‘ફરહાન અખ્તર પિતા બનવાના સમાચાર અફવા છે’: શબાના આઝમીએ કન્ફર્મ કર્યું, બીજી પત્ની શિબાની પ્રેગનેન્ટ હોવાની વાતનું ખંડન કર્યું

એક્ટર-દિગ્દર્શક ફરહાન અખ્તર ત્રીજી વખત પિતા બનવાના સમાચાર અફવા છે. એક્ટ્રેસ શબાના આઝમીએ આ વાતની પુષ્ટિ કરી છે. વાસ્તવમાં, તાજેતરમાં સમાચાર આવ્યા હતા કે ફરહાનની બીજી પત્ની શિબાની દાંડેકર માતા બનવા જઈ રહી છે.

શબાના આઝમીએ ETimes સાથે વાત કરતા કહ્યું કે ‘પ્રેગ્નન્સીના સમાચારમાં કોઈ સત્ય નથી. ફરહાન અને શિબાની બાળકનું પ્લાનિંગ પણ નથી કરી રહ્યા.’

ફરહાને 2022માં શિબાની સાથે લગ્ન કર્યા હતા

ફરહાને 2022માં શિબાની દાંડેકર સાથે લગ્ન કર્યા હતા. લગ્ન પહેલા બંને 4 વર્ષ સુધી રિલેશનશિપમાં હતા અને લિવ-ઈન પણ હતા. બંનેએ 2018માં તેમના સંબંધોને સત્તાવાર જાહેર કર્યા હતા.

ફરહાન તેના પહેલા લગ્નથી બે પુત્રીનો પિતા છે

ફરહાને શિબાની સાથે બીજા લગ્ન કર્યા છે. તેણે 2000માં હેર સ્ટાઈલિસ્ટ અધુના સાથે પહેલા લગ્ન કર્યા હતા. આ લગ્નથી તેમને બે પુત્રીઓ પણ છે. ફરહાન અને અધુનાએ 2017માં છૂટાછેડા લીધા હતા.

તસવીરમાં પૂર્વ પત્ની અધુના સાથે ફરહાન અખ્તર.

ફરહાનના વર્ક ફ્રન્ટની વાત કરીએ તો તે આવનારા સમયમાં ફિલ્મ ‘120 બહાદુર’માં જોવા મળશે. ફિલ્મની વાર્તા 1962ના ભારત-ચીન યુદ્ધની પૃષ્ઠભૂમિ પર આધારિત છે. આ ફિલ્મમાં ફરહાન મેજર શૈતાન સિંહના રોલમાં જોવા મળશે.

તે જ સમયે, ફરહાનના નિર્દેશનમાં બનેલી ફિલ્મ ‘ડોન 3’ પણ આ વર્ષે રિલીઝ થવા જઈ રહી છે. ફિલ્મમાં રણવીર સિંહ અને કિયારા અડવાણી લીડ રોલમાં છે. ફરહાન ફિલ્મ ‘જી લે ઝરા’ માટે પણ ચર્ચામાં છે. જોકે, ફિલ્મની રિલીઝ કે મેકિંગને લગતી કોઈ નક્કર માહિતી હજુ સુધી સામે આવી નથી.