23 મિનિટ પેહલા
- કૉપી લિંક
જુબિન નૌટિયાલનું એક વર્ષ જૂનું ભજન ફરી એકવાર સમાચારોમાં છે. વડાપ્રધાન નરેન્દ્ર મોદીએ તેને પોતાના સોશિયલ મીડિયા પર શેર કર્યો છે. જુબિને એક વર્ષ પહેલા રામ ભજન ગાયું હતું. 22 જાન્યુઆરીના રોજ અયોધ્યામાં રામ લલ્લાની પ્રાણ-પ્રતિષ્ઠા થવાની છે. આખો દેશ રામની ભક્તિમાં ડૂબેલો છે. આવી સ્થિતિમાં જુબિનનું આ રામ ભજન ફરી વાયરલ થયું છે.
હવે ખુદ વડાપ્રધાને આ વાત શેર કરી છે. PMએ લખ્યું કે, ભગવાન શ્રી રામની પ્રાણ-પ્રતિષ્ઠા અવસર પર અયોધ્યાની સાથે સમગ્ર દેશ રામમય બનીને ઉજવણી કરી રહ્યો છે. રામ લલ્લાની ભક્તિથી ભરપૂર જુબિન નૌટિયાલ જી, પાયલ દેવ જી અને મનોજ મુન્તાશીર જીનું આ ભજન હૃદય સ્પર્શી છે.
આ ભજન 33 લાખ વખત સાંભળવામાં આવ્યું છે
આ ભજનને જુબિન અને પાયલ દેવે પોતાનો અવાજ આપ્યો છે. ભજનના ગીતો મનોજ મુન્તાશીરે લખ્યા છે. ટી-સિરીઝના બેનર હેઠળ રિલીઝ થયેલું આ ભજન ખૂબ જ પસંદ કરવામાં આવ્યું હતું. તેને અત્યાર સુધીમાં 33 લાખ વાર સાંભળવામાં આવી છે. હવે પીએમ મોદીએ તેને શેર કરીને તેની લોકપ્રિયતામાં વધુ વધારો કર્યો છે. જુઓ વડાપ્રધાનનું ટ્વિટ..
મનોજ મુન્તાશીરે પીએમનો આભાર માન્યો હતો
લેખક મનોજ મુન્તાશીરે પણ પીએમના ટ્વીટનો જવાબ આપ્યો. તેમણે લખ્યું- પરમ આદરણીય શ્રી નરેન્દ્ર મોદીજી, જે સ્વપ્ન માટે આપણા પૂર્વજો અને વડવાઓએ 500 વર્ષ સુધી રાહ જોઈ હતી, તે સપનું તમારા અથાક પ્રયત્નો અને પ્રયાસોએ સાકાર કર્યું છે. અમારું ગીત સનાતનની જીત અને શ્રીરામ પ્રત્યેની તમારી અતૂટ ભક્તિને સમર્પિત છે. જય સિયા રામ.
