16 કલાક પેહલા
- કૉપી લિંક
રણબીર કપૂર અને આલિયા ભટ્ટ સ્ટારર ફિલ્મ ‘બ્રહ્માસ્ત્ર પાર્ટ-1’ ગત વર્ષે 9 સપ્ટેમ્બરે રિલીઝ થઈ હતી. આ ફિલ્મે બોક્સ ઓફિસ પર સારી કમાણી કરી હતી. અયાન મુખર્જીની આ ફિલ્મમાં શાહરુખ ખાન, દીપિકા પાદુકોણ, મૌની રોય પણ જોવા મળ્યા હતા. આ ફિલ્મ રિલીઝ થઈ ત્યારથી દર્શકોના મન ‘બ્રહ્માસ્ત્ર પાર્ટ-2’ અંગે ઉત્સાહિત છે.
‘બ્રહ્માસ્ત્ર પાર્ટ 1’એ બોક્સ ઓફિસ પર જોરદાર કમાણી કરી હતી
હવે એક સમાચાર સામે આવ્યા છે કે, ‘પાર્ટ-2’માં રણવીર સિંહ ફિલ્મમાં ‘દેવ’નો રોલ નિભાવતો જોવા મળશે. અત્રે ઉલ્લેખનીય છે કે, ‘દેવ’ ફિલ્મમાં રણબીર કપૂરના પિતા બનશે.
શાહરુખ ખાનનું નામ પણ સામે આવ્યું હતું
‘બ્રહ્માસ્ત્ર પાર્ટ-1 શિવ’ રિલીઝ થઈ ત્યારથી જ આ ફિલ્મના ‘પાર્ટ-2’ના સમાચાર ચર્ચામાં રહ્યા હતા. ફિલ્મમાં ‘દેવ’ના રોલ માટે શાહરુખ ખાન અને હૃતિક રોશનના નામ પણ સામે આવ્યા હતા. આટલું જ નહીં રણબીર કપૂરના ડબલ રોલની પણ વાત થઈ રહી હતી. પરંતુ, હાલમાં જ આ રોલ માટે રણવીર સિંહને કન્ફર્મ કરવામાં આવ્યો છે. જોકે, મેકર્સ હાલમાં ‘બ્રહ્માસ્ત્ર પાર્ટ-2’ની સ્ક્રિપ્ટમાં વ્યસ્ત છે. ફિલ્મનું શૂટિંગ 2025માં શરૂ થવાની આશા છે.
રણવીર ‘ડોન 3’ અને ‘બૈજુ બાવરા’માં પણ જોવા મળશે
રણવીર સિંહ ડોન ફ્રેન્ચાઈઝીની ફિલ્મ ‘ડોન 3’માં જોવા મળશે. ફરહાન અખ્તરના નિર્દેશનમાં બની રહેલી આ ફિલ્મ 2025માં રિલીઝ થશે. આ સિવાય રણવીર સંજય લીલા ભણસાલીની ફિલ્મ ‘બૈજુ બાવરા’માં પણ જોવા મળશે. આ ફિલ્મમાં રણવીર સાથે આલિયા ભટ્ટ પણ જોવા મળશે.
‘રાલિયા’ અને ‘દીપવીર’ પહેલીવાર સ્ક્રીન પર સાથે જોવા મળશે
દીપિકા ‘બ્રહ્માસ્ત્ર પાર્ટ 1’માં ‘અમૃતા’નું પાત્ર ભજવતી જોવા મળી હતી. ‘અમૃતા’ ફિલ્મમાં ‘શિવ’ની માતા હતી. હવે આ ફિલ્મમાં રણવીર સિંહની એન્ટ્રી પણ કન્ફર્મ થઈ ગઈ છે. રસપ્રદ વાત એ છે કે આ પહેલીવાર છે જ્યારે બોલિવૂડના બે ઓફ-સ્ક્રીન કપલ – રણબીર કપૂર અને આલિયા ભટ્ટ, રણવીર સિંહ અને દીપિકા પાદુકોણ એક ફિલ્મમાં સાથે જોવા મળશે.
‘રાલિયા’ અને ‘દીપવીર’ પહેલીવાર સ્ક્રીન પર સાથે જોવા મળશે
