પોર્ન સ્ટાર રિયા બર્ડે ભારતીય નહીં પરંતુ બાંગ્લાદેશી: મુંબઈથી ધરપકડ, આખો પરિવાર નકલી દસ્તાવેજો સાથે ભારતમાં સ્થાયી, દેહવ્યાપારનો પણ આરોપ

ભારતીય પોર્ન ઈન્ડસ્ટ્રીમાં આરોહી બર્ડે ​​​​​અને બન્ના શેખના નામથી પ્રખ્યાત પોર્ન સ્ટાર રિયા બર્ડેની ગુરુવારે ધરપકડ કરવામાં આવી હતી. પોલીસને તેના બાંગ્લાદેશી હોવાના પુરાવા મળ્યા છે. ભારતમાં પોર્ન સ્ટાર તરીકે કામ કરનારી રિયા બાંગ્લાદેશી​​ હોવાનું સામે આવ્યું છે.​​​​​ બાંગ્લાદેશની રિયા બર્ડે નકલી દસ્તાવેજો બનાવીને તેના આખા પરિવાર સાથે ભારતમાં રહેતી હતી. મામલો સામે આવ્યા બાદ તેની મુંબઈના થાણેથી ધરપકડ કરવામાં આવી હતી.

હિલ લાઇન પોલીસે રિયા બર્ડે અને તેના પરિવાર વિરુદ્ધ IPCની કલમ 420, 465, 468, 479, 34 અને 14 (A) હેઠળ કેસ નોંધ્યો છે. રિયા બર્ડે બાંગ્લાદેશી હોવાના આક્ષેપો છે. તેની પાસેથી નકલી ભારતીય પાસપોર્ટ પણ મળી આવ્યો છે. આ ઉપરાંત તેના ઘરના તમામ લોકોના દસ્તાવેજો પણ નકલી છે.

આ કેસની તપાસ કરી રહેલા સબ ઈન્સ્પેક્ટર સંગ્રામ મલકરે મીડિયાને જણાવ્યું કે, રિયા બર્ડેની માતા બાંગ્લાદેશી છે. તે તેની બે પુત્રી અને પુત્ર સાથે ગેરકાયદેસર રીતે ભારત આવીને સ્થાયી થઈ છે. થોડા વર્ષો પહેલા તેણીએ પશ્ચિમ બંગાળના હોવાનો દાવો કરીને અમરાવતીના એક પુરુષ સાથે લગ્ન કર્યા હતા. બાદમાં તેની મદદથી તેણે પોતાના અને તેના બાળકો માટે બનાવટી દસ્તાવેજો મેળવ્યા હતા. પોતાની જાતને ભારતીય સાબિત કરવા માટે તેની પાસે બર્થ સર્ટિફિકેટથી લઈને પાસપોર્ટ સુધીના અનેક નકલી દસ્તાવેજો છે.

પોર્ન સ્ટાર રિયા બર્ડેની ધરપકડ

આ મામલો ત્યારે સામે આવ્યો જ્યારે રિયા બર્ડેના નજીકના મિત્ર પ્રશાંત મિશ્રાને માહિતી મળી કે, તે ભારતીય નહીં પરંતુ બાંગ્લાદેશી છે. આ મામલાને ગંભીરતાથી લેતા પ્રશાંતે પોલીસને આ માહિતી આપી હતી. પોલીસે જ્યારે રિયાના તમામ દસ્તાવેજો તપાસ્યા તો તેમને તે બાંગ્લાદેશી હોવાના પુરાવા મળ્યા હતા.

કતારગામમાં માતા-પિતા, ભાઈ-બહેન ફરાર, શોધખોળ શરૂ ફરિયાદમાં રિયા ઉપરાંત તેની માતા અંજલિ બર્ડે (રૂબી શેખ), પિતા અરવિંદ બર્ડે, ભાઈ રવિન્દ્ર બર્ડે (રિયાઝ શેખ) અને બહેન રીતુ (મોની શેખ)ના નામનો પણ ઉલ્લેખ છે. રિયાના માતા-પિતા હાલમાં કતારમાં છે, જ્યારે તેના ભાઈ-બહેનની શોધ ચાલી રહી છે.

રિયા બર્ડેની પ્રોસ્ટિટ્યૂટના આરોપમાં અગાઉ પણ થઈ હતી ધરપકડ નકલી પાસપોર્ટ કેસ પહેલા રિયાની ​​​​​દેહવ્યાપાર માટે પણ ધરપકડ કરવામાં આવી હતી. રિયા પોર્ન ઈન્ડસ્ટ્રીનું જાણીતું નામ છે. તે ઘણા પ્રોડક્શન હાઉસ સાથે જોડાયેલી છે, જે પોર્ન કન્ટેન્ટ બનાવે છે. રિયા ઉલ્લુ એપ અને ઘણી પોર્ન વેબસાઈટ માટે કામ કરે છે.