39 મિનિટ પેહલા
- કૉપી લિંક
ફિલ્મ ડિરેક્ટર સંદીપ રેડ્ડી વાંગાએ તાજેતરમાં એક ઇન્ટરવ્યૂમાં ખુલાસો કર્યો હતો કે તેઓ ફિલ્મ ‘એનિમલ’માં શાહિદ કપૂરના કેમિયો વિશે વિચારી રહ્યા હતા. તેણે બધું જ ફાઇનલ કરી લીધું હતું, પરંતુ ફિલ્મનું શૂટિંગ શરૂ થાય તેના થોડા દિવસો પહેલા, તેણે પોતાનો વિચાર પડતો મૂક્યો.
ફિલ્મ ક્રિટિક્સ અને ટ્રેડ એક્સપર્ટ કોમલ નાહટા સાથેની એક મુલાકાત દરમિયાન, દિગ્દર્શક સંદીપ રેડ્ડી વાંગાએ ખુલાસો કર્યો કે તેઓ ફિલ્મ ‘એનિમલ’માં કબીર સિંહના કેમિયો વિશે વિચારી રહ્યા હતા. સંદીપ રેડ્ડીએ કહ્યું- જ્યારે અમે ‘એનિમલ’નું શૂટિંગ કરી રહ્યા હતા, ત્યારે અમને લાગ્યું કે તેમાં કબીર સિંહનો કેમિયો રાખી શકાય. મારી ટીમને પણ આ વિચાર ગમ્યો. અમે આ માટે તૈયારીઓ પણ કરી લીધી હતી.
સંદીપ રેડ્ડી વાંગાએ આગળ કહ્યું, ‘કબીર સિંહના કેમિયોના શૂટિંગના 2 દિવસ પહેલા, મેં નક્કી કર્યું કે વાર્તા મુજબ તે યોગ્ય નહીં હોય. જ્યાં અમે કબીર સિંહનો કેમિયો કરવા માગતા હતા, ત્યાં ફિલ્મ ગંભીર બનવાની હતી. મને લાગ્યું કે કબીર સિંહને કારણે ફિલ્મમાં ગંભીરતા નહીં રહે જશે અને મેં તે કેમિયો રદ કર્યો.’
નોંધનીય છે કે, શાહિદ કપૂરે સંદીપ રેડ્ડી વાંગાની ફિલ્મ ‘કબીર સિંહ’માં ડૉ. કબીર રાજધીર સિંહની ભૂમિકા ભજવી હતી. ‘એનિમલ’ ફિલ્મમાં રણબીર કપૂરના હોસ્પિટલમાં દાખલ થવાના દૃશ્યમાં સંદીપ રેડ્ડી કબીર સિંહની એન્ટ્રી ઇચ્છતા હતા. પાછળથી તેમને લાગ્યું કે આનાથી દૃશ્ય ખૂબ હળવું થઈ જશે, તેથી તેમણે કબીર સિંહના કેમિયોનો વિચાર પડતો મૂક્યો.
‘કબીર સિંહ’ ફિલ્મ સંદીપ રેડ્ડી દ્વારા દિગ્દર્શિત તેલુગુ ફિલ્મ ‘અર્જુન રેડ્ડી’ ની હિન્દી રિમેક હતી. લોકોને આ ફિલ્મ ખૂબ જ ગમી. સંદીપ હજુ પણ હિન્દી બેલ્ટના દર્શકોમાં તેની ફિલ્મો ‘કબીર સિંહ’ અને ‘એનિમલ’ માટે સમાચારમાં છે. તેમની આગામી ફિલ્મો વિશે વાત કરીએ તો, તેઓ ‘સ્પિરિટ’ અને ‘એનિમલ પાર્ક’ બનાવી રહ્યા છે. એનિમલ પાર્કમાં રણબીર કપૂર મુખ્ય ભૂમિકામાં હશે.
