રણબીર કપૂર ક્લીન શેવ લૂકમાં એરપોર્ટ પર સ્પોટ થયો: રવિના ટંડન મુંબઈ મેટ્રોમાં પ્રમોશન માટે પહોંચી, અર્જુન કપૂર વિન્ટર લૂકમાં જોવા મળ્યો

આજે એટલે કે ગુરુવારે સવારે રણબીર કપૂર મુંબઈ એરપોર્ટ પર જોવા મળ્યો હતો. અભિનેતા સ્વેટર અને કટ સ્લીવ જેકેટ પહેરેલો જોવા મળ્યો હતો. રણબીર ક્લીન શેવન લૂકમાં જોવા મળ્યો હતો. આ લૂક જોઈને લોકોએ અનુમાન લગાવ્યું હતું કે, કદાચ રણબીર સંજય લીલા ભણસાલીની ફિલ્મ ‘લવ એન્ડ વોર’માં આ લૂકમાં જોવા મળશે. આ ફિલ્મમાં રણબીર સાથે આલિયા અને વિકી કૌશલ પણ હશે.

ગયા વર્ષે રણબીરની ફિલ્મ ‘એનિમલ’ રીલિઝ થઈ હતી. ‘એનિમલ’ એ બોક્સ ઓફિસ પર વિશ્વભરમાં લગભગ 800 કરોડ રૂપિયાનું કલેક્શન કર્યું હતું.

મુંબઈ એરપોર્ટ પર અર્જુન કપૂર વિન્ટર લૂકમાં જોવા મળ્યો હતો. અભિનેતા તેની વધેલી દાઢીને ફ્લોન્ટ કરતો જોવા મળ્યો હતો. અર્જુન કપૂર હાલમાં જ ભૂમિ પેડનેકર સાથે ફિલ્મ ‘ધ લેડી કિલર’માં જોવા મળ્યો હતો. જોકે, આ ફિલ્મ બોક્સ ઓફિસ પર ફ્લોપ રહી હતી.

રવિના ટંડન સિરીઝનું પ્રમોશન કરતી જોવા મળી હતી
રવિના ટંડન પોતાની વેબ સિરીઝ ‘કર્મા કોલિંગ’ના પ્રમોશન દરમિયાન મુંબઈ મેટ્રો પહોંચી હતી. મુંબઈનું અંધેરી મેટ્રો સ્ટેશન ખૂબ જ વ્યસ્ત છે. ત્યાં 3 દિવસ માટે લાઈવ રેડિયો મિર્ચી પ્રોગ્રામનું આયોજન કરવામાં આવ્યું છે. આ કાર્યક્રમ દરમિયાન રવિના ટંડન જોવા મળી હતી.

‘કર્મા કૉલિંગ’ એ ગ્લિટ્ઝ, ગ્લેમર, કપટ અને વિશ્વાસઘાતની વાર્તા છે. RAT ફિલ્મ્સના બેનર હેઠળ, તે OTT પ્લેટફોર્મ ડિઝની પ્લસ હોટસ્ટાર પર 26 જાન્યુઆરીએ રિલીઝ કરવામાં આવી હતી. ‘કર્મા કોલિંગ’ અમેરિકન શ્રેણી ‘રિવેન્જ’ પર આધારિત છે, જે 2011-2015 દરમિયાન ટેલિકાસ્ટ કરવામાં આવી હતી.

કાર્તિક આર્યન ટૂંક સમયમાં ‘ચંદુ ચેમ્પિયન’માં જોવા મળશે
કાર્તિક આર્યન મુંબઈના બાંદ્રામાં કેઝ્યુઅલ લુકમાં જોવા મળ્યો હતો. અભિનેતા તેની આગામી ફિલ્મના નિર્દેશક કબીર ખાન સાથે જોવા મળ્યો હતો. બંને ‘હિચકી’ રેસ્ટોરન્ટની બહાર પોઝ આપતા જોવા મળ્યા હતા. આ રેસ્ટોરન્ટ મુંબઈના બાંદ્રા-કુર્લા સેન્ટરમાં આવેલી છે.

ફિલ્મ ‘ચંદુ ચૅમ્પિયન’ પેરાલિમ્પિક્સમાં ગોલ્ડ મેડલ જીતનાર મુરલીકાંત પેટકર પર આધારિત છે. આ સ્પોર્ટ્સ બાયોપિક ફિલ્મ 14 જૂને સિનેમાઘરોમાં રિલીઝ થશે.