5 કલાક પેહલા
- કૉપી લિંક
બોલિવૂડ એક્ટર શ્રેયસ તલપડેને 14 ડિસેમ્બરની સાંજે હાર્ટ એટેક આવ્યો હતો. તે પોતાની ફિલ્મ ‘વેલકમ ટુ ધ જંગલ’નું શૂટિંગ કરીને ઘરે પરત ફર્યો હતો. આ પછી તેને એટેક આવ્યો અને તે બેભાન થઈ ગયો જેના કારણે તેણે એન્જિયોપ્લાસ્ટી કરાવવી પડી. આ વિશે વાત કરતા શ્રેયસના નજીકના મિત્ર, ફિલ્મ પ્રોડ્યુસર સોહમ શાહે જણાવ્યું કે, અભિનેતાની તબિયતમાં ઘણો સુધારો થયો છે. શ્રેયસના ડિસ્ચાર્જ અંગે તેણે જણાવ્યું કે, તેને આજે રાત્રે અથવા કાલે રજા આપવામાં આવી શકે છે.
‘શ્રેયસને હસતો જોઈને ખૂબ આનંદ થયો’
સોહને કહ્યું કે, ‘શ્રેયસને રવિવારે રાત્રે અથવા સોમવારે સવારે રજા આપવામાં આવશે. હું તેને મળ્યો. તેણે કહ્યું કે જે રાત્રે તેને હૉસ્પિટલ લઈ જવામાં આવ્યો તે રાત્રે હું તેને મળવા ગયો હતો અને આજે પણ હું ત્યાં જ હતો. આજે શ્રેયસને વાત કરતા જોઈને ઘણી રાહત થઈ. તેણે મારી સાથે તેની જૂની શૈલીમાં વાત કરી.’
શ્રેયસ તલપડે ફિલ્મ ‘ઇકબાલ’થી ચર્ચામાં આવ્યો હતો.
‘શ્રેયસની પત્ની દીપ્તિનો આભાર’- સોહમ શાહ
શ્રેયસની પત્ની દીપ્તિ વિશે વાત કરતાં નિર્માતાએ કહ્યું કે, ‘તેણે સમયસર ખૂબ જ સમજદારીપૂર્વક નિર્ણય લીધો હતો. સોહમનું માનવું છે કે ટ્રાફિક અને અન્ય સમસ્યાઓનો સામનો કરતી વખતે દીપ્તિ જે રીતે તેને હૉસ્પિટલ લઈ ગઈ હતી. તે એટલું સરળ ન હતું. શ્રેયસનો પુનર્જન્મ થયો છે.’ સોહમે કહ્યું કે, ‘ભગવાનનો આભાર કે તે હવે સ્વસ્થ થઈ રહ્યો છે. અમારી શુભેચ્છાઓ તેની સાથે છે.’
પત્ની દિપ્તીએ શ્રેયસની હેલ્થ અપડેટ આપી, ડૉક્ટરોનો પણ આભાર માન્યો
પત્ની દિપ્તીએ 14 ડિસેમ્બરે એક પોસ્ટ શેર કરીને શ્રેયસની હેલ્થ અપડેટ આપી હતી. તેણે લખ્યું- ‘મારા પતિની તબિયત અંગે આટલી ચિંતા વ્યક્ત કરવા બદલ હું હૃદયના ઊંડાણથી આપ સૌનો આભાર માનું છું. હું બધાને કહેવા માંગુ છું કે, હવે તેમની તબિયત સ્થિર છે અને થોડા દિવસોમાં તેમને રજા આપવામાં આવશે.’
શ્રેયસે 31 ડિસેમ્બર 2004ના રોજ દીપ્તિ સાથે લગ્ન કર્યા હતા. દીપ્તિ વ્યવસાયે મનોચિકિત્સક છે.
‘આ સમયગાળા દરમિયાન, તબીબી ટીમે પણ તેમની ખૂબ કાળજી લીધી, જેના માટે હું તેમની પણ આભારી છું. દરેક વ્યક્તિને આ સમયે અમારી ગોપનીયતાનો આદર કરવા વિનંતી કરવામાં આવે છે, કારણ કે તેમની રિકવરી ચાલુ છે. આ ખરાબ સમયમાં તમારો સાથ અમારા બંને માટે તાકાત છે.’
શ્રેયસ તલપડેએ એન્જિયોપ્લાસ્ટિ કરાવી છે
મીડિયા રિપોર્ટ્સ અનુસાર, 14મી ડિસેમ્બરે શ્રેયસ આખો દિવસ એકદમ ઠીક હતો. શૂટિંગ પછી તે સેટ પર બધા સાથે મજાક કરતો હતો. કેટલાક દ્રશ્યો પણ શૂટ કરવામાં આવ્યા હતા જેમાં થોડી એક્શન હતી. શૂટિંગ પૂરું કર્યા પછી, તે સાંજે ઘરે ગયો અને તેની પત્નીને કહ્યું કે તે અસ્વસ્થતા અનુભવી રહ્યો છે. તેણી તેને હૉસ્પિટલ લઈ ગઈ, પરંતુ તે રસ્તામાં બેહોશ થઈ ગયો. રાત્રે લગભગ 10 વાગ્યે તેમને દાખલ કરવામાં આવ્યા હતા. મોડી રાત્રે ડૉ.હરીશ બજાજે તેમની સર્જરી કરી હતી.
શ્રેયસ તલપડે અભિનેતા હોવા ઉપરાંત એક પ્રખ્યાત વોઇસ આર્ટિસ્ટ પણ છે.
શ્રેયસ અક્ષય કુમાર સાથે ‘વેલકમ ટુ ધ જંગલ’માં કામ કરી રહ્યો છે.
ફિલ્મ ‘વેલકમ ટુ ધ જંગલ’નું શૂટિંગ કરીને પરત ફર્યા બાદ શ્રેયસની તબિયત લથડી હતી. આ ફિલ્મમાં તેમના સિવાય અક્ષય કુમાર, રવિના ટંડન, દિશા પટણી, જેકલીન ફર્નાન્ડીઝ, લારા દત્તા, સુનીલ શેટ્ટી, સંજય દત્ત, પરેશ રાવલ, અરશદ વારસી, તુષાર કપૂર, રાજપાલ યાદવ, જોની લીવર અને કૃષ્ણા અભિષેક જેવા મોટા કલાકારો કામ કરી રહ્યા છે. છે. આ ફિલ્મ આવતા વર્ષે રિલીઝ થશે.
‘ઈમરજન્સી’માં અટલ બિહારી વાજપેયીની ભૂમિકા ભજવશે
શ્રેયસ ‘વેલકમ ટુ જંગલ’ સિવાય કંગના રનૌત અભિનિત ફિલ્મ ‘ઈમરજન્સી’માં પણ જોવા મળશે. આમાં તે પૂર્વ વડાપ્રધાન અટલ બિહારી વાજપેયીની ભૂમિકા ભજવશે. તાજેતરમાં જ તેનો લુક ફિલ્મમાંથી બહાર આવ્યો હતો. અટલ બિહારી વાજપેયીના લૂકમાં ફેન્સને શ્રેયસ ખૂબ જ પસંદ આવ્યો હતો.
