39 મિનિટ પેહલા
- કૉપી લિંક
રકુલ પ્રીત સિંહ અને જેકી ભગનાની 21 ફેબ્રુઆરીએ ગોવામાં લગ્ન કરશે. આવી સ્થિતિમાં, ગઈકાલે રાત્રે કપલ ગોવાના એરપોર્ટ પર સાથે જોવા મળ્યું હતું. જ્યાં જેકી કેઝ્યુઅલ લુકમાં જોવા મળ્યો હતો. રકુલ ઓરેન્જ કો-ઓર્ડ સેટ પહેરેલી જોવા મળી હતી. જેકી ભગનાની તેના ભત્રીજા અને ભત્રીજી સાથે એરપોર્ટથી બહાર નીકળતો જોવા મળ્યો હતો.
ગોવા એરપોર્ટથી રકુલ-જેકી
જેકી ભગનાનીના પિતા વાસુ ભગનાની અને માતા પૂજા ભગનાની પણ આજે સવારે ગોવા એરપોર્ટ પર જોવા મળ્યા હતા.
જેકી ભગનાનીના માતા-પિતા
Related posts
રકુલ અને જેકી 2 વર્ષથી રિલેશનશિપમાં છે
જેકી ભગનાની અને રકુલ પ્રીત છેલ્લાં 2 વર્ષથી રિલેશનશિપમાં છે. રકુલે 2022 માં તેના જન્મદિવસ પર એક રોમેન્ટિક ફોટો પોસ્ટ કરીને જેકી સાથેના તેના સંબંધોની પુષ્ટિ કરી હતી. આ સાથે જ જેકીને તે વર્ષની ‘સૌથી મોટી ભેટ’ ગણાવી હતી. તેની લવ સ્ટોરી વિશે રકુલે એક ઇન્ટરવ્યૂમાં કહ્યું હતું કે તે બંને પાડોશી હતા, પરંતુ તેઓએ ક્યારેય વાત કરી ન હતી. ત્યારબાદ બંનેની મુલાકાત એક કોમન ફ્રેન્ડ દ્વારા થઈ હતી. આ મુલાકાત બાદ બંને વચ્ચે વાતચીત શરૂ થઈ હતી. મિત્રતાના થોડા સમય પછી બંને એકબીજાને ડેટ કરવા લાગ્યા.
આલિયા ભટ્ટ પણ મુંબઈ એરપોર્ટ પર જોવા મળી હતી
આજે સવારે આલિયા ભટ્ટ બ્લેક ટ્રેક સૂટમાં મુંબઈ એરપોર્ટની બહાર નીકળતી જોવા મળી હતી. તેમણે પાપારાઝીને પણ શુભેચ્છા પાઠવી હતી. આલિયા ટૂંક સમયમાં સીરિઝ ‘પોચાર’માં જોવા મળશે. તે આ સિરીઝની એક્ઝિક્યુટિવ પ્રોડ્યુસર પણ છે. આ સિરીઝમાં હાથીના શિકારનો મુદ્દો ઉઠાવવામાં આવ્યો છે. આ સિરીઝમાં અવેરનેસ માટે આલિયા ભટ્ટ પણ મહિલા તપાસ અધિકારી તરીકે જોવા મળશે.
સોનાલી બેન્દ્રે પણ સવારે મુંબઈ એરપોર્ટ પર જોવા મળી હતી. અભિનેત્રી પીળા સ્વેટર અને ક્રીમ પેન્ટ પહેરેલી જોવા મળી હતી.
અક્ષય કુમાર અને ટાઇગર શ્રોફ સી બ્રિજ મેરેથોનનું ઉદ્ઘાટન કરવા પહોંચ્યા
મુંબઈનો અટલ સેતુ બ્રિજ ભારતનો સૌથી લાંબો દરિયાઈ પુલ છે. તાજેતરમાં જ વડાપ્રધાન મોદીએ આ બ્રિજનું ઉદ્ઘાટન કર્યું હતું. આવી સ્થિતિમાં આજે આ બ્રિજમાં L&T મેરેથોન 2024નું આયોજન કરવામાં આવ્યું છે. આ મેરેથોન સવારે 4 થી બપોરે 12 વાગ્યા સુધી છે. જેના કારણે આ દરિયાઈ પુલ 14 કલાક માટે બંધ રહેશે.
આ પ્રસંગે અક્ષય કુમાર અને ટાઈગર શ્રોફ જોવા મળ્યા હતા. બંને જલ્દી જ ફિલ્મ ‘બડે મિયાં છોટે મિયાં’માં જોવા મળશે. આ એક્શન ફિલ્મના નિર્દેશક અલી અબ્બાસ ઝફર છે. આ ફિલ્મ ઈદના અવસર પર સિનેમાઘરોમાં આવશે.
અક્ષય કુમાર અને ટાઇગર શ્રોફ અટલ સેતુ સી બ્રિજ પર જોવા મળ્યા
