9 મિનિટ પેહલા
- કૉપી લિંક
ઈન્ડસ્ટ્રીમાં ચર્ચા છે કે, મલાઈકા અરોરા અને અર્જુન કપૂરનું બ્રેકઅપ થઈ ગયું છે. દરમિયાન શુક્રવારે (26 જુલાઈ)ના રોજ બંને એક જ ઈવેન્ટમાં જોવા મળ્યા હતા. જો કે, તેઓ બંને એક સાથે ઇવેન્ટમાં પહોંચ્યા ન હતા અને ન તો તેઓ સાથે જોવા મળ્યા હતા, પરંતુ તેઓ ચોક્કસપણે સામસામે આવ્યા હતા.
ઈવેન્ટમાં બંને એકબીજાથી દૂર બેઠેલા જોવા મળ્યા હતા.
બંને એકબીજાથી દૂર બેઠેલા જોવા મળ્યા હતા
વાસ્તવમાં બંને નવી દિલ્હીમાં આયોજિત ઈન્ડિયન કોચર વીકમાં પહોંચ્યા હતા. આ ઈવેન્ટમાં બન્ને આગળની સીટ પર બેઠા હતા. જોકે, બંને એકબીજાથી દૂર બેઠા જોવા મળ્યા હતા. જ્યારે મલાઈકાએ આ ઈવેન્ટમાં રેમ્પ વોક કર્યું હતું, ત્યારે અર્જુન માત્ર તેમાં હાજરી આપવા આવ્યો હતો.
આ પ્રસંગે અર્જુને મલાઈકાને સામેથી પસાર થવાનો રસ્તો આપ્યો હતો.
સામેથી પસાર થઈ પણ સામે ન જોયું
ઈવેન્ટમાંથી બંનેનો બીજો વીડિયો વાયરલ થયો છે જેમાં મલાઈકા અર્જુનની સામેથી પસાર થઈ હતી પરંતુ બંનેએ એકબીજા સામે જોયું ન હતું. જ્યારે અર્જુન પોતાના ફેન્સ સાથે ક્લિક થઈ રહ્યો હતો ત્યારે મલાઈકા પાછળથી જવાનો પ્રયાસ કરી રહી હતી. અર્જુને ચાહકોને તેને રસ્તો આપવા કહ્યું જેથી તે આરામથી પસાર થઈ શકે.
આ પછી મલાઈકા અર્જુનની સામેથી પસાર થઈ પરંતુ બંનેએ એકબીજા સામે જોયું નહીં.
આ ઈવેન્ટમાં મલાઈકાએ રેમ્પ વોક કર્યું હતું.
મલાઇકા વિનોદ ખન્નાના પુત્ર રાહુલ ખન્ના સાથે ડિઝાઇનર સિદ્ધાર્થ ટાઇટલરની શો-સ્ટોપર બની હતી.
બ્રેકઅપ અંગેની અટકળો સાચી સાબિત થતી જોવા મળી રહી છે
આ પહેલા શુક્રવારે જ્યારે બંને મુંબઈ એરપોર્ટ પર સ્પોટ થયા હતા ત્યારે બધાએ વિચાર્યું હતું કે, તેમની વચ્ચે બધુ બરાબર છે અને તેઓ વેકેશન પર જઈ રહ્યા છે.
જોકે, ઈવેન્ટમાંથી બહાર આવેલા આ વીડિયોને જોયા બાદ તેમના બ્રેકઅપની અટકળો વધારે બળવત્તર બની રહી રહી છે.અર્જુન અને મલાઈકાના અલગ થવાના સમાચાર આ વર્ષે શરૂ થયા જ્યારે બંનેએ ન તો એકબીજાના જન્મદિવસ પર હાજરી આપી અને ન તો સોશિયલ મીડિયા પર એકબીજાને શુભેચ્છા પાઠવી હતી.
