રવીના તેની પુત્રી સાથે સોમનાથ મંદિરે દર્શનાર્થે પહોંચી: કપાળ પર શિવ તિલક સાથે ભક્તિમાં લીન જોવા મળી હતી,માં-દીકરીના ફોટા થયા વાયરલ

રવીના ટંડન તેની આગામી વેબ સિરીઝ ‘કર્મા કોલિંગ’ની રિલીઝ પહેલા મહાદેવના આશીર્વાદ લેવા મંદિર પહોંચી હતી. રવીના તેની પુત્રી રાશા થડાની સાથે ગુજરાતના સોમનાથ જ્યોતિર્લિંગ મંદિરની મુલાકાત લેતી જોવા મળી હતી. મા-દીકરીએ પોતાના સોશિયલ મીડિયા પર ફોટા અને વીડિયો પણ શેર કર્યા છે.

રવીના-રાશાના ફોટા વાયરલ થયા હતા
બુધવારે રવીના તેની પુત્રી સાથે મહાદેવની ભક્તિમાં મગ્ન જોવા મળી હતી. રવીનાએ તેના સોશિયલ મીડિયા એકાઉન્ટ પર એક વીડિયો શેર કર્યો છે. વીડિયોમાં બંને સોમનાથની પૂજા કરતા જોવા મળ્યા હતા. તેમના કપાળ પર શિવ તિલક લગાવ્યું હતું.

રાશાએ તેના સોશિયલ મીડિયા એકાઉન્ટ પર મંદિરની કેટલીક તસવીરો પણ પોસ્ટ કરી છે. તેની આ તસવીરો ઈન્ટરનેટ પર ઝડપથી વાયરલ થઈ રહી છે. રવીના ઘણીવાર તેની પુત્રી સાથે મંદિરમાં જતી જોવા મળે છે. થોડા દિવસો પહેલા બંને તમિલનાડુ સ્થિત રામેશ્વરમ મંદિરમાં પણ ગયા હતા.

સોમનાથ મંદિર વિશે કેટલીક ખાસ વાતો
ગુજરાતના સૌરાષ્ટ્ર વિસ્તારના વેરાવળ બંદર નજીક આવેલું સોમનાથ મંદિર 12 જ્યોતિર્લિંગોમાં પ્રથમ જ્યોતિર્લિંગ તરીકે ગણવામાં આવે છે. ઇતિહાસકારોના મતે, આ મંદિર લગભગ 17 વાર નષ્ટ થયું છે અને પછી દરેક વખતે ફરીથી બનાવવામાં આવ્યું છે. આ મંદિરની નીચે ત્રણ માળની ઈમારત હોવાનું પણ જાણવા મળ્યું છે.

રવીના અને રાશા તમિલનાડુ સ્થિત રામેશ્વરમ મંદિરમાં પણ દર્શન કરવા ગયા હતા

રવીના ટૂંક સમયમાં ‘કર્મા કોલિંગ’માં જોવા મળશે
રવિના ટંડન વેબ સીરિઝ ‘કર્મા કોલિંગ’માં ઈન્દ્રાણી કોઠારીની ભૂમિકા ભજવશે. RAT ફિલ્મ્સના બેનર હેઠળ, તે OTT પ્લેટફોર્મ ડિઝની પ્લસ હોટસ્ટાર પર 26 જાન્યુઆરીએ રિલીઝ થશે. ‘કર્મા કોલિંગ’ અમેરિકન સીરિઝ ‘રિવેન્જ’ પર આધારિત છે, જે 2011-2015 દરમિયાન ટેલિકાસ્ટ કરવામાં આવી હતી. આ સિવાય રવિના વેલકમ ફ્રેન્ચાઈઝીના ત્રીજા ભાગ ફિલ્મ ‘વેલકમ ટૂ ધ જંગલ’માં પણ જોવા મળશે. અહેમદ ખાનના નિર્દેશનમાં બનેલી આ ફિલ્મમાં અક્ષય કુમાર, દિશા પટણી, અરશદ વારસી, શ્રેયસ તલપડે, સંજય દત્ત, જેકલીન ફર્નાન્ડીઝ, જોની લીવર, રાજપાલ યાદવ પણ છે. આ ફિલ્મ આ વર્ષે ક્રિસમસના અવસર પર રિલીઝ થશે.

રવીના ટંડન ‘કર્મા કોલિંગ’માં જોવા મળશે

રાશા અને અમન દેવગન સાથે જોવા મળશે
રાશા થડાની અભિષેક કપૂરની આગામી ફિલ્મથી બોલિવૂડમાં ડેબ્યૂ કરશે. આ ફિલ્મમાં અજય દેવગનનો ભત્રીજો અમન દેવગન લીડ રોલમાં જોવા મળશે. આ એક્શન-એડવેન્ચર ફિલ્મમાં અજય દેવગન પણ મહત્ત્વની ભૂમિકામાં જોવા મળશે. જો કે, રિલીઝ ડેટને લઈને ઘણી અટકળો ચાલી રહી છે, એવી આશા છે કે આ ફિલ્મ 9 ફેબ્રુઆરી, 2024ના રોજ રિલીઝ થશે.