11 કલાક પેહલા
- કૉપી લિંક
ગ્લોબલ સ્ટાર પ્રિયંકા ચોપરાના પતિ નિક જોનસની ફેન ફોલોઈંગ મજબૂત છે. એક્ટ્રેસ સાથેના લગ્ન બાદ તેની સોશિયલ મીડિયા ફેન ફોલોઈંગમાં વધુ વધારો થયો છે. તેમનાં ગીતો વિશ્વભરમાં પ્રખ્યાત છે. આ દિવસોમાં નિક જોનસ મ્યુઝિકલ વર્લ્ડ ટૂર કોન્સર્ટમાં છે. તે, તેના ભાઈ કેવિન અને જો જોનસ સાથે, જર્ની દરમિયાન વિવિધ શહેરોમાં જઈને અને તેમનાં ગીતો ગાઈને લોકોને એન્ટરટેઇન કરી રહ્યો છે. થોડા દિવસો પહેલાં પેરિસમાં તેનો કોન્સર્ટ યોજાયો હતો, ત્યારબાદ હવે પ્રાગમાં તેનો કોન્સર્ટ યોજવામાં આવ્યો હતો. પરંતુ અહીં તે ચાલુ પર્ફોર્મન્સે સ્ટેજ પરથી ભાગી ગયો હતો.
વીડિયોમાં શું છે? વાઇરલ વીડિયોમાં નિક જોનસ દર્શકો તરફ ઉપરની બાજુ જોતો જોવા મળે છે. આ પછી તે પોતાના સુરક્ષાકર્મીઓને કેટલાક સંકેત આપે છે અને સ્ટેજ પરથી ભાગે છે. આ વીડિયો તેના એક ફેન પેજ, જોનસ ડેઈલી ન્યૂઝ દ્વારા ઈન્સ્ટાગ્રામ પર શેર કરવામાં આવ્યો છે. સોશિયલ મીડિયા પર સામે આવેલા આ વીડિયોએ પોપ સ્ટારના ફેન્સની ચિંતા વધારી દીધી છે. લોકો સવાલ કરી રહ્યા છે કે શું નિક જોનસના જીવને ખતરો છે. તે જ સમયે, કેટલાક યુઝર્સ સિંગરની સુરક્ષા પર પણ સવાલ ઉઠાવી રહ્યા છે.
નિક જોનસ પર લેસર લાઈટથી નિશાન સાધ્યું સોશિયલ મીડિયા પર નિકનો એક વીડિયો વાઇરલ થઈ રહ્યો છે, જેને જોઈને ફેન્સે તેના માટે ચિંતા વ્યક્ત કરી છે. ખરેખર, નિક જોના પ્રાગમાં કેવિન અને જો સાથે લાઈવ શોમાં પર્ફોર્મ કરી રહ્યો હતો. તે દરમિયાન કોઈએ તેને લેસર લાઈટ વડે નિશાન સાધ્યું. ક્યારેક તેનું માથું તો ક્યારેક તેના ચહેરાને નિશાન બનાવવામાં આવી રહ્યું છે. આ બધું જોઈને નિક ડરી ગયો. તેણે અધવચ્ચે જ શો છોડી દીધો અને સ્ટેજ પરથી ભાગવા લાગ્યો. આ દરમિયાન તેણે હાથ વડે શો બંધ કરવાનો ઈશારો પણ કર્યો હતો. જ્યારે, પર્ફોર્મન્સ માટે તેમની સાથે આવેલા જો અને કેવિન સ્ટેજ પર ઊભા રહ્યા. બીજી તરફ, બાદમાં સુરક્ષા ટીમે તે વ્યક્તિને બહાર ફેંકી દીધો જેણે નિક પર લેસર લાઈટ બતાવી હતી.
જોનસ બ્રધર્સ તરફથી કોઈ પ્રતિક્રિયા આવી નથી આ ઘટના પર જોનસ બ્રધર્સ તરફથી હજુ સુધી કોઈ પ્રતિક્રિયા આવી નથી. જોનસ બ્રધર્સનું છેલ્લું પર્ફોર્મન્સ રવિવારે પેરિસમાં હતું અને હવે જોનસ બ્રધર્સનો કોન્સર્ટ બુધવારે પોલેન્ડના ક્રાકોમાં છે. બીજી તરફ પ્રિયંકા ચોપરાના ચાહકો પણ આ ઘટનાથી ખૂબ જ ચિંતિત છે.
નિક જોનસના ચાહકો ચિંતિત X પર વીડિયો પણ વાઇરલ થઈ રહ્યો છે. અન્ય એક વીડિયોમાં સ્પષ્ટપણે જોઈ શકાય છે કે નિક જોનસના કપાળ પર લાલ રંગની લેસર લાઈટ દેખાઈ રહી છે. વીડિયો શેર કરતી વખતે જોનસ બ્રધર્સ બ્રાઝિલ નામના પેજએ લખ્યું- ‘મિત્રો, એક ફેને આ વીડિયો અપલોડ કર્યો છે, જે તે ચોક્કસ ક્ષણ દર્શાવે છે કે જ્યારે નિકને સ્ટેજ પર લાઈટ વડે નિશાન બનાવવામાં આવ્યો હતો. એવું લાગે છે કે આ ઘટનાથી તે ખૂબ જ ડરી ગયો હતો.
