42 મિનિટ પેહલા
- કૉપી લિંક
નવું વર્ષ દસ્તક આપવાનું છે. આવી સ્થિતિમાં આજે એટલે કે મંગળવારે મુંબઈ એરપોર્ટ પર બોલિવૂડના ઘણા સેલેબ્સ જોવા મળ્યા હતા. રણબીર કપૂર કેઝ્યુઅલ આઉટફિટમાં જોવા મળ્યો હતો. દીકરી રાહાને ખોળામાં લઈને આલિયાએ સ્મિત સાથે પાપારાઝીનું સ્વાગત કર્યું. તમને જણાવી દઈએ કે, ગઈ કાલે ક્રિસમસના અવસર પર રણબીર કપૂર અને આલિયા ભટ્ટે તેમની દીકરી રાહાને પહેલીવાર મીડિયા સમક્ષ રજૂ કરી હતી.
શાહિદ કપૂર પણ મીરા રાજપૂત સાથે ટ્વિન કરતો જોવા મળ્યો હતો. શાહિદ આવતા વર્ષે ક્રિતિ સેનન સાથે ફિલ્મ ‘ઈમ્પોસિબલ લવ સ્ટોરી’માં જોવા મળશે. અજય દેવગન પણ તેની માતા સાથે જોવા મળ્યો હતો. અજય આવતા વર્ષે રોહિત શેટ્ટીની બહુપ્રતિક્ષિત ફિલ્મ ‘સિંઘમ અગેન’માં જોવા મળશે. આ ફિલ્મની ટક્કર અલ્લુ અર્જુન સ્ટારર ફિલ્મ ‘પુષ્પા 2’ સાથે થશે.
જાહ્નવી કપૂરની બહેન ખુશી કપૂર પણ એરપોર્ટ પર જોવા મળી હતી. તાજેતરમાં જ ખુશીએ ફિલ્મ ‘ધ આર્ચીઝ’થી બોલિવૂડમાં ડેબ્યૂ કર્યું હતું. આ ફિલ્મ OTT પ્લેટફોર્મ Netflix પર રિલીઝ કરવામાં આવી હતી. ઝોયા અખ્તર દ્વારા નિર્દેશિત આ ફિલ્મમાં અમિતાભ બચ્ચનના પૌત્ર અગસ્ત્ય નંદા અને શાહરૂખ ખાનની પુત્રી સુહાના ખાને પણ ડેબ્યુ કર્યું હતું.
સૈફનો પુત્ર ઇબ્રાહિમ અલી ખાન પણ ડેનિમ જેકેટ પહેરેલો જોવા મળ્યો હતો. અબ્રાહમ આવતા વર્ષે ફિલ્મ ‘સરઝમીન’માં જોવા મળશે. આ ફિલ્મમાં તેની સાથે કાજોલ પણ જોવા મળશે. ઈશાન ખટ્ટર તેની માતા સાથે જોવા મળ્યો હતો. હાલમાં જ ઈશાનની ફિલ્મ ‘પીપ્પા’ રીલિઝ થઈ હતી. ફિલ્મમાં તેના અભિનયના વખાણ પણ થયા હતા.
