અર્જુનની બર્થડે પાર્ટીમાં મલાઈકાની ગેરહાજરી: ફરી બ્રેકઅપની ચર્ચા ચાલી, એક્ટ્રેસે કહ્યું, ‘મને એવા લોકો ગમે છે જેમના પર હું વિશ્વાસ કરી શકું’

એક્ટર અર્જુન કપૂરે બુધવારે તેનો 39મો બર્થડે સેલિબ્રેટ કર્યો હતો. આ પ્રસંગે એક્ટરે એક પાર્ટી આપી હતી જેમાં તેની ગર્લફ્રેન્ડ મલાઈકા અરોરાએ હાજરી આપી ન હતી.

દર વર્ષની જેમ એક્ટ્રેસે સોશિયલ મીડિયા પર અર્જુનને બર્થડે વિશ કર્યું નહોતું, પરંતુ ઇન્સ્ટા સ્ટોરીમાં એક ભેદી પોસ્ટ ચોક્કસ શેર કરી હતી.

મલાઈકાની ઈન્સ્ટાગ્રામ સ્ટોરી જે અર્જુનના જન્મદિવસ પર શેર કરી હતી

ભરોસા વિશે એક ક્વોટ શેર કર્યો
આ પોસ્ટમાં મલાઈકાએ એક ક્વોટ શેર કર્યો છે જેમાં લખ્યું છે, ‘મને તે લોકો ગમે છે જેના પર હું મારી પીઠ પાછળ પણ આંધળો વિશ્વાસ કરી શકું.’

જ્યારથી મલાઈકાએ અર્જુનના જન્મદિવસ પર આ પોસ્ટ શેર કરી છે, ત્યારથી ઘણા યુઝર્સ અનુમાન લગાવી રહ્યા છે કે બંને વચ્ચે પહેલાં જેવું બરાબર નથી રહ્યું.

એવી ચર્ચા છે કે 7 વર્ષ સુધી એકબીજાને ડેટ કર્યા બાદ આ કપલ અલગ થઈ ગયું છે

મિત્રો અને પરિવારના સભ્યોને પાર્ટી આપી
બુધવારે રાત્રે અર્જુને તેના ઘરે એક બર્થડે પાર્ટીનું આયોજન કર્યું હતું. આ પાર્ટીમાં અર્જુનના પરિવારના જાહન્વી કપૂર, શનાયા કપૂર, મોહિત મારવાહ, મહિપ કપૂર અને સંજય કપૂર જેવા સેલેબ્સ સામેલ થયા હતા. મિત્રોમાં આદિત્ય રોય કપૂર અને વરુણ ધવન તેમની પત્ની નતાશા સાથે પહોંચ્યા હતા.

અર્જુનની પાર્ટીમાં વરુણ ધવન પહોંચ્યો હતો

પાર્ટીમાં અર્જુનની કઝીન શનાયા કપૂર પણ જોવા મળી હતી

7 વર્ષના ડેટિંગ પછી થયું બ્રેકઅપ!
મલાઈકા, અર્જુનની પાર્ટીમાં આવી નહોતી. એવી ચર્ચા છે કે 7 વર્ષ સુધી એકબીજાને ડેટ કર્યા બાદ બંનેનું બ્રેકઅપ થઈ ગયું છે. જો કે હજુ સુધી અર્જુન કે મલાઈકાએ આ મામલે કોઈ નિવેદન આપ્યું નથી.

છેલ્લા કેટલાક સમયથી મલાઈકા અને અર્જુન પોતાના બર્થડે પર રોમેન્ટિક ફોટો શેર કરીને એકબીજાને શુભેચ્છા પાઠવી રહ્યા છે, પરંતુ બંને લાંબા સમયથી સાથે જોવા મળ્યા નથી.

મલાઈકા અરોરાએ અર્જુન કપૂરને અનફોલો કર્યો
તેમના બ્રેકઅપના સમાચાર ત્યારે ચર્ચામાં આવ્યા જ્યારે મલાઈકા અરોરાએ અર્જુન અને તેના સંબંધીઓને ઈન્સ્ટાગ્રામ પરથી અનફોલો કરી દીધા. ઉલ્લેખનીય છે કે બંને 2016થી રિલેશનશિપમાં છે. આ કપલે બર્થડે પોસ્ટ દ્વારા તેમના સંબંધોની સત્તાવાર જાહેરાત કરી હતી.

લગ્નના કારણે સંબંધોમાં વિખવાદ હતો!
જાન્યુઆરીમાં ‘ઝૂમ’ના રિપોર્ટ અનુસાર, નવેમ્બર 2023માં જ મલાઈકા અરોરા અને અર્જુન કપૂરનું બ્રેકઅપ થઈ ગયું હતું. રિપોર્ટમાં દાવો કરવામાં આવ્યો છે કે બેમાંથી એક લગ્ન કરીને સ્થાયી થવા માગે છે, જ્યારે અન્ય તેના માટે સમય માગે છે. આ કારણ તેમની અણબનાવનું કારણ બન્યું છે.

‘સિંઘમ અગેઇન’ દિવાળી પર રિલીઝ થશે

અર્જુન ‘સિંઘમ અગેઇન’માં વિલનની ભૂમિકામાં જોવા મળશે

વર્કફ્રન્ટની વાત કરીએ તો અર્જુનની આગામી ફિલ્મ ‘સિંઘમ અગેઇન’ છે. જેમાં તે વિલનની ભૂમિકામાં જોવા મળશે. ફિલ્મમાં અર્જુન ઉપરાંત અજય દેવગન, અક્ષય કુમાર, રણવીર સિંહ, કરીના કપૂર, દીપિકા પાદુકોણ, ટાઈગર શ્રોફ અને જેકી શ્રોફ જેવા કલાકારો છે. ફિલ્મ આ વર્ષે દિવાળી પર રિલીઝ થશે.