‘દેવદાસ’ના કારણે શાહરૂખનું નુકસાન!: ખરેખર લાગી હતી દારૂની લત, ફિલ્મ સાઈન પાછળની ઈમોશનલ કહાની જણાવી

એક ઈન્ટરનેશનલ ઈવેન્ટ દરમિયાન શાહરૂખ ખાને કહ્યું હતું કે, દેવદાસ ફિલ્મમાં શરાબીની ભૂમિકા ભજવ્યા બાદ તેને ખરેખર દારૂ પીવાનું શરૂ કરી દીધું હતું. આ જ કારણ હતું કે તેને તેના ફેન્સને આ પાત્રમાંથી કોઈ પ્રેરણા ન લેવાનું કહ્યું હતું.

હાથમાં દારૂની બોટલ સાથે ‘દેવદાસ’નો આઇકોનિક પોઝ

આ વર્ષની શરૂઆતમાં શાહરૂખ ખાને એક ઈવેન્ટમાં પોતાની ફિલ્મી કરિયર અને કેટલીક એવરગ્રીન ફિલ્મો વિશે વાત કરી હતી. આ દરમિયાન તેને દેવદાસ ફિલ્મ વિશે પણ વાત કરી હતી. તેને કહ્યું કે આ ફિલ્મના શૂટિંગ દરમિયાન તે ખૂબ જ ચિંતિત હતો. આ કારણોસર તેણે દારૂ પીવાનું શરૂ કર્યું હતું.

મારી માતાના કારણે દેવદાસ ફિલ્મ સાઈન કરી હતી શાહરૂખે કહ્યું હતું કે, આ ફિલ્મ સાઈન કરી કારણ કે તેને વિશ્વાસ હતો કે તેની માતા લતીફ ફાતિમાને આ ફિલ્મ ગમશે. આ વિશે તેને કહ્યું કે- મને લાગ્યું કે જો હું દેવદાસ બનીશ તો તે (માતા) તેને ગમશે અને તેની પ્રશંસા કરશે. શાહરૂખનું માનવું છે કે જો તે મોટી ફિલ્મો બનાવે છે તો તેના માતા-પિતા તેને સ્વર્ગમાંથી જોવે છે.

‘દેવદાસ’ના એક ઇમોશનલ દૃશ્યમાં શાહરુખ ખાન

દેવદાસ ફિલ્મે 168 કરોડની કમાણી કરી હતી દેવદાસ ફિલ્મ 2002માં રિલીઝ થઈ હતી. આ ફિલ્મમાં શાહરૂખ ખાન, ઐશ્વર્યા રાય, માધુરી દીક્ષિત, જેકી શ્રોફ, કિરણ ખેર જેવા કલાકારો જોવા મળ્યા હતા. આ ફિલ્મ માટે શાહરૂખને બેસ્ટ એક્ટરનો એવોર્ડ પણ મળ્યો હતો. આ ફિલ્મ શરતચંદ્ર ચટ્ટોપાધ્યાયની આ જ નામની નવલકથા પર આધારિત હતી. આ ફિલ્મ 2002ની સૌથી વધુ કમાણી કરનારી ફિલ્મોમાંની એક હતી. 50 કરોડમાં બનેલી આ ફિલ્મે 168 કરોડનું કલેક્શન કર્યું હતું.