્માતમાં ગંભીર રીતે ઘાયલ થયા હતા.
અભિનેતાને મુંબઈના બાંદ્રાની હોસ્પિટલમાં દાખલ કરવામાં આવ્યો છે. તેમની અહીં આઈસીયુમાં સારવાર ચાલી રહી છે.
પ્રવીણને 2006માં રિલીઝ થયેલી ‘ખોસલા કા ઘોસલા’થી ઓળખ મળી હતી.
જો મીડિયા રિપોર્ટ્સનું માનીએ તો ડોક્ટરોએ અભિનેતાના તમામ ટેસ્ટ કર્યા છે અને તેની દેખરેખ રાખી રહ્યા છે. અભિનેતાની હાલત ગંભીર હોવાનું કહેવાય છે.
હોસ્પિટલમાં પ્રવીણ સાથે તેની પત્ની પ્રીતિ ઝંગિયાની પણ હાજર છે. પ્રીતિ એક અભિનેત્રી પણ છે અને ‘મોહબ્બતેં’ સહિત ઘણી ફિલ્મોમાં જોવા મળી છે.
નોંધનીય છે કે પ્રવીણ અત્યાર સુધી ‘દિલ્લગી’, ‘મોનસૂન વેડિંગ’, ‘ખોસલા કા ઘોંસલા’, ‘ધ હીરોઃ લવ સ્ટોરી ઓફ અ સ્પાય,’ ‘મૈંને ગાંધી કો નહીં મારા’, ‘યે હૈ જિંદગી’, ‘કુછ મીઠા હો જાયે’, ‘ઈન્દુ સરકાર’, અને ‘રાગિણી MMS 2’ જેવી ઘણી ફિલ્મોમાં જોવા મળી ચૂક્યો છે.
તાજેતરના એક કાર્યક્રમમાં પત્ની પ્રીતિ ઝંગિયાની સાથે પ્રવીણ
પ્રો પંજા લીગે નિવેદન જારી કર્યું પ્રો પંજા લીગે પ્રવીણના અકસ્માત અંગે નિવેદન બહાર પાડ્યું હતું. અભિનેતા આ પ્રોફેશનલ આર્મ રેસલિંગ લીગના સહ-સ્થાપક પણ છે. પ્રો પંજા લીગએ લખ્યું, ‘એ જણાવતાં દુઃખ થાય છે કે પ્રો પંજા લીગના સહ-સ્થાપક પ્રવીણ દબાસ હાલમાં બાંદ્રાની હોલી ફેમિલી હોસ્પિટલના આઈસીયુમાં દાખલ છે. શનિવારે સવારે કાર અકસ્માત બાદ તેમને અહીં દાખલ કરવામાં આવ્યા છે. હાલમાં તે ડોક્ટરોની દેખરેખ હેઠળ છે. આ તેમના અને તેમના પરિવાર માટે મુશ્કેલ સમય છે અને અમે તેમની સાથે ઊભા છીએ.
પત્ની પ્રીતિ ઝંગિયાનીએ અપડેટ આપી પ્રવીણ દબાસની પત્ની પ્રીતિ ઝિંગિયાનીએ મીડિયાને હેલ્થ અપડેટ આપતાં નિવેદનમાં જણાવ્યું હતું કે, ‘આ ઘટના બાદ હું અને મારો પરિવાર ખૂબ જ ડરી ગયો છું. તબીબી અપડેટ્સ અનુસાર, તેને સિરિયસ કંશસન(માથામાં ઈજા પછી) છે. તેને કેટલું વધું નુકસાન થયું છે તે જાણવા માટે તબીબો સીટી સ્કેન અને અન્ય સારવાર કરી રહ્યા છે. હાલમાં, તેના વિશે વધુ કહેવામાં આવ્યું નથી. આ (અકસ્માત પહેલા) રાત્રે, તે લીગના કામના ભારણને કારણે ખૂબ જ વ્યસ્ત હતો. સવારે કાર ચલાવતી વખતે આ અકસ્માત થયો હતો.
