11 મિનિટ પેહલા
- કૉપી લિંક
પાકિસ્તાની અભિનેત્રી માહિરા ખાને એક ઈન્ટરવ્યૂમાં પોતાના લગ્ન સાથે જોડાયેલી એક રસપ્રદ ઘટના જણાવી. તેણે કહ્યું,’મારા લગ્નમાં ડીજે અને વેઈટર સહિત બધા જ રડી રહ્યા હતા. લગ્ન સ્થળે એક પણ વ્યક્તિ એવી નહોતી કે જેની આંખો ભીની ન હોય. બધા રડતા હતા’. તેણે કહ્યું,’હું વેઈટર અને બીજા બધાને જોઈને ખૂબ જ ચોંકી ગઈ, મને આશ્ચર્ય થયું કે શું થઈ રહ્યું છે.’
માહિરા ખાન પુત્ર અઝલાન સાથે
માહિરા ખાને તેના લાંબા સમયના બોયફ્રેન્ડ સલીમ કરીમ સાથે 1 ઓક્ટોબર, 2023ના રોજ લગ્ન કર્યા હતા. માહિરાના એ બીજા લગ્ન હતા. પાકિસ્તાનના બર્બન શહેર સ્થિત પર્લ કોન્ટિનેંટલ હોટલમાં બંનેએ લગ્ન કર્યા હતા. એ લગ્નમાં માહિરાનો 14 વર્ષનો પુત્ર પણ તેની સાથે હાજર હતો. માહિરાના પહેલા લગ્ન વર્ષ 2007માં થયા હતા. 2015માં છૂટાછેડા થયા. પુત્ર અઝલાનનો જન્મ વર્ષ 2009માં થયો હતો.
માહિરા ખાને દુઆ માટે આ ડિઝાઈનર સૂટ પહેર્યો હતો
ગર્ભાવસ્થાના સમાચારને નકારી કાઢ્યા
લગ્ન બાદ માહિરા ખાનની પ્રેગ્નન્સીના સમાચાર સામે આવ્યા હતા. પરંતુ માહિરાએ આ અહેવાલોને નકારી કાઢ્યા અને કહ્યું, ‘ઓહ, હું ગર્ભવતી નથી. આ કોઈ અનોખી વાત નથી પરંતુ અત્યારે આ માત્ર અફવા છે. મને ખબર નથી કે આ વસ્તુઓ ક્યાંથી આવી.’ તેણે કહ્યું, ‘કદાચ તેનું કારણ છે કે મારું વજન વધી ગયું છે.’ માહિરાએ ફિલ્મ છોડવાની અફવા પર પણ પૂર્ણવિરામ મૂક્યું હતું. તેણે કહ્યું, ‘મેં કોઈ ફિલ્મ છોડી નથી.’
માહિરા 2017ની ફિલ્મ ‘રઈસ’માં શાહરુખ ખાન સાથે જોવા મળી હતી. આ ફિલ્મે બોક્સ ઓફિસ પર સારું કલેક્શન કર્યું હતું.