1 કલાક પેહલા
- કૉપી લિંક
સૈફ અલી ખાનનો મોટો દીકરો ઈબ્રાહિમ ટૂંક સમયમાં જ એક્ટિંગમાં ડેબ્યૂ કરવા જઈ રહ્યો છે. હાલમાં જ તેની પ્રથમ ફિલ્મ ‘નાદાનિયાં’નું પોસ્ટર રિલીઝ કરવામાં આવ્યું હતું. આ ફિલ્મમાં તે ખુશી કપૂર સાથે જોવા મળશે. કરણ જોહર આ ફિલ્મના નિર્માતા છે.
આ ફિલ્મ થિયેટરોમાં નહીં પરંતુ નેટફ્લિક્સ પર સ્ટ્રીમ કરવામાં આવશે. જોકે, મેકર્સે હજુ સુધી રિલીઝ ડેટ જાહેર કરી નથી.
શૌના ગૌતમ પણ ‘નાદાનિયા’ દ્વારા ડિરેક્શનમાં ડેબ્યુ કરી રહી છે. શૌના ફિલ્મ ‘રોકી ઔર રાની કી પ્રેમ કહાની’માં કરણ જોહરની સહાયક નિર્દેશક હતી.
મહિમા ચૌધરી, સુનીલ શેટ્ટી અને દિયા મિર્ઝા પણ આ ફિલ્મનો ભાગ છે ઈબ્રાહિમ અને ખુશી ઉપરાંત મહિમા ચૌધરી, સુનીલ શેટ્ટી, દિયા મિર્ઝા અને જુગલ હંસરાજ જેવા કલાકારો પણ ફિલ્મ ‘નાદાનિયાં’માં જોવા મળશે. ધર્મા પ્રોડક્શન હાઉસના બેનર હેઠળ આ ફિલ્મનું નિર્માણ કરણ જોહર, અપૂર્વ મહેતા અને સોમેન મિશ્રા દ્વારા કરવામાં આવ્યું છે.
બીજી ફિલ્મમાં કાજોલ સાથે ઈબ્રાહિમ જોવા મળશે
ઈબ્રાહિમ સૈફ અલી ખાન અને તેની પહેલી પત્ની અમૃતા સિંહનું બીજું સંતાન છે. તેની મોટી બહેન સારા અલી ખાન પણ ફિલ્મોમાં સક્રિય છે.
અભિનયમાં ડેબ્યુ કરતા પહેલા, ઇબ્રાહિમે 2023 માં ધર્મા પ્રોડક્શનની ફિલ્મ ‘રોકી ઔર રાની કી પ્રેમ કહાની’ સાથે સહાયક દિગ્દર્શક તરીકે તેની કારકિર્દીની શરૂઆત કરી હતી. ‘નાદાનિયાં’ પછી ઈબ્રાહિમની બીજી ફિલ્મ ‘સરઝમીન’ હશે. આ ફિલ્મમાં તે કાજોલ સાથે જોવા મળશે.
