5 કલાક પેહલા
- કૉપી લિંક
શાહરુખ ખાને હાલમાં જ ખુલાસો કર્યો છે કે, તેની પાસે 300 એવોર્ડ છે. તેણે પોતાના ઘરમાં એક રૂમ પણ બનાવ્યો છે, જ્યાં તે આ એવોર્ડ્સ રાખે છે.
શાહરુખે એમ પણ કહ્યું કે તેને એવોર્ડ સ્વીકારવામાં કોઈ શરમ નથી. તેને દર્શકો પાસેથી પ્રેમ મેળવવો ગમે છે.
શાહરુખ પાસે 300 એવોર્ડ છે
ધ ગાર્ડિયનને આપેલા ઈન્ટરવ્યૂ દરમિયાન શાહરુખને પૂછવામાં આવ્યું કે શું તેની પાસે એવોર્ડ રાખવા માટે ઘરમાં કોઈ ખાસ જગ્યા છે? જવાબમાં અભિનેતાએ કહ્યું- મારી પાસે આ રૂમ કરતા મોટો રૂમ છે. મારી પાસે 300 એવોર્ડ છે. મારી પાસે 9 માળની ઓફિસ છે અને દરેક ફ્લોર પર કેટલાક એવોર્ડ રાખવામાં આવ્યા છે.
ખરેખર, આ ટ્રોફી રૂમ નથી. આ એક પુસ્તકાલય છે, જેને અંગ્રેજી પુસ્તકાલયની જેમ ડિઝાઇન કરવામાં આવ્યું છે.
‘એવોર્ડ સ્વીકારવામાં હું બેશરમ છું’
જ્યારે શાહરુખને આગળ પૂછવામાં આવ્યું કે શું તેને એવોર્ડ મેળવવો ગમે છે, તો અભિનેતાએ કહ્યું,’મને મજા આવે છે. હું આ બાબતમાં ખૂબ જ બેશરમ છું. મને એવોર્ડ મેળવવો ગમે છે. મને સેરેમનીઓ ગમે છે. મારે ભાષણ આપવું હોય તો હું થોડો નર્વસ થઈ જાઉં છું.’
શાહરુખે વધુમાં કહ્યું કે, ‘જ્યારે તે એવોર્ડ લેવા માટે આંતરરાષ્ટ્રીય મંચ પર હાજર હોય છે ત્યારે તે થોડો નર્વસ અનુભવે છે. તેઓ તેમની રમૂજની ભાવનાને નિયંત્રિત કરવાનો પણ પ્રયાસ કરે છે.’
‘એવોર્ડની વાત આવે ત્યારે હું થોડો લોભી થઈ જાવ છું’
આ પહેલીવાર નથી જ્યારે શાહરુખે એવોર્ડ્સ માટે પોતાનો પ્રેમ વ્યક્ત કર્યો હોય. તાજેતરમાં જ મુંબઈમાં આયોજિત 2024 દાદાસાહેબ ફાળકે ઈન્ટરનેશનલ ફિલ્મ ફેસ્ટિવલ એવોર્ડ્સમાં શાહરુખને ‘જવાન’ માટે શ્રેષ્ઠ અભિનેતાનો એવોર્ડ મળ્યો હતો. અહીં તેણે કહ્યું કે જ્યારે એવોર્ડ મેળવવાની વાત આવે છે ત્યારે તે થોડો લોભી બની જાય છે.
અભિનેતાએ આગળ કહ્યું, ‘હું જ્યુરીનો આભાર માનું છું જેમણે મને શ્રેષ્ઠ અભિનેતાના એવોર્ડ માટે લાયક ગણ્યો. મને લાંબા સમયથી અભિનેતાનો એવોર્ડ આપવામાં આવ્યો ન હતો. એવું લાગતું હતું કે તે ફરી ક્યારેય નહીં મળે. તેથી હવે હું ખૂબ ખુશ છું. મને પુરસ્કારો મેળવવાનું ગમે છે. હું થોડો લોભી છું.’
