11 કલાક પેહલા
- કૉપી લિંક
રિચા ચઢ્ઢાએ ફેબ્રુઆરીમાં તેના ઓફિશિયલ ઈન્સ્ટાગ્રામ હેન્ડલ દ્વારા પોતાની પ્રેગ્નન્સીની જાહેરાત કરી હતી. હાલ સમાચાર આવી રહ્યા છે કે, રિચા જુલાઈમાં પોતાના પહેલા બાળકને જન્મ આપશે. આ દિવસોમાં રિચા પ્રેગ્નેન્ટ હોવા છતાં સિરીઝ ‘હીરામંડી’નું સતત પ્રમોશન કરી રહી છે. પ્રમોશન પૂરું થતાં જ તે તેના બાળક પર ધ્યાન કેન્દ્રિત કરશે.
હાલમાં એક રિપોર્ટ અનુસાર, રિચા ચઢ્ઢા સાથે સાથે જોડાયેલા એક સોર્સને ટાંકીને લખ્યું છે કે, ‘હીરામંડી’ના પ્રમોશન બાદ રિચા ચઢ્ઢા તેના આવનારા બાળક અને તેના સ્વાસ્થ્ય પર ધ્યાન કેન્દ્રિત કરશે. તે પોતાનો સમય સ્ક્રિપ્ટ વાંચવામાં અને પ્રોડક્શન લેવલના પ્રોજેક્ટ્સ પર કામ કરવામાં પસાર કરશે. જુલાઈમાં બાળકને જન્મ આપ્યા બાદ તે કામ પર પરત ફરશે.
ફેબ્રુઆરીમાં જાહેરાત કરી હતી
‘ફુકરે’ એક્ટ્રેસ રિચા ચઢ્ઢાએ 4 ઓક્ટોબર, 2022ના રોજ લખનૌમાં અભિનેતા અલી ફઝલ સાથે લગ્ન કર્યા હતા. લગ્નના 2 વર્ષ બાદ આ વર્ષે ફેબ્રુઆરીમાં રિચા ચઢ્ઢા અને અલી ફઝલે તેમના ફેન્સ સાથે સારા સમાચાર શેર કર્યા હતા. એક તસવીરમાં 1+1=3 લખેલું હતું અને બીજી તસવીરમાં રિચા અને અલી સાથે પોઝ આપતા જોવા મળ્યા હતા. આ પોસ્ટ સાથે કેપ્શન લખ્યું છે – ‘દિલનો એક નાનો ધબકાર એ અમારા વિશ્વનો સૌથી મોટો અવાજ છે.’
રિચા ચઢ્ઢા પાસે ઘણા મોટા પ્રોજેક્ટ છે
રિચા ચઢ્ઢાની સિરીઝ ‘હીરામંડી’ આજે 1 મેના રોજ Netflix પર આવી ગઈ છે. આ સિરીઝમાં તે લજ્જોના રોલમાં છે. સંજય લીલા ભણસાલીની આ સિરીઝમાં રિચા ચઢ્ઢાની સાથે મનીષા કોઈરાલા, અદિતિ રાવ હૈદરી, સોનાક્ષી સિંહા, ફરદીન ખાન, ફરીદા જલાલ જેવા ઘણા મોટા કલાકારો લીડ રોલમાં જોવા મળશે. ‘હીરામંડી’ સિવાય તે આ દિવસોમાં ‘મિર્ઝાપુર 3’ અને ‘મેટ્રો’માં જોવા મળશે.
રિચા-અલી 2012થી એકબીજાને ઓળખે છે
રિચા અને અલીની પહેલી મુલાકાત 2012માં ફિલ્મ ‘ફુકરે’ના સેટ પર થઈ હતી. રિપોર્ટ્સ અનુસાર, રિચાએ જ અલીને પ્રપોઝ કર્યું હતું. અલીએ રિચાના પ્રસ્તાવનો જવાબ આપવામાં ત્રણ મહિનાનો સમય લીધો હતો. બંનેએ લગભગ 5 વર્ષ સુધી પોતાના સંબંધોને ગુપ્ત રાખ્યા હતા. બંનેએ ‘વિક્ટોરિયા’ અને ‘અબ્દુલના’ વર્લ્ડ પ્રીમિયરમાં તેમના ગુપ્ત સંબંધોને સત્તાવાર બનાવ્યા.
બંનેએ 2020માં કોર્ટ મેરેજ કર્યા હતા
રિચા અને અલીએ માર્ચ 2020માં કોર્ટ મેરેજ કર્યા હતા. આ પછી બંનેએ રીતિ-રિવાજ પ્રમાણે લગ્ન કરવાનો નિર્ણય લીધો હતો, પરંતુ મહામારીને કારણે લગ્નની તારીખ આગળ વધતી રહી. પછી આખરે 2022 માં, રિચા ચઢ્ઢા અને અલી ફઝલે તેમના પરિવાર અને મિત્રો સાથે ધાર્મિક વિધિઓ કરી. આ દંપતીએ પહેલેથી જ લગ્ન કરી લીધા હતા, તેથી માત્ર મહેંદી, સંગીત અને અન્ય ધાર્મિક વિધિઓ પાછળથી કરવામાં આવી હતી.
