53 મિનિટ પેહલા
- કૉપી લિંક
એક્ટ્રેસ મનીષા કોઈરાલા આજકાલ સંજય લીલા ભણસાલીની સિરીઝ ‘હીરામંડીઃ ધ ડાયમંડ બઝાર’ના કારણે ચર્ચામાં છે. આજકાલ મનીષા આ સિરીઝના પ્રમોશનમાં ખૂબ જ વ્યસ્ત છે. આ દરમિયાન તેણે જૂના દિવસોને યાદ કરતાં તેણે ફિલ્મ ‘દિલ સે’નો ઉલ્લેખ કર્યો અને શાહરુખ ખાન વિશે પણ ઘણા રસપ્રદ ખુલાસા કર્યા. મનીષાએ કહ્યું- ‘મોટા સ્ટાર હોવા છતાં શાહરુખ ખાનને સહેજ પણ અભિમાન નથી. તે જમીન પર બેસીને ચા પીતો હતો.
દક્ષિણ સિનેમાના દિગ્ગજ દિગ્દર્શક મણિ રત્નમ દ્વારા નિર્દેશિત ફિલ્મ ‘દિલ સે’માં મનીષા કોઈરાલાએ શાહરુખ ખાન સાથે કામ કર્યું હતું. આ ફિલ્મ મનીષા કોઈરાલા અને શાહરુખ ખાનની કરિયરની ફિલ્મોમાંની એક છે. ફિલ્મમાં શાહરૂખ સાથે કામ કરવાનો પોતાનો અનુભવ શેર કરતાં મનીષા કોઈરાલા કહે છે, ‘તે દિવસોમાં પણ શાહરુખ ખાન દેશના સૌથી મોટા સ્ટાર્સ પૈકી એક હતો, પરંતુ તેને સહેજ પણ અભિમાન ન હતું. તે જમીન પર બેસીને ચા પીતો હતો.
મનીષા કોઈરાલા પહેલાં તિગ્માંશુ ધુલિયાએ પણ ઘણી વખત ફિલ્મ ‘દિલ સે’ સાથે જોડાયેલી વાતો શેર કરી છે. આ ફિલ્મના ડાયલોગ તિગ્માંશુએ લખ્યા છે. શાહરુખ ખાન સાથે જોડાયેલી કિસ્સો શેર કરતા તિગ્માંશુએ કહ્યું- ‘મણિ રત્નમ આ ફિલ્મનું શૂટિંગ દૂર-દૂરના સ્થળોએ કરતા હતા. લંચ બ્રેક દરમિયાન એક કલાક મળતો હતો. શાહરુખ પોતાનું લંચ ઝડપથી પૂરું કરી લેતો હતો અને જમીન પર જ ઊંઘ લેતો હતો. તેનો સ્પોટ બોય એક સાદી ચાદર ફેલાવી દેતો અને તે થોડીવાર સુઈ જતો હતો.
ફિલ્મ ‘ખામોશી- ધ મ્યુઝિકલ’ પછી મનીષા કોઈરાલા ડિરેક્ટર સંજય લીલા ભણસાલીની પિરિયડ ડ્રામા સિરીઝ હીરામંડીમાં મલ્લિકાજનની ભૂમિકામાં જોવા મળશે. આ સિરીઝ 1940ના દાયકામાં બ્રિટિશ રાજ સામે ભારતીય સ્વતંત્રતા ચળવળ દરમિયાન લાહોરના હીરામંડીના રેડ-લાઇટ વિસ્તારના જીવનને પ્રકાશિત કરશે. આ સિરીઝનું નિર્દેશન સંજય લીલા ભણસાલી અને મિતાક્ષરા કુમારે કર્યું છે. આ દ્વારા સંજય લીલા ભણસાલી તેના OTT ડેબ્યૂ કરી રહ્યા છે. આ સિરીઝમાં મનીષા કોઈરાલા ઉપરાંત સોનાક્ષી સિંહા, અદિતિ રાવ હૈદરી, રિચા ચઢ્ઢા, અધ્યાયન સુમન, શેખર સુમન, ફરદીન ખાન, સંજીદા શેખ અને તાહા શાહ મુખ્ય ભૂમિકામાં છે.
