23 મિનિટ પેહલા
- કૉપી લિંક
સાઉથના સુપરસ્ટાર ધનુષની આગામી ફિલ્મ ‘કુબેરા’ના નિર્માતાઓએ ફિલ્મના સુપરસ્ટાર અક્કીનેની નાગાર્જુનનો ફર્સ્ટ લૂક રિલીઝ કર્યો છે. આ ટીઝરને 24 કલાકમાં 20 લાખ+ વ્યુઝ મળ્યા છે. તેને 48 કલાકથી ઓછા સમયમાં 30 લાખથી વધુ વ્યૂઝ મળ્યા છે.
ટીઝરમાં નાગાર્જુન વરસાદમાં છત્રી લઈને પૈસાથી ભરેલા ટ્રકની બાજુમાં ઊભેલો જોવા મળે છે. જ્યારે તે જમીન પર પડેલી ભીની નોટને જુએ છે, ત્યારે તે તેના ખિસ્સામાંથી એક નોટ કાઢીને ટ્રકમાં મૂકે છે.
ફિલ્મના ફર્સ્ટ લૂક ટીઝરમાં નાગાર્જુન
તેલુગુ, તમિળ અને હિન્દીમાં રિલીઝ થશે
ફિલ્મ ‘કુબેરા’માં ધનુષ અને રશ્મિકા મંદાના લીડ રોલમાં હશે. આ સિવાય જીમ સરભ પણ લીડ રોલમાં જોવા મળશે. શેખર કમુલા દ્વારા નિર્દેશિત આ ફિલ્મનું સંગીત દેવી શ્રી પ્રસાદે કમ્પોઝ કર્યું છે. આ ફિલ્મ સમગ્ર ભારતમાં તેલુગુ, તમિળ અને હિન્દીમાં રિલીઝ થશે.
ધનુષનો ફર્સ્ટ લુક રિલીઝ થઈ ગયો છે
આ એક પૌરાણિક ફિલ્મ છે. આ પહેલાં મેકર્સે ફિલ્મમાંથી ધનુષનો ફર્સ્ટ લુક રિલીઝ કર્યો હતો, જેમાં તે ભગવાનની વોલ પેઈન્ટીંગની સામે ઉભો જોવા મળે છે. આ ફિલ્મની જાહેરાત ગત વર્ષે ‘ધનુષ 51’ નામથી કરવામાં આવી હતી.
ફિલ્મના ફર્સ્ટ લુક ટીઝરમાં ધનુષ
નાગાર્જુનની કરિયરની 11મી હિન્દી ફિલ્મ
વર્કફ્રન્ટની વાત કરીએ તો ‘કુબેર’ નાગાર્જુનની 11મી હિન્દી ફિલ્મ હશે. આ પહેલાં તેમણે ‘ખુદા ગવાહ’, ‘જખ્મ’, ‘LOC કારગિલ’ અને ‘બ્રહ્માસ્ત્ર પાર્ટ 1’ જેવી હિન્દી ફિલ્મોમાં કામ કર્યું છે.
આ દિવસોમાં ધનુષ પોતાના નિર્દેશનમાં બનેલી ફિલ્મ ‘રાયન’નું શૂટિંગ પણ કરી રહ્યો છે. આ સિવાય તે ટૂંક સમયમાં આનંદ એલ રાય સાથે તેની ત્રીજી હિન્દી ફિલ્મ ‘તેરે ઈશ્ક મેં’નું શૂટિંગ શરૂ કરશે.
