3 મિનિટ પેહલા
- કૉપી લિંક
અનંત અંબાણી-રાધિકા મર્ચન્ટના પ્રી-વેડિંગ સેલિબ્રેશનમાં બોલિવૂડ અને હોલીવુડના ઘણા મોટા સેલેબ્સ હાજરી આપવા આવી રહ્યા છે. બોલિવૂડની વાત કરીએ તો શાહરૂખ ખાન, સલમાન ખાન, આમિર ખાન, સૈફ અલી ખાન, કરીના કપૂર ખાન અને દીપિકા જેવા તમામ મોટા સેલેબ્સ પહોંચ્યા છે. પરંતુ પ્રિયંકા ચોપરા પ્રી-વેડિંગ ફંક્શનનો ભાગ બની ન હતી. પ્રિયંકા ચોપરાની જગ્યાએ તેની માતા મધુ ચોપરાએ આ ફંક્શનમાં હાજરી આપી હતી. ત્યાં હાજર લોકોએ મધુ ચોપરાને પ્રિયંકા ના આવવાનું કારણ પૂછ્યું.
મધુ ચોપરાએ કહ્યું,’હું જામનગર આવવા માંગતી હતી, વાસ્તવમાં મેં અનંત સાથે આ અંગે ઘણા સમય પહેલા વાત કરી હતી. આ વાત હવે સાચી પડી છે. હું ખરેખર પ્રી-વેડિંગની રાહ જોઈ રહી હતી. જોકે, મધુ ચોપરાએ પ્રિયંકા ના આવવાનું કારણ જણાવ્યું નથી.
તેણે કહ્યું, ‘પ્રિયંકા લગ્નમાં ચોક્કસ આવશે, તમે લોકો ચિંતા ન કરો. ભલે પ્રિયંકાએ પ્રી-વેડિંગ ફંક્શનમાં હાજરી આપી ન હતી, પરંતુ તે અંબાણી પરિવારના ઘણા પહેલા ફંક્શનમાં હાજર રહી હતી’.
પ્રિયંકા સિવાય અનુષ્કા શર્મા પણ આ ફંક્શનનો ભાગ બની ન હતી. વાસ્તવમાં અનુષ્કા હાલમાં જ બીજી વખત માતા બની છે. આ કારણથી તે પ્રી-વેડિંગ ફંક્શનમાં હાજર રહી નહોતી.
અનંત-રાધિકાના લગ્ન જુલાઈમાં થશે
તમને જણાવી દઈએ કે, અનંત અંબાણી અને રાધિકા મર્ચન્ટના લગ્ન 12 જુલાઈના રોજ મુંબઈમાં થશે. લગ્ન પહેલા બંને પ્રી-વેડિંગ ફંક્શનની ભવ્ય ઉજવણી કરી રહ્યા છે.
પ્રિયંકા ચોપરાનું વર્ક ફ્રન્ટ
પ્રિયંકા ચોપરાના વર્ક ફ્રન્ટ વિશે વાત કરીએ તો, તેની પાસે બે હોલીવુડ પ્રોજેક્ટ છે, જેમાંથી એક ‘સિટાડેલ 2’ અને ‘હેડ્સ ઓફ સ્ટેટ’ છે. આ સિવાય અભિનેત્રી પાસે ‘જી લે ઝરા’ નામની બોલિવૂડ ફિલ્મ પણ છે. આ ફિલ્મમાં પ્રિયંકા ચોપરા આલિયા ભટ્ટ અને કેટરીના કૈફ સાથે જોવા મળશે.
