મુનાવર ફારૂકીએ કૃતિકા મલિકને આડેહાથ લીધી: કહ્યું, ‘તમે સોશિયલ મીડિયા પર તમારી જાતને એક્સ્પોઝ કરો છો, અહીં કોઈ તમારા વખાણ કરે તો કહો છો છોડીશ નહીં’

લોકપ્રિય રિયાલિટી શો બિગ બોસ ઓટીટીની ત્રીજી સિઝન સતત ચર્ચામાં છે. શોનો ફિનાલે 2 ઓગસ્ટે યોજાવા જઈ રહ્યો છે, જે પહેલા બિગ બોસ 17ના વિજેતા મુનાવર ફારૂકી શોમાં પહોંચી ગયા છે. શોમાં મુનાવરે વિશાલને થપ્પડ મારવા અને કૃતિકા મલિકના કપડા પર સવાલ ઉઠાવવા બદલ અરમાન મલિકની ટીકા કરી હતી.

વાસ્તવમાં, વિશાલ પાંડેએ અરમાન મલિકની પત્ની કૃતિકા મલિક વિશે કહ્યું હતું કે ભાભી સુંદર લાગે છે. ‘વીકેન્ડ કા વાર’ એપિસોડમાં આ ટિપ્પણીનું ખોટું અર્થઘટન કરવામાં આવ્યું હતું, જેના કારણે અરમાને વિશાલને થપ્પડ મારી હતી. આ પછી અરમાને જીમના વસ્ત્રો પહેરી રહેલી કૃતિકાને તેના કપડા બદલવા માટે કહ્યું. મુનાવર ફારૂકીએ આ મુદ્દે કૃતિકા મલિકને આડે હાથ લીધી છે.

વન-ટુ-વન વાતચીતમાં મુનાવર ફારૂકીએ કૃતિકા મલિકને તેના ગીત ‘ભીડે ભીડે સૂટ…’નો અર્થ પૂછ્યો.

આના પર અરમાને જવાબ આપ્યો કે, તેનો મતલબ ચુસ્ત સૂટ. આગળ મુનવ્વરે કૃતિકાને પૂછ્યું કે શું તે ચુસ્ત કપડાં પહેરે છે. જવાબમાં કૃતિકાએ કહ્યું કે, ‘અમે એ ગીતમાં સૂટ પહેર્યા હતા. જે હું અહીં પણ પહેરું છું’.

આ અંગે મુનાવરે વધુમાં કહ્યું કે, અમે એક જ ગીત પર જિમના વીડિયો જોયા છે. તમારા ચુસ્ત કપડાંની રીલ દરેક એંગલથી બનાવવામાં આવી હતી. જ્યારે તમે સોશિયલ મીડિયા પર લાખો લોકોની સામે તમારી જાતને આ રીતે ઉજાગર કરો છો ત્યારે મને એવું લાગે છે.કે તો અહીં તમને શું સમસ્યા ઊભી થાય છે? તમે રીલમાં ગમે તેટલા કપડાં પહેરી શકો છો, પણ અહીં જો કોઈ તમને સામેથી કહે કે તમે સારા દેખાઈ રહ્યા છો, તો તમે કહો છો કે હું છોડીશ નહીં.’ આ અંગે સ્પષ્ટતા આપતાં કૃતિકાએ કહ્યું છે કે અરમાને ક્યારેય તેને કપડાં પહેરવાની બાબતમાં ટોકી નથી.’

ફિનાલે પહેલા 2 સ્પર્ધકોને બહાર કાઢવામાં આવશે
બિગ બોસના તાજેતરના સમાચાર અનુસાર, સાઈ કેતન રાવને બિગ બોસ દ્વારા ફિનાલે સપ્તાહમાં બહાર કરવામાં આવી રહ્યો છે. સાઈ ઉપરાંત અરમાન મલિકને પણ વોટના અભાવે હાંકી કાઢવામાં આવશે. અરમાન મલિક શોના સૌથી લોકપ્રિય સ્પર્ધકોમાંથી એક છે.

હાલમાં જ શોમાં પહોંચેલા મીડિયાકર્મીઓએ તેના બે લગ્નો પર ઘણા તીખા સવાલો પૂછ્યા હતા, જે બાદ તે ભાવુક જોવા મળ્યો હતો. વાસ્તવમાં, અરમાન મલિકે તેની પત્ની કૃતિકા મલિક પર વાંધાજનક ટિપ્પણી કરવા બદલ સ્પર્ધક વિશાલને થપ્પડ મારી હતી. સજા તરીકે, તે સમગ્ર સિઝન માટે નોમિનેટ કરવામાં આવ્યો હતો.

આ શોના ટોપ-5 સ્પર્ધકો છે
સાઈ કેતન રાવ અને અરમાન મલિક પહેલા વિશાલ પાંડે અને શિવાની કુમારીને શોમાંથી બહાર કરવામાં આવ્યા હતા. આ સાથે શોના ટોપ 5 સ્પર્ધકોના નામ પણ સામે આવ્યા છે. રણવીર શૌરી, લવકેશ કટારિયા, સના મકબૂલ, કૃતિકા મલિક અને નેઝીએ ફિનાલેમાં સ્થાન મેળવ્યું છે.

ટૂંક સમયમાં ઘરમાં એક ટાસ્ક થવા જઈ રહ્યું છે, જેમાં રણવીર શૌરી અને સના મકબૂલ વચ્ચે જોરદાર લડાઈ થવાની છે. ટાસ્ક દરમિયાન, સના મકબૂલે રણવીરના પુત્ર વિશે ટિપ્પણી કરી, જેના જવાબમાં રણવીરે તેને ગટરછાપ કહ્યો.

નોંધનીય છે કે શોનો ફિનાલે 2જી ઓગસ્ટે થવા જઈ રહ્યો છે. અગાઉ શોની ફિનાલે ડેટ 4 ઓગસ્ટ હતી, જોકે મેકર્સે ફિનાલે મોકૂફ રાખ્યો હતો.