સૈફ પર નાઈટ ક્લબમાં જીવલેણ હુમલો થયો હતો: યુવતીઓ સાથે ડાન્સ કરવાની ના પાડતા એક્ટરને બે લોકોએ માર માર્યો હતો

સૈફ અલી ખાન બે મહિલા ચાહકો સાથે ડાન્સ કરવાની ના પાડતા મુશ્કેલીમાં પડ્યો હતો. એક ઈન્ટરવ્યુમાં તેણે 1994માં દિલ્હીમાં બનેલી એક ઘટનાનો ઉલ્લેખ કર્યો હતો. આ ઘટનાથી સૈફને જીવનમાં પહેલીવાર સમજાયું કે દિલ્હીમાં બારની લડાઈ કેટલી ખતરનાક સાબિત થઈ શકે છે.

થોડા વર્ષો પહેલા સૈફે એક ઈન્ટરવ્યુમાં કહ્યું હતું કે, દિલ્હીના એક બારમાં બે યુવતીઓએ મારી સાથે ડાન્સ કરવાનો આગ્રહ કર્યો પરંતુ મેં ના પાડી. આ પછી તે યુવતીઓના બોયફ્રેન્ડ આવ્યા અને મારી સાથે મારપીટ કરવા લાગ્યા. મેં તેને કહ્યું કે હું અત્યારે કોઈની સાથે ડાન્સ કે વાત કરવા માંગતો નથી પરંતુ તે આક્રમક બની ગયો. એકે મારા પર વ્હિસ્કીના ગ્લાસ વડે હુમલો કર્યો અને કહ્યું, તમારી પાસે મિલિયન ડોલરનો ચહેરો છે, હવે હું તેને ખરાબ કરી દઈશ. આ પછી અમારી વચ્ચે ઝઘડો થયો. લડતા લડતા અમે બાથરૂમ સુધી જતા રહ્યા. મારા ચહેરા પર ખરાબ રીતે ઈજા થઈ હતી અને તેમાંથી લોહી વહી રહ્યું હતું. મેં પેલા છોકરાઓને કહ્યું કે જુઓ તમે શું કર્યું. આ પછી મેં તેને શાંતિ રાખવા કહ્યું અને પછી તેણે ગુસ્સામાં મારા પર હુમલો કર્યો.

સૈફના કહેવા પ્રમાણે, તે દિવસે તેનો જીવ ખૂબ જ મુશ્કેલીથી બચ્યો હતો અને તે ઘટના પછી તેણે કોઈની સાથે બબાલ કરવાનો પ્રયાસ છોડી દીધો હતો.

સૈફ ‘જ્વેલ થીફ’ના શૂટિંગમાં વ્યસ્ત છે.
વર્ક ફ્રન્ટની વાત કરીએ તો સૈફ આ દિવસોમાં તેની આગામી ફિલ્મ ‘જ્વેલ થીફ’ના શૂટિંગમાં વ્યસ્ત છે. ફિલ્મનું અમુક શૂટિંગ બુડાપેસ્ટમાં કરવામાં આવ્યું છે જેમાં સૈફે પણ ભાગ લીધો હતો.

આ સિવાય તે તેલુગુ ફિલ્મ ‘દેવરા’માં પણ જોવા મળશે જેમાં જુનિયર એનટીઆર અને જાહન્વી કપૂર લીડ રોલમાં છે.

આ પહેલા સૈફ 2023માં આવેલી ફિલ્મ ‘આદિપુરુષ’માં લંકેશના રોલમાં જોવા મળ્યો હતો, જેના માટે તેને ઘણી ટીકાઓનો સામનો કરવો પડ્યો હતો.