શાહરૂખની ફિલ્મ ‘ડંકી’ અપેક્ષા પર ખરી નાં ઉતરી ​​​​​​​: પહેલા દિવસે માત્ર 30 કરોડની કમાણી કરી, 2023માં શાહરૂખ બન્યો સૌથી વીક ઓપનર

ફિલ્મ ‘ડંકી’એ બોક્સ ઓફિસ પર ધીમી શરૂઆત કરી છે. આ ફિલ્મે પહેલા દિવસે ભારતમાં માત્ર 30 કરોડ રૂપિયાનું કલેક્શન કર્યું છે. આ રીતે, તે 2023નો સૌથી ખરાબ ઓપનર રહ્યો છે. આ આંકડા સાથે, ડંકી આ વર્ષની સૌથી મોટી ફ્લોપ ફિલ્મ ‘આદિપુરુષ’થી પાછળ રહી ગઈ છે, જેણે શરૂઆતના દિવસે 36 કરોડ રૂપિયાનું કલેક્શન કર્યું હતું. એવું માનવામાં આવે છે કે શુક્રવારથી સોમવાર સુધી ફિલ્મના કલેક્શનમાં વધારો થઈ શકે છે, કારણ કે તે લાંબો વીકેન્ડ છે.

શાહરૂખની અગાઉની ફિલ્મોના રેકોર્ડ
જો કે શાહરૂખ ખાનની છેલ્લી 5 ફિલ્મોના ટ્રેક રેકોર્ડ પર નજર કરીએ તો ‘ડંકી’ ત્રીજી મોટી ઓપનર બની છે. તેણે ‘ઝીરો’, ‘રઈસ’ અને ‘જબ હેરી મેટ સેજલ’ જેવી ફિલ્મોના રેકોર્ડ તોડ્યા છે. જ્યારે ‘ઝીરો’એ શરૂઆતના દિવસે રૂ. 19.35 કરોડનું કલેક્શન કર્યું હતું, ‘જ્યારે જબ હેરી મેટ સેજલે’ ભારતમાં પ્રથમ દિવસે રૂ. 15.25 કરોડનું કલેક્શન કર્યું હતું.

જોકે ડંકી આ વર્ષે રિલીઝ થયેલી શાહરૂખની ફિલ્મો ‘પઠાણ’ અને ‘જવાન’થી પાછળ રહી ગઈ છે. પઠાણે શરૂઆતના દિવસે રૂ. 57 કરોડ અને જવાને રૂ. 75 કરોડ કલેક્ટ કર્યા હતા.

શાહરૂખની છેલ્લી 5 ફિલ્મોનું ઓપનિંગ ડે કલેક્શન

શાહરૂખની છેલ્લા 5 વર્ષની ફિલ્મોનું બજેટ
છેલ્લા 5 વર્ષની શાહરૂખની ફિલ્મોની સરખામણીમાં ફિલ્મ ‘ડંકી’નું બજેટ સૌથી ઓછું છે. આ વર્ષે રિલીઝ થયેલી ફિલ્મ ‘જવાન’નું બજેટ સૌથી વધુ હતું. આ ફિલ્મ 300 કરોડના બજેટમાં બની હતી.

‘ડંકી’ ફિલ્મ વિશે ટ્રેડ એક્સપર્ટનો અભિપ્રાય:-
ટ્રેડ એક્સપર્ટ આમિર અંસારી કહે છે,’ફિલ્મ ડંકી ગઈકાલે એટલે કે 21મી ડિસેમ્બરે પૂરી તૈયારી સાથે રિલીઝ કરવામાં આવી છે. ફિલ્મમાં રાજકુમાર હિરાની અને શાહરૂખની જોડી જોઈને પ્રદર્શકોએ ડંકીને સમગ્ર ભારતમાં 15 હજારથી વધુ શો આપ્યા છે. આ બહુ મોટી વાત છે. કોઈ ફિલ્મને આટલા બધા શો આટલા ઝડપથી મળતા નથી. શાહરૂખ ખાન બેંગ્લોરમાં એકમાત્ર એવો અભિનેતા છે જેની ફિલ્મો ‘પઠાણ’, ‘જવાન’ અને હવે ‘ડંકી’ 800 થી વધુ શો મેળવી ચૂકી છે. અગાઉ માત્ર રજનીકાંત અને પ્રભાસને એક જ ફિલ્મ માટે આટલા શો મળ્યા હતા. જ્યારે ચેન્નાઈમાં ફિલ્મને 190 શો મળ્યા, જે અન્ય કોઈ ફિલ્મને નથી મળતા’.

ટ્રેડ એક્સપર્ટ આમિર અંસારી કહે છે – એવી અપેક્ષા હતી કે રાજકુમાર હિરાની અને શાહરૂખ અભિનીત ફિલ્મ 100 કરોડની ઓપનિંગ કરશે, પરંતુ કમનસીબે એવું થયું નહીં.

શાહરૂખ માટે 2023 કેવું રહ્યું?
છેલ્લા 10 વર્ષમાં શાહરૂખ માટે આ વર્ષ ખૂબ જ ખાસ રહ્યું છે. આ વર્ષની શરૂઆત તેની ફિલ્મ પઠાણથી થઈ હતી, જેણે વિશ્વભરમાં 1050 કરોડ રૂપિયાનું કલેક્શન કર્યું હતું. 25 જાન્યુઆરીએ રિલીઝ થયેલી આ ફિલ્મમાં શાહરૂખ ઉપરાંત દીપિકા પાદુકોણ અને જોન અબ્રાહમ લીડ રોલમાં હતા. આ વર્ષની તેની બીજી ફિલ્મ જવાન, 7 સપ્ટેમ્બર 2023ના રોજ રીલિઝ થઈ હતી, તે પણ બોક્સ ઓફિસ પર હિટ રહી હતી. જવાને વર્લ્ડવાઈડ બોક્સ ઓફિસ પર 1146 કરોડ રૂપિયાની કમાણી કરી હતી. આ ફિલ્મે ભારતમાં 640.25 કરોડ રૂપિયાથી વધુની કમાણી કરીને ઘણા નવા રેકોર્ડ બનાવ્યા હતા. ફિલ્મમાં વિજય સેતુપતિ, રિદ્ધિ ડોગરા, દીપિકા પાદુકોણ અને પ્રિયામણિ જેવા સેલેબ્સ પણ જોવા મળ્યા હતા. આ ફિલ્મમાં શાહરૂખે ડબલ રોલ કર્યો હતો. દર્શકોને તેની એક્ટિંગ ખૂબ જ પસંદ આવી હતી.

રાજકુમાર હિરાની પહેલીવાર ડાયરેક્શનમાં નિષ્ફળ જતા જોવા મળ્યા હતા.
આ ફિલ્મને રાજકુમાર હિરાનીએ ડિરેક્ટ કરી છે. રાજકુમાર હિરાણી એકમાત્ર એવા દિગ્દર્શક છે જેમણે બોલિવૂડમાં અત્યાર સુધી સૌથી વધુ હિટ ફિલ્મો આપવાનો રેકોર્ડ બનાવ્યો છે. પરંતુ ‘ડંકી’ તેની અત્યાર સુધીની સૌથી નબળી ફિલ્મ લાગી રહી છે. દર્શકો હંમેશા હિરાની જેવા દિગ્દર્શક પાસેથી કંઈક નવું કરવાની અપેક્ષા રાખે છે, પરંતુ આ વખતે તે નિષ્ફળ ગયો છે. રાજકુમાર હિરાનીએ માત્ર 5 ફિલ્મો જ ડિરેક્ટ કરી છે, પરંતુ આ તમામ ફિલ્મો સુપરહિટ રહી છે. ઈન્ડસ્ટ્રીના સૌથી અમીર નિર્દેશકોની યાદીમાં તેમનું નામ પણ સામેલ છે. તેમની કુલ સંપત્તિ 1416 કરોડ રૂપિયા છે.