12 મિનિટ પેહલા
- કૉપી લિંક
તાજેતરમાં, એક્ટ્રેસ અંજલિ આનંદ નેટફ્લિક્સ સિરીઝ ‘ડબ્બા કાર્ટેલ’ માં જોવા મળી હતી. એક પોડકાસ્ટમાં, તેણે તેના પર્સનલ જીવન વિશે વાત કરી. વાતચીત દરમિયાન, એક્ટ્રેસે તેના બાળપણ વિશે એક ચોંકાવનારો ખુલાસો કર્યો. અંજલિએ જણાવ્યું કે- બાળપણમાં મારા ડાન્સ ટીચર મારું જાતીય ઉત્પીડન કરવામાં આવ્યું હતું. લગભગ 6 વર્ષ સુધી તેનો આ ત્રાસ સહન કરવો પડ્યો.
‘ડબ્બા કાર્ટેલ’ ના બાકીના કલાકારો સાથે અંજલિ આનંદ.
‘પિતાના મૃત્યુ પછી ત્રાસ આપવામાં આવ્યો’ હાઉસ ઓફ હોરર પોડકાસ્ટમાં, અંજલિ બાળપણની તે ઘટનાને યાદ કરે છે અને કહે છે, મેં આજ સુધી ક્યારેય સ્ક્રીન પર આ કહ્યું નથી. હું આઠ વર્ષની હતી. આ ઘટના મારા પિતાના મૃત્યુ પછી તરત જ બની હતી. મારા ડાન્સ ટીચરે પોતાનો પરિચય મારા પિતા તરીકે આપ્યો. મને ખબર ન હોવાથી મેં તેના પર વિશ્વાસ કર્યો. પછી તેણે ધીમે ધીમે મને હેરાન કરવાનું શરૂ કર્યું. પહેલા તેણે મારા ગાલ પર અને પછી મારા હોઠ પર કિસ કરી. આ કર્યા પછી તે કહેતો, પપ્પાનો પ્રેમ આ રીતનો જ હોય છે. મને ખબર નહોતી કે પિતા-પુત્રીનો સંબંધ કેવો હોવો જોઈએ કારણ કે હું જે માંગું તે તે મને આપતો.
‘મારા દરેક કાર્ય પર નજર રાખતો હતો’ અંજલિ પોડકાસ્ટમાં કહે છે કે તેના ડાન્સ ટીચરે તેની લાઈફ કંટ્રોલ કરવાનું શરૂ કર્યું. તે તેને ખુલ્લા વાળ રાખવા કે છોકરીઓના કપડાં પહેરવાની મંજૂરી આપતો ન હતો. તે નહોતો ઇચ્છતો કે કોઈ મારા તરફ આકર્ષાય. તે મારા મેસેજ અને વાતચીત પર નજર રાખતો હતો. તે મને સ્કૂલેથી લેવા આવતો. હું બહાર ન જાઉં તે માટે તે ટ્યુશન ટીચરને પણ તેની ઘરે બોલાવતો. બધાને આશ્ચર્ય લાગતું કે તે બધી જ જગ્યાએ સાથે કેમ જાય છે? પણ કોઈએ કારણ જાણવાનો પ્રયાસ કર્યો નહોતો.
‘મારા બોયફ્રેન્ડે મને તેનાથી બચાવી’ અંજલિ કહે છે કે જ્યારે તેની બહેનના લગ્ન થયા, ત્યારે તે તેના પિતાના મિત્રના દીકરાને મળી. છોકરાને તેના પર ક્રશ હતો. ધીમે ધીમે બંને વચ્ચે વાતચીત શરૂ થઈ. પછી તેને સમજાયું કે જે થઈ રહ્યું હતું તે સામાન્ય બાબત હતી. પછી બંને રિલેશનશિપમાં આવ્યા. એક્ટ્રેસ કહે છે- હું તેની સાથે બે વર્ષથી રિલેશનશિપમાં હતી. તે મારો પહેલો બોયફ્રેન્ડ હતો જેને મને તે ડાન્સ ટીચરથી બચાવી.
અંજલિએ ઘણા ટેલિવિઝન શોમાં કામ કર્યું છે.
અંજલિના ફિલ્મી કરિયરની વાત કરીએ તો તેણે ધર્મા પ્રોડક્શનની ફિલ્મ ‘રોકી ઔર રાની કી પ્રેમ કહાની’થી ડેબ્યૂ કર્યું હતું. આ ફિલ્મનું ડિરેક્ટર કરન જોહર દ્વારા કરવામાં આવ્યું હતું. આ ફિલ્મમાં અંજલિએ રણવીર સિંહની બહેનનો રોલ ભજવ્યો હતો. તાજેતરમાં, એક્ટ્રેસની વેબ સિરીઝ ‘રાત જવાન હૈ’ અને ‘ડબ્બા કાર્ટેલ’ રિલીઝ થઈ હતી.
