13 કલાક પેહલા
- કૉપી લિંક
ડિરેક્ટર અપૂર્વ લાખિયાએ જણાવ્યું કે રાજસ્થાનના જેસલમેરમાં લોકો અમિતાભ બચ્ચનને ભગવાન માને છે. તેમણે કહ્યું કે ‘બિગ બી’ના આગમન સાથે જ તે શહેરમાં દુષ્કાળનો અંત આવ્યો, ત્યારબાદ તેમને પગે લાગવા માટે લોકોની લાઇન લાગી હતી.
ફ્રાઈડે ટોકીઝ પોડકાસ્ટ પર વાત કરતા અપૂર્વ લાખિયાએ કહ્યું, હું અને અભિષેક બચ્ચન જેસલમેરમાં ‘મુંબઈ સે આયા મેરા દોસ્ત’નું શૂટિંગ કરી રહ્યા હતા. તે સમયે ત્યાં દુષ્કાળ હતો. અમિતાભ બચ્ચન ન્યૂ યર માટે ત્યાં આવી રહ્યા હતા. જયાજી, શ્વેતા અને અમર સિંહ પણ ત્યાં હતા. દૂરથી તમે જોઈ શકતા હતા કે તેમનો કાફલો આવી રહ્યો છે, કારણ કે જેસલમેરમાં ક્યારેય કોઈએ આટલી બધી લક્ઝરી કાર એકસાથે જોઈ નહોતી.
અપૂર્વએ કહ્યું- બચ્ચનજીનો કાફલો સેટ નજીક આવતાની સાથે જ અચાનક આકાશમાં કાળા વાદળો દેખાવા લાગ્યા. જેવા તે કારમાંથી ઉતર્યા અને અભિષેકને ગળે લગાવ્યો, તરત જ વરસાદ શરૂ થઈ ગયો.
અપૂર્વએ કહ્યું, એટલો ભારે વરસાદ પડ્યો કે નદીઓ છલકાઈ ગઈ. અમારું આખું ગામ બરબાદ થઈ ગયું. ત્યારથી લગભગ 40,000-50,000 લોકો તેમના પગ સ્પર્શ કરવા માટે હોટલની બહાર આવતા હતા, કારણ કે તેમને લાગતું હતું કે ભગવાન આવી ગયા છે. જેસલમેરમાં પાણી નહોતું. પરંતુ તેમના આગમનથી નદીઓ ફૂલી ગઈ. મેં આ મારી પોતાની આંખોથી જોયું.
