સાયરા બાનોએ મનમોહન સિંહને યાદ કર્યા: પીઢ એક્ટ્રેસે કહ્યું- તેમનો વારસો ઈતિહાસનાં પાનાં પર નોંધાયેલો છે, દેશ તેમની નમ્રતા અને બુદ્ધિમત્તાને યાદ રાખશે

પૂર્વ વડાપ્રધાન ડૉ.મનમોહન સિંહનું ગુરુવારે રાત્રે 92 વર્ષની વયે અવસાન થયું. દેશ સહિત ફિલ્મ ઈન્ડસ્ટ્રીમાં શોકનું મોજુ ફરી વળ્યું છે. દરમિયાન સાયરા બાનોએ પણ તેમના નિધન પર શોક વ્યક્ત કરતા સોશિયલ મીડિયા પર એક પોસ્ટ શેર કરી છે. આ પોસ્ટ દ્વારા તેણે દિલીપ કુમાર અને મનમોહન સિંહની મુલાકાતની સ્ટોરી શેર કરી છે.

પૂર્વ PMએ દિલીપ કુમાર-સાયરા બાનુને ખુરશી ઓફર કરી હતી ભૂતપૂર્વ પીએમ મનમોહન સિંહના નિધન બાદ એક્ટ્રેસે ઈન્સ્ટાગ્રામ પર એક જૂનો ફોટો શેર કર્યો છે. તસવીર શેર કરતી વખતે તેમણે કેપ્શનમાં લખ્યું- ‘મને બહુ સારી રીતે યાદ છે દિલીપ સાહેબ અને સુલતાન ભાઈની ડોક્ટર સિંહ સાથેની મુલાકાત, જ્યારે દિલીપ સાહેબ કારમાંથી બહાર આવ્યા, પૂર્વ વડાપ્રધાને હસીને તેમનું સ્વાગત કર્યું, તે જોઈને હું આશ્ચર્યચકિત થઈ ગઈ. બાદમાં જ્યારે અમે તેમના રૂમમાં ગયા ત્યારે ત્યાં એક નાના ટેબલની આસપાસ માત્ર એક ખુરશી રાખવામાં આવી હતી. આ જોઈને ડૉ. સિંહે બીજી ખુરશી ઉપાડી અને ખૂબ જ પ્રેમથી દિલીપ સાહેબને ખુરશી આપી.

પૂર્વ PM ના મૃત્યુ પર લખેલી નોટ પૂર્વ પીએમના વખાણ કરતા સાયરા બાનુએ આગળ લખ્યું- આ સન્માનની ભાવના તે વ્યક્તિ વિશે ઘણું કહી જાય છે. તે આપણને છોડીને ચાલ્યા ગયા પરંતુ તેમનો વારસો ભારતીય ઈતિહાસના પાનાઓમાં નોંધાયેલો છે. આજે આખો દેશ તેમની નમ્રતા અને બુદ્ધિમત્તાને યાદ કરી રહ્યો છે. તેમના આત્માને શાંતિ મળે.

આ સેલેબ્સે પણ આપી શ્રદ્ધાંજલિ- પૂર્વ પીએમ મનમોહન સિંહના નિધનથી ફિલ્મ ઈન્ડસ્ટ્રી સહિત દેશમાં શોકની લહેર છે. સની દેઓલ, સંજય દત્ત, ચિરંજીવી, સ્વરા ભાસ્કર, અનુપમ ખેર અને મનોજ બાજપેયી સહિત ઘણા સેલેબ્સે તેમને શ્રદ્ધાંજલિ આપી છે.

ચિરંજીવીએ મનમોહન સિંહ સાથે એક તસવીર શેર કરી અને એક નોટ લખી

સની દેઓલે લખ્યું કે પૂર્વ પીએમના યોગદાનને હંમેશા યાદ રાખવામાં આવશે

સંજય દત્તે લખ્યું, ડૉ. મનમોહન સિંહ જીના નિધનથી ખૂબ જ દુઃખી છું

સ્વરા ભાસ્કરે મનમોહન સિંહ સાથે જોડાયેલો કોલેજનો કિસ્સો શેર કર્યો છે

અનુપમ ખેરે એક વીડિયો શેર કરીને પૂર્વ PM મનમોહનસિંહને શ્રદ્ધાંજલિ આપી હતી