ક્રિતી ખરબંદાએ તેની પ્રથમ રસોઈની વિધિ કરી: સોશિયલ મીડિયા પર શેર કરી તસવીર, લખ્યું- દાદીમાએ મંજૂરી આપી દીધી છે

પુલકિત સમ્રાટ અને ક્રિતી ખરબંદાએ 15 માર્ચે સાત ફેરા લીધા હતા. હવે ક્રિતી ખરબંદાએ તેના ઇન્સ્ટાગ્રામ પર તેના પહેલી રસોઈની તસવીર શેર કરી છે. તેણે પોતાના પહેલી રસોઈમાં હલવો બનાવ્યો છે. ક્રિતીએ કુલ ત્રણ તસવીરો શેર કરી છે. પહેલા ફોટોમાં તેણે સ્વીટ ડિશ બતાવી છે. બીજી તસવીરમાં તે પુલકિતની દાદીના આશીર્વાદ લેતી જોવા મળે છે. જેમાં તેણે લખ્યું છે- દાદીમાએ મંજૂરી આપી દીધી છે. છેલ્લા ફોટામાં, ક્રિતી હલવાને ડેકોરેટ કરતી જોવા મળે છે.

ક્રિતીનું તેના સાસરે ઘરે ભવ્ય સ્વાગત થયું
ક્રિતીનું તેની સાસરીમાં ભવ્ય સ્વાગત થયું હતું, સ્વાગતનો વીડિયો સોશિયલ મીડિયા પર વાઇરલ થઈ રહ્યો છે. વીડિયોમાં પુલકિત-ક્રિતી ઢોલ પર જોરદાર ડાન્સ કરતા જોવા મળ્યા હતા. વીડિયોમાં ક્રિતી ટ્રેડિશનલ લુકમાં જોવા મળી હતી. ક્રિતી હાથમાં બંગડીઓ અને વાળમાં સિંદૂર લગાવીને અને સાડીમાં જોવા મળી હતી. જ્યાં એક્ટ્રેસે રેડ ફ્લાવર પ્રિન્ટવાળી સાડી પહેરી હતી. પુલકિત સફેદ કુર્તા-પાયજામામાં જોવા મળ્યો હતો. પુલકિત પણ સીટી મારતો જોવા મળ્યો હતો.

કૃતિનું તેના સાસરે ઘરે સ્વાગત થયું.

ક્રિતીએ લગ્નની તસવીરો શેર કરી હતી
ક્રિતીએ લગ્નની ચાર તસવીરો શેર કરી હતી, જેમાં બંને એકબીજાનો હાથ પકડેલા જોવા મળે છે. કેટલાકમાં બંને એકબીજાને ગળે લગાવી રહ્યાં છે અને ક્રિતી પુલકિતના કપાળ પર ચુંબન કરતી જોવા મળે છે. એક તસવીરમાં પુલકિતે ક્રિતીના ગળામાં મંગળસૂત્ર પહેરાવે છે. લગ્ન પછી ક્રિતિ તેના વાળમાં સિંદૂર લગાવીને ખૂબ જ સુંદર લાગી રહી હતી. ત્યાં હાજર લોકો કપલ પર ફૂલ વરસાવી રહ્યા છે. ક્રિતી પેસ્ટલ પિંક લહેંગામાં ખૂબ જ સુંદર લાગી રહી હતી. પુલકિત સમ્રાટની શેરવાની પર ગાયત્રી મંત્ર વણાયેલો જોવા મળ્યો હતો.