12 મિનિટ પેહલા
- કૉપી લિંક
જાણીતા સિંગર જાવેદ અખ્તર એક સમયે તેમના નશા માટે ખુબ જ જાણીતા હતા. જાવેદે પોતે એક ઇન્ટરવ્યૂમાં જણાવ્યું છે કે તેઓ દરરોજ દારૂની એક બોટલ પૂરી કરી નાખતા હતાં. હવે શબાના આઝમીએ તેમના આ વ્યસન વિશે વાત કરતા કહ્યું છે કે તેમની દારૂની લત સાથે જીવવું ખૂબ મુશ્કેલ હતું. એક્ટ્રેસે જણાવ્યું કે એકવાર જાવેદ અખ્તર પાસેથી દારૂની તીવ્ર ગંધ આવી રહી હતી, ત્યારબાદ જ તેમણે દારૂ છોડી દેવાનો નિર્ણય કર્યો અને ત્યારથી આજ સુધી તેમણે તેમને હાથ પણ લગાવ્યો નથી.
હાલમાં જ દિગ્ગજ એક્ટ્રેસ શબાના આઝમી અરબાઝ ખાનના ચેટ શો ‘ધ ઇનવિન્સીબલ’ વિથ અરબાઝ ખાનમાં જોવા મળી હતી. ચેટ શોમાં અરબાઝ ખાને તેમને પૂછ્યું છે કે એક સમયે જાવેદ અખ્તર ખૂબ દારૂ પીતા હતાં. આ સ્થિતિમાં તમારા માટે તેમની સાથે રહેવું કેટલું મુશ્કેલ હતું. તેમના પર એક્ટ્રેસે કહ્યું કે, મારા માટે આ ઘણું મુશ્કેલ હતું. એક દિવસ તેમણે નક્કી કર્યું કે જો તે આ રીતે પીવાનું ચાલુ રાખશે તો તે લાંબો સમય જીવી શકશે નહીં અને ક્રિએટિવ કામ નહીં કરી શકે.
જાવેદ અખ્તરે દારૂ છોડવા પર એક્ટ્રેસે કહ્યું કે એક દિવસ બંને તેમના લંડનના ફ્લેટમાં હતા. તે દિવસે જાવેદ સાહેબે ખૂબ જ દારૂ પીધો હતો, જેના કારણે તેમનામાંથી દારૂની વાસ આવી રહી હતી. જ્યારે શબાનાએ તેમને ખરાબ રિએક્શન આપ્યું તો જાવેદ સાહેબે તેને નીચા અવાજમાં કહ્યું, મારા માટે નાસ્તો બનાવી આપોને. શબાના આઝમીએ તેમના માટે નાસ્તો તૈયાર કર્યો અને નાસ્તો કર્યો બાદ શાંતિથી કહ્યું, હું આજ પછી દારૂ નહીં પીવું.
શબાનાએ તેને કંઈ કહ્યું નહીં અને પછી પૂછ્યું કે તેનો અર્થ શું છે. તો જવાબ મળ્યો કે હવે હું દારૂ પીવાનો નથી.
શબાનાએ વધુમાં કહ્યું કે, તેમણે આ પહેલાં ક્યારેય કહ્યું ન હતું. તે દિવસથી આજદિન સુધી તેમણે દારૂને હાથ પણ લગાવ્યો નથી. તે અદ્ભુત હતું. તેમની પાસે જે ઈચ્છા શક્તિ છે તે મારામાં ક્યારેય ન આવી શકે.
જાવેદ અખ્તર પોતાના પ્રથમ નિષ્ફળ લગ્નનું કારણ દારૂને માને
જાવેદ અખ્તર 21 વર્ષની ઉંમરથી દારૂ પીએ છે. હાલમાં જ મોજો સ્ટોરીને આપેલા એક ઇન્ટરવ્યૂમાં જાવેદ અખ્તરે કહ્યું હતું કે તેમના પહેલા લગ્ન તૂટવાનું કારણ દારૂ હતું. તેમણે કહ્યું હતું કે, મેં 20-21 વર્ષની ઉંમરે દારૂ પીવાનું શરૂ કર્યું હતું અને 42 વર્ષની ઉંમરે દારૂ છોડી દીધો હતો. હું તે સમયે દારૂની બોટલ ખરીદતો હતો અને દરરોજ રાત્રે આખી બોટલ પૂરી કરતો હતો. ઉર્દૂ કવિ માટે આ સામાન્ય વાત હતી. લોકો માનતા હતા કે ઉર્દૂ કવિએ ચિંતામુક્ત થઈને દારૂ પીવો જોઈએ. મને લાગે છે કે આ ખોટું હતું.
જાવેદ અખ્તરની પહેલી પત્ની હની ઈરાની બાળકો ફરહાન-ઝોયા સાથે
તેમણે વધુમાં કહ્યું કે, મને ખાતરી છે કે જો હું આલ્કોહોલિક ન હોત અને મારી જવાબદારીઓ સારી રીતે નિભાવી હોત તો પરિસ્થિતિ અલગ હોત. મારા નિષ્ફળ સંબંધોનું કારણ દારૂ પીવાનું છોડી દેવાની લડાઈ છે. તેઓ (હની ઈરાની) એક અદ્ભુત વ્યક્તિત્વ છે. તેઓ એક સારી વ્યક્તિ છે અને હું તેમનું ઘણું સન્માન કરું છું. આ કારણે અમે આજે પણ મિત્રો છીએ.
જાવેદ અખ્તરે એમ પણ કહ્યું હતું કે શબાના આઝમી સાથે લગ્ન કર્યા પછી પણ તેઓ દરરોજ દારૂ પીતા હતાં. પરંતુ એક દિવસ તેમને સમજાયું કે જો તે આ રીતે પીવાનું ચાલુ રાખશે તો તે જલ્દી મરી જશે. આ વિચારને ધ્યાનમાં રાખીને એક દિવસ તેમણે દારૂને સંપૂર્ણપણે છોડી દેવાનો નિર્ણય કર્યો અને ત્યારથી આજ સુધી તેમણે ક્યારેય દારૂનું એક ટીપું પણ પીધું નથી. હની ઈરાની સાથે છૂટાછેડા બાદ જાવેદ અખ્તરે 1984માં શબાના આઝમી સાથે લગ્ન કર્યા હતા.
